ཡོ་ནན་གྱི་དམག་སྦྱོང་གནམ་གྲུ་ཞིག་སར་ལྷུང་ནས་མི2གར་སོང་ཆ་མེད་དུ་གྱུར།

ཚེས6ཉིན།  ཡོ་ནན་གསར་འགྱུར་ཁང་གིས་ཡོ་ནན་རྒྱལ་སྲུང་པུའུ་ཡི་ཆ་འཕྲིན་དྲངས་ནས་བཤད་རྒྱུར།དམག་སྦྱོང་གནམ་གྲུ་ཞིག་ཉིན་དེའི་སྔ་དྲོར་ཡོ་ནན་དབུས་རྒྱུད་ཀྱི་ཕེན་ཏེན་ཞིང་ཆེན་དུ་སར་ལྷུང་བ་དང་གནམ་གྲུའི་ནང་གི་འཕུར་སྐྱོད་པ་གཉིས་གར་སོང་ཆ་མེད་དུ་གྱུར་ཟེར།

ཡོ་ནན་རྒྱལ་སྲུང་པུའུ་ཡིས་གནས་ཚུལ་སྤེལ་ནས་བཤད་རྒྱུར།དམག་སྦྱོང་གནམ་གྲུ་དེ་ས་གནས་དེའི་དུས་ཚོད9དང་སྐར་མ55སྟེང་ཕེན་ཏེན་ཞིང་ཆེན་ཕུའུ་ཅི་གནམ་གྲུ་ཐང་ནས་འཕུར་ཏེ་སྦྱོང་བརྡར་བྱེད་འགོ་བརྩམས་པ་རེད། སྐར་མ40ལྷག་ཙམ་འགོར་རྗེས་ཀྱི་སྦྱོང་བརྡར་ལེགས་འགྲུབ་བྱུང་ལ་ཉེ་བའི་སྐབས་སུ།འཕུར་སྐྱོད་པས་འབབ་སྒྲོམ་འཇོག་ཐབས་བྲལ་ཏེ་འཕྲལ་སྡོམ་བྱེད་ཐབས་སྤྱད་ཀྱང་གནད་དོན་སྔར་བཞིན་ཐག་གཅོད་བྱེད་མི་ཐུབ་པའི་སྙན་ཞུ་ཕུལ་ཡོད། དེའི་རྗེས་སུ་འཕར་སྐྱོད་པ་གཉིས་ཀྱིས་མཆོང་གདུགས་སྤྱད་ནས་ཕྱིར་མཆོང་པ་རེད།

ད་ལྟ་ས་གནས་དེའི་འབྲེལ་ཡོད་སྡེ་ཁག་གིས་གར་སོང་ཆ་མེད་དུ་གྱུར་པའི་འཕུར་སྐྱོད་པ་དེ་གཉིས་འཚོལ་བཞིན་ཡོད་ཟེར།