ཨེ་ཁྭ་ཏོར་གྱི་གྲོང་ཁྱེར་ཞིག་ལ་འཇབ་རྒོལ་དོན་རྐྱེན་བྱུང་ནས་ཉུང་མཐར་ཡང་མི10རྐྱེན་ལམ་དུ་ཤོར།

ཨེ་ཁྭ་ཏོར་གྱི་སྨྱན་བྱད་ཀྱིས་ཟླ12པའི་ཚེས1ཉིན་སྤེལ་བའི་གནས་ཚུལ་ལྟར་ན། རྒྱལ་ཁབ་དེའི་ལྷོ་རྒྱུད་ཨེའར་ཨོ་ལུའོ་ཞིང་ཆེན་ཨེའར་ཀྭ་ཨོ་གྲོང་ཁྱེར་དུ་ཉིན་དེར་འཇབ་རྒོལ་དྲག་པོའི་དོན་རྐྱེན་ཞིག་བྱུང་ནས་ཉུང་མཐར་ཡང་མི10རྐྱེན་ལམ་དུ་ཤོར་ཡོད་པ་རེད།

གནས་ཚུལ་སྤེལ་བ་ལྟར་ན།  ཉིན་དེའི་དུས་ཚོད5ཙམ་ལ་དྲག་ཆས་པ་སྐོར་ཞིག་གིས་ཨེར་ཀྭ་ཝོ་གྲོང་ཁྱེར་ལ་ཝུའེ་ཏུའོ་ལི་ཡ་ཆུས་ཀྱི་གླ་གཏོང་ཁང་པ་ཞིག་ཏུ་ཏག་ཏག་ཉལ་བཞིན་ཡོད་པའི་མི་རྣམས་ལ་མེ་མདས་བརྒྱབ་ནས་ཉུང་མཐར་ཡང་མི10རྐྱེན་ལམ་དུ་ཤོར་བ་དང་།  དེའི་ནང་ཨེ་ཁྭ་ཏོར་གྱི་མི་དང་ཁོ་ལོམ་པི་ཡའི་མི་ཡོད་པ་རེད། ཉེན་རྟོག་ཕྱོགས་ཀྱིས་དོན་རྐྱེན་བྱུང་ཡུལ་ལ་བཀག་སྡོམ་བྱས་པ་དང་མཉམ་དུ་དོན་རྐྱེན་ལ་བརྟག་དཔྱད་བྱེད་འགོ་བརྩམས།

ཉེན་རྟོག་ཕྱོགས་ཀྱིས་བརྟག་དཔྱད་བྱས་པ་ལྟར་ན།  ཐེངས་འདིའི་འཇབ་རྒོལ་དོན་རྐྱེན་དེ་རྩ་འཛུགས་ཡོད་པའི་ཉེས་གསོག་ཕྱོགས་ཁག་བར་གྱི་འཐབ་རྩོད་དང་འབྲེལ་བ་ཡོད་པ་རེད།

ད་ལོའི་ལོ་འགོ་ནས་བཟུང་ཨེ་ཁྭ་ཏོར་གྱི་ས་ཆ་མང་ཆེ་བར་ཉེས་གསོག་གི་གནས་ཚུལ་ཚབས་ཆེན་མང་པོ་ཐོན་པ་དང་།  ཕྱོགས་ཁག་གི་གཏུམ་སྤྱོད་ཇེ་དྲག་ཏུ་གྱུར་ཡོད། སྲིད་གཞུང་གིས“རྒྱལ་ནང་གི་དྲག་ཆས་གདོང་གཏུག”གི་སྲིད་འཛིན་བཀའ་རྒྱར་མིང་རྟགས་བཀོད་པ་དང་མཉམ་དུ་ས་གནས་སོ་སོའི་རྩ་འཛུགས་ཡོད་པའི་ཉེས་གསོག་ཚོགས་པར་རྡུང་རྡེག་གཏོང་བཞིན་ཡོད་པ་རེད། ཟླ10ཚེས3ཉིན། ཨེ་ཁྭ་ཏོར་སྲིད་གཞུང་གིས་རྒྱལ་ས་ཁེ་ཏུའོ་དང་ཨེའར་ཨའོ་ལུའོ་ཞིང་ཆེན་དང་བཅས་པའི་ས་ཆ་མང་པོར་དུས་ཡུན་ཉིན60ཡི་ཛ་དྲག་གི་རྣམ་པ་ལག་བསྟར་བྱ་རྒྱུའི་ཁྱབ་བསྒྲགས་བྱས་པ་རེད།