གཞུང་དཔང་ཁ་ཆེམས་ལ་སྔོན་ཐོབ་ཀྱི་ནུས་པ་ཡོད་དམ།

མེད་དེ། རང་རྒྱལ《དམངས་དོན་ཁྲིམས་གཞུང》ནང་གཞུང་དཔང་ཁ་ཆེམས་ཀྱི་ནུས་པ་དམིགས་སུ་བཀར་ནས་སྔོན་ལ་ཐོན་པའི་རྩ་དོན་མེད་པར་བཟོས་ཤིང་། དོན་ཚན1142པའི་ནང་གཞུང་དཔང་ཁ་ཆེམས་བགྲང་ལས་འདས་པ་ཞིག་བཞག་ཡོད་ན། ཁ་ཆེམས་མཐའ་མ་དེ་ཚད་གཞིར་འཛིན་དགོས་པ་ལས་གཞུང་དཔང་ཁ་ཆེམས་དམིགས་སུ་བཀར་ནས་སྔོན་ལ་འཇོག་མི་དགོས། དེ་ལྟར་གཏན་འཁེལ་བྱེད་པའི་རྒྱུ་མཚན་ནི《དམངས་དོན་ཁྲིམས་གཞུང》ལག་བསྟར་མ་བྱས་གོང་། ཁ་ཆེམས་འཇོག་མཁན་གྱིས་གལ་ཏེ་ད་ཡོད་ཀྱི་གཞུང་དཔང་ཁ་ཆེམས་ཀྱི་ནང་དོན་བསྒྱུར་དགོས་ན་གཞུང་དཔང་ཁ་ཆེམས་གསར་པ་འཇོག་པའམ་ཡང་ན་སྔོན་གྱི་གཞུང་དཔང་ཕྱིར་འཐེན་བྱ་དགོས་པ་ལས། དངོས་ཡོད་འཚོ་བའི་ནང་ཁ་ཆེམས་འཇོག་མཁན་མང་པོ་ཞིག་ཕྱི་རོལ་ཡུལ་གྱི་རྒྱུ་རྐྱེན་དབང་གིས་གཞུང་དཔང་ཁ་ཆེམས་གསར་པ་འཇོག་ཐབས་བྲལ་བའམ་ཡང་ན་སྔོན་གྱི་གཞུང་དཔང་ཁ་ཆེམས་ཕྱིར་འཐེན་བྱེད་ཐབས་བྲལ་བས་བསམ་འདུན་ལྟར་ཁ་ཆེམས་བསྒྱུར་མི་ཐུབ་སྟེ། 《དམངས་དོན་ཁྲིམས་གཞུང》ལག་བསྟར་བྱས་རྗེས། ཁ་ཆེམས་འཇོག་མཁན་གྱིས་བཅའ་ཁྲིམས་ནང་གཏན་ལ་ཕབ་པའི་གཞུང་དཔང་ཕུད་པའི་བྱེད་ཐབས་གཞན་དག་ལ་བརྟེན་ནས་ཁ་ཆེམས་གསར་པ་བཞག་སྟེ། སྔར་ཡོད་གཞུང་དཔང་ཁ་ཆེམས་ཀྱི་ནང་དོན་བསྒྱུར་ནས་ཁ་ཆེམས་འཇོག་མཁན་གྱི་འདོད་བློ་ངོ་མ་སྲུང་སྐྱོང་ཏན་ཏིག་བྱས་ཆོག་ཅེས་བཀོད་ཡོད།