དོན་ཚན་བརྒྱ་དང་ཞེ་བཞི་པ། ལས་བྱེད་པ་བདམས་གསེས་བསྐོ་སྤྱོད་དང་། སྒྲིག་ཁྲིམས་ཞིབ་བཤེར། སྐོར་ཞིབ་སྐོར་དཔྱོད་བྱ་རྒྱུ་སོགས་དོན་དག་སྐོར་གྱི་ཏང་རྩ་འཛུགས་ཀྱིས་ཡོངས་བསྒྲགས་མ་བྱས་པའམ་ཡང་ན་གསང་བ་བསྲུང་དགོས་པའི་ནང་དོན་གཞན་དག་ཕྱིར་བསྒྲགས་པ་དང་། ཕྱིར་སྤེལ་བའམ་རྩད་གཅོད་བྱེད་པ་དང་ཡང་ན་རྐུ་འཁྱེར་བྱས་རིགས་ལ། ཐ་ཚིག་སྒྲོག་པའམ་ཡང་ན་ཐ་ཚིག་ནན་མོ་སྒྲོག་པའི་ཆད་པ་གཅོད་རྒྱུ་དང་། ཉེས་ཚབས་ཆེ་ཙམ་ཡིན་རིགས་ལ་ཏང་ནང་གི་གོ་གནས་མེད་པར་བཟོ་བའམ་ཡང་ན་ཏང་ནང་བཞག་ནས་ལྟ་ཞིབ་བྱེད་པའི་ཆད་པ་གཅོད་རྒྱུ། ཉེས་ཚབས་ཆེ་རིགས་ལ་ཏང་གི་སྐྱིད་སྡུག་ནས་འབུད་པའི་ཆད་པ་གཅོད་རྒྱུ།
ལས་བྱེད་པ་བདམས་གསེས་བསྐོ་སྤྱོད་དང་སྒྲིག་ཁྲིམས་ཞིབ་བཤེར། སྐོར་ཞིབ་སྐོར་དཔྱོད་བྱ་རྒྱུའི་སྐོར་སོགས་དང་འབྲེལ་བ་ཡོད་པའི་ཏང་རྩ་འཛུགས་ཀྱི་དཔྱད་ཡིག་ལྐོག་ཏུ་ཉར་འཇོག་བྱས་པ་ལས། ཉེས་ཚབས་ཆེ་ཙམ་ཡིན་རིགས་ལ་ཐ་ཚིག་སྒྲོག་པའམ་ཡང་ན་ཐ་ཚིག་ནན་མོ་སྒྲོག་པའི་ཆད་པ་གཅོད་རྒྱུ་དང་། ཉེས་ཚབས་ཆེ་རིགས་ལ་ཏང་ནང་གི་གོ་གནས་མེད་པར་བཟོ་བའི་ཆད་པ་གཅོད་རྒྱུ།
དོན་ཚན་བརྒྱ་དང་ཞེ་ལྔ་པ། རྒྱུགས་ལེན་དང་བསྡུ་ལེན་གྱི་ལས་དོན་ཁྲོད་རྒྱུགས་ལེན་གྱི་འདྲི་གཞི་ཕྱིར་བསྒྲགས་པ་དང་། རྒྱུགས་རའི་ནང་ཡིག་རྒྱུགས་རྐུ་བཤུ་བྱས་པ། རྒྱུགས་ཤོག་སུབ་བཅོས་བྱས་པ། སྒྲིག་འགལ་གྱིས་མི་བསྡུ་འཇུག་བྱས་པ་སོགས་འབྲེལ་ཡོད་གཏན་འབེབས་དང་འགལ་བའི་བྱ་སྤྱོད་རིགས་ལ། ཐ་ཚིག་སྒྲོག་པའམ་ཡང་ན་ཐ་ཚིག་ནན་མོ་སྒྲོག་པའི་ཆད་པ་གཅོད་རྒྱུ་དང་། ཉེས་ཚབས་ཆེ་ཙམ་ཡིན་རིགས་ལ་ཏང་ནང་གི་གོ་གནས་མེད་པར་བཟོ་བའམ་ཡང་ན་ཏང་ནང་བཞག་ནས་ལྟ་ཞིབ་བྱེད་པའི་ཆད་པ་གཅོད་རྒྱུ། ཉེས་ཚབས་ཆེ་རིགས་ལ་ཏང་གི་སྐྱིད་སྡུག་ནས་འབུད་པའི་ཆད་པ་གཅོད་རྒྱུ།
དོན་ཚན་བརྒྱ་དང་ཞེ་དྲུག་པ། ཚུལ་མིན་གྱི་བྱེད་ཐབས་སྤྱད་ནས་རང་ཉིད་དམ་ཡང་ན་མི་གཞན་དག་ལ་གཞུང་དངུལ་བཏང་སྟེ་རྒྱལ་ཁབ་ (མངའ་ཁོངས)ཕྱི་རུ་སྐྱོད་ཐབས་བྱས་ན། ཉེས་ཚབས་ཆུང་ཙམ་ཡིན་རིགས་ལ། ཐ་ཚིག་སྒྲོག་པའི་ཆད་པ་གཅོད་རྒྱུ་དང་། ཉེས་ཚབས་ཆེ་ཙམ་ཡིན་རིགས་ལ་ཐ་ཚིག་ནན་མོ་སྒྲོག་པའི་ཆད་པ་གཅོད་རྒྱུ། ཉེས་ཚབས་ཆེ་རིགས་ལ་ཏང་ནང་གི་གོ་གནས་མེད་པར་བཟོ་བའི་ཆད་པ་གཅོད་རྒྱུ།
དོན་ཚན་བརྒྱ་དང་ཞེ་བདུན་པ། གནས་སྐབས་རིང་རྒྱལ་ཁབ(མངའ་ཁོངས)ཕྱི་རུ་སྐྱོད་མཁན་ཚོགས་པའམ(ཚོ་ཆུང)ཡང་ན་དེའི་ཁྲོད་ཀྱི་ཏང་ཡོན་གྱིས་རང་དགར་རྒྱལ་ཁབ(མངའ་ཁོངས)ཕྱི་རུ་སྡོད་ཡུན་རིང་དུ་གཏོང་བའམ་ཡང་ན་རང་དགར་ལམ་ཐིག་བསྒྱུར་རིགས་ལས། དེའི་ཐད་ཀའི་འགན་འཁྲི་ཡོད་མཁན་དང་མགོ་ཁྲིད་ཀྱི་འགན་འཁྲི་ཡོད་མཁན་ལ་ཐ་ཚིག་སྒྲོག་པའམ་ཡང་ན་ཐ་ཚིག་ནན་མོ་སྒྲོག་པའི་ཆད་པ་གཅོད་རྒྱུ་དང་། ཉེས་ཚབས་ཆེ་རིགས་ལ་ཏང་ནང་གི་གོ་གནས་མེད་པར་བཟོ་བའི་ཆད་པ་གཅོད་རྒྱུ།
དོན་ཚན་བརྒྱ་དང་ཞེ་བརྒྱད་པ། ཕྱིར་སྡོད་སྒྲིག་གཞིའམ་ཡང་ན་གནས་སྐབས་རིང་རྒྱལ་ཁབ(མངའ་ཁོངས)ཕྱི་རུ་སྐྱོད་མཁན་ཚོགས་པའི(ཚོ་ཆུང)ཁྲོད་ཀྱི་ཏང་ཡོན་གྱིས་བཅའ་སྡོད་བྱེད་སའི་རྒྱལ་ཁབ་དང་ས་ཁུལ་གྱི་བཅའ་ཁྲིམས་དང་ཁྲིམས་བཀོད་བཀའ་རྒྱ་ལས་འགལ་བའམ་ཡང་ན་བཅའ་སྡོད་བྱེད་སའི་རྒྱལ་ཁབ་དང་ས་ཁུལ་གྱི་ཆོས་ལུགས་གོམས་གཤིས་ལ་བརྩི་འཇོག་མ་བྱས་ན། ཉེས་ཚབས་ཆེ་ཙམ་ཡིན་རིགས་ལ་ཐ་ཚིག་སྒྲོག་པའམ་ཡང་ན་ཐ་ཚིག་ནན་མོ་སྒྲོག་པའི་ཆད་པ་གཅོད་རྒྱུ་དང་། ཉེས་ཚབས་ཆེ་རིགས་ལ་ཏང་ནང་གི་གོ་གནས་མེད་པར་བཟོ་བ་དང་ཏང་ནང་བཞག་ནས་ལྟ་ཞིབ་བྱེད་པའམ་ཡང་ན་ཏང་གི་སྐྱིད་སྡུག་ནས་འབུད་པའི་ཆད་པ་གཅོད་རྒྱུ།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注