དགུ་བཅུ་པ། སྐྱོན་བརྗོད་དང་རང་ཉིད་སྐྱོན་བརྗོད་ཀྱི་མཚོན་ཆ་ལེགས་པར་སྤྱོད་པ་རྒྱུན་འཁྱོངས་བྱེད་དགོས། སྐྱོན་བརྗོད་དང་རང་ཉིད་སྐྱོན་བརྗོད་ནི་ཏང་ནང་ཁུལ་གྱི་འགལ་བ་སེལ་བའི་སྟོབས་དང་ལྡན་པའི་མཚོན་ཆ་ཞིག་ཡིན་ལ། ཏང་ནང་ཁུལ་གྱི་ཆབ་སྲིད་ཀྱི་ས་རྡུལ་སྣ་ཚོགས་དང་ཆབ་སྲིད་ཀྱི་འབུ་ཕྲ་སྣ་ཚོགས་གཙང་སེལ་བྱེད་པའི་སྟོབས་དང་ལྡན་པའི་མཚོན་ཆ་ཞིག་ཀྱང་ཡིན། ང་ཚོའི་ཏང་གིས་རང་ཉིད་ཀྱི་སྟོབས་ཤུགས་ལ་བརྟེན་ནས་རང་སྟེང་ཀྱི་གནད་དོན་སེལ་ཐུབ་པ་ནི། སྐྱོན་བརྗོད་དང་རང་ཉིད་སྐྱོན་བརྗོད་ལ་བརྟེན་པས་ཡིན། བློ་མཐུན་མའོ་ཙེ་ཏུང་གིས། དུས་གཏན་འཁེལ་ལྟར་ཚོགས་འདུ་བསྡུས་ནས། སྐྱོན་བརྗོད་དང་རང་ཉིད་སྐྱོན་བརྗོད་བྱེད་དགོས། འདི་ནི་བློ་མཐུན་བར་དུ་ཕན་ཚུན་ལ་ལྟ་རྟོག་བྱས་ཏེ། ཏང་དང་རྒྱལ་ཁབ་ཀྱི་བྱ་གཞག་མྱུར་ཏུ་གོང་འཕེལ་ལ་སྐུལ་བའི་ཐབས་ལམ་ཡག་པོ་ཞིག་ཡིན། ཞེས་གསུངས་མྱོང་།  

—《ཏང་གི་རང་ངོས་གསར་བརྗེ་གླེང་བ》ལས།