ཨེ་ཀྭ་ཏོར་གྱི་ཞིང་ཆེན་དྲུག་བྲེལ་མྱུར་རྣམ་པ་གནས་ཡོད།

ཨེ་ཀྭ་ཏོར་གྱི་ཞིང་ཆེན་དྲུག་བྲེལ་མྱུར་རྣམ་པ་གནས་ཡོད།

ཨེ་ཀྭ་ཏོར་གྱི་ཙུང་ཐུང་བཞུགས་ཤག་གིས་ཚེས2ཉིན་སྤྱི་སྒྲོག་ཅིག་ལས་བཤད་རྒྱུར། ཚབས་ཆེ་བའི་ནང་ཁུལ་གྱི་ཟང་ཟིང་དང་རྒྱལ་ནང་གི་དྲག་ཆས་འཁྲུག་རྩོད་དབང་གིས། ཀྭ་ཡཱ་སི་དང་ལོ་སི་ལི་ཨོ་སི། མཱ་ནཱ་ཝེ་སོགས་ཞིང་ཆེན་དྲུག་དང་ཨ་སུའུ་ཨེ་ཞིང་ཆེན་གྱི་ཕིན་སེ་ཨིན་ལི་ཁི་སི་གྲོང་ཁྱེར་བཅས་ཀྱིས་ཉིན་དྲུག་ཅུའི་རིང་དོགས་ཟོན་མཐོར་འདེགས་བྱེད་རྒྱུ་ཡིན་ཟེར།

སྤྱི་སྒྲོག་ལས་བཤད་རྒྱུར། གྲོས་ཆོད་དེར་གྲོས་འཆམ་བྱུང་བ་བརྒྱུད། ཙུང་ཐུང་ནོའུ་བོ་ཡཱ་ཡིས་རྩ་འཛུགས་ཡོད་པའི་ནག་ཉེས་དང་འཇིགས་སྐུལ་རིང་ལུགས་ལ་ཆམ་ཕབ་གཏོང་བའི་འཐབ་ཇུས་ལ་ཤུགས་སྣོན་བྱས་ཏེ། རྒྱལ་ཡོངས་དང་ཁྱད་པར་དུ་གོང་སྨྲས་ས་ཁུལ་གྱི་ཕན་བདེ་དང་སྤྱི་དམངས་ཀྱི་བདེ་འཇགས་འགན་སྲུང་བྱེད་པ་གཙོར་འཛིན་རྒྱུ་རེད་ཟེར།

ཨེ་ཀྭ་ཏོར་གྱི་ལོ་མང་བོའི་རིང་གི་བདེ་འཇགས་གནས་བབ་ཛ་དྲག་ཡིན་པ་དང་། ཟླ5བའི་ཚེས22ཉིན་ནོའུ་བོ་ཡཱ་ཡིས་ཀྭ་ཡཱ་སི་དང་ལོ་སི་ལི་ཨོ་སི། མཱ་ནཱ་ཝེ་སོགས་ཞིང་ཆེན་བདུན་དང་ཨ་སུའུ་ཨེ་ཞིང་ཆེན་གྱི་ཕིན་སེ་ཨིན་ལི་ཁི་སི་གྲོང་ཁྱེར་བཅས་ཀྱིས་ཉིན་དྲུག་ཅུའི་རིང་དོགས་ཟོན་མཐོར་འདེགས་བྱས་ཏེ། དུག་རྫས་ལྐོག་བྱེད་པའི་ཚོགས་ཁག་བར་གྱི་ས་ཁོངས་རྩོད་གླེང་ལས་བྱུང་བའི་དྲག་ཤུགས་ནག་ཉེས་ལ་ཚོད་འཛིན་བྱེད་རྒྱུ་རེད།