ཞིང་ཆེན་ཡོངས་ཀྱི་རིག་གནས་ཁྲོམ་ར་གཅིག་བསྡུས་བཅོས་སྐྱོང་བྱེད་པའི་བྱ་བའི་མགོ་བརྩམས།

ཟླ3པའི་ཚེས25ཉིན་ནས་ཟླ6པའི་ཚེས30ཉིན་བར། མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐིན་གྱིས་ཞིང་ཆེན་ཡོངས་ཀྱི་ཁྱབ་ཁོངས་སུ་རིག་གནས་ཁྲོམ་ར་གཅིག་བསྡུས་བཅོས་སྐྱོང་བྱེད་པའི་བྱ་བ་སྤེལ་རྒྱུ་ཡིན་ལ། དེའི་དམིགས་ཡུལ་ནི་མཉམ་འབྲེལ་དྲ་རྒྱའི་དྲ་ཞུགས་ཞབས་ཞུའི་ལྟེ་གནས་དང་། རོལ་རྩེད་བྱེད་ས། དྲ་རྒྱའི་རིག་གནས་ཚོང་གཉེར་སྡེ་ཁག  ཚོང་ལས་རང་བཞིན་གྱི་འཁྲབ་སྟོན་ཚོང་གཉེར་སྡེ་ཁག འཁྲབ་གཞུང་རོལ་རྩེད་རྩེ་ས། སྒྱུ་རྩལ་དངོས་རྫས་ཚོང་གཉེར་སྡེ་ཁག་བཅས་ཀྱི་ཁྲིམས་འགལ་སྒྲིག་འགལ་གྱི་ཚོང་གཉེར་བྱ་སྤྱོད་ལ་རྡུང་རྡེག་ནན་མོ་གཏོང་ཆེད་རེད།

མིག་སྔའི་བར། ཞིང་ཆེན་རིག་གནས་དང་ཡུལ་སྐོར་ཐིན་གྱིས་མི་བྱེད་པ་བཞི་དང་ཐད་ཀར་གཉིས་ཀྱི་བྱེད་ཐབས་སྤྱད་དེ། མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་གི་རིག་གནས་ཁྲོམ་རར་ཡུལ་དངོས་སུ་ལྟ་སྐུལ་ཞིབ་བཤེར་བྱས། ཞིབ་བཤེར་བྱས་པ་ལས། མཉམ་འབྲེལ་དྲ་རྒྱའི་དྲ་ཞུགས་ཞབས་ཞུའི་ལྟེ་གནས་གསུམ་གྱི་སྒོ་མདུན་དུ་ནར་མ་སོན་པའི་མི་ཡོང་མི་ཆོག་པའི་མཚོན་རྟགས་སྦྱར་ཡོད་ཀྱང་། ལག་རྩལ་ལྟ་སྐུལ་དོ་དམ་གྱི་བྱེད་ཐབས་ལག་བསྟར་བྱས་མེད་པ་མཐོང་། དེ་དང་མཉམ་དུ། ཞིང་ཆེན་རིག་གནས་དང་ཡུལ་སྐོར་ཐིན་གྱིས་ཟི་ལིང་གྲོང་ཁྱེར་རིག་གནས་ཁྲོམ་རའི་ཕྱོགས་བསྡུས་སྲིད་འཛིན་ཁྲིམས་བསྟར་ཅུའུ་དང་མཉམ་དུ་གྲོང་ཁྱེར་དང་ས་ཁུལ་གྱི་རིག་གནས་ཁྲོམ་རར་ཞིབ་བཤེར་བྱས་པ་དང་།  གཙོ་བོ་ཚོང་གཉེར་སྡེ་ཁག་གིས་ཁྲིམས་འགལ་དཔར་སྐྲུན་དངོས་རྫས་དང་ལྐོག་དཔར་བྱས་པའི་སློབ་ཁྲིད་ཟུར་ཁྲིད་རྒྱུ་ཆ། ད་དུང་ནང་དོན་འོས་འཚམ་མིན་པའི་རིག་གནས་ཐོན་རྫས་བཅས་ཕྱིར་འཚོང་བྱེད་ཀྱིན་ཡོད་མེད་ཀྱི་གནས་ཚུལ་ལ་ཞིབ་བཤེར་བྱས་པར་མ་ཟད། མཉམ་འབྲེལ་དྲ་རྒྱའི་དྲ་ཞུགས་ཞབས་ཞུའི་ལྟེ་གནས་ཀྱི་ལྟ་སྐུལ་དོ་དམ་ལ་ཤུགས་བསྣན། མགོ་ལོག་བོད་རིགས་རང་སྐྱོང་ཁུལ་རིག་གནས་ཁྲོམ་རའི་ཕྱོགས་བསྡུས་སྲིད་འཛིན་ཁྲིམས་བསྟར་ཅུའུ་ཡིས་ཁུལ་ཡོངས་ཀྱི་མཉམ་འབྲེལ་དྲ་རྒྱའི་དྲ་ཞུགས་ཞབས་ཞུའི་ལྟེ་གནས་དང་རོལ་རྩེད་བྱེད་ས། དཔར་སྐྲུན་དངོས་རྫས་ཚོང་གཉེར་ཁེ་ལས། དཔར་སྐྲུན་ཁེ་ལས་སོགས་ཀྱི་ཚོང་གཉེར་སྡེ་ཁག་ལ་ཆེད་དོན་ཞིབ་བཤེར་བྱས་པ་དང་། ཉེན་ཁའི་མི་མངོན་པའི་རྐྱེན་ངན་ཡོད་ས་ཉི་ཤུ་མཐོང་བར་མ་ཟད་ལེགས་བཅོས་བྱེད་པའི་བཀའ་ཕབ་ལ། དཔར་སྐྲུན་དངོས་རྫས་ཀྱི་ཚོང་གཉེར་ཆོག་མཆན་ཐོབ་མེད་པར་དཔར་སྐྲུན་དངོས་རྫས་འགྲེམ་སྤེལ་ལས་སྒོ་གཉེར་བའི་ཁེ་ལས་བཞིར་དག་ཐེར་བྱས་ཏེ། ཁྲིམས་ལྟར་ཁྲིམས་འགལ་སྒོས་ཕྱིར་འཚོང་བྱེད་ཀྱིན་པའི་དཔེ་དེབ་ཞེ་དྲུག་གཞུང་བཞེས་བཏང་། རྨ་ལྷོ་བོད་རིགས་རང་སྐྱོང་ཁུལ་ཧི་ནན་རྫོང་རིག་གནས་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ་ཡིས་རྫོང་ཕྱོགས་བསྡུས་སྲིད་འཛིན་ཁྲིམས་བསྟར་ཅུའུ་དང་མཉམ་འབྲེལ་བྱས་ནས། ཁུལ་ཁོངས་ནང་ཁུལ་གྱི་མཉམ་འབྲེལ་དྲ་རྒྱའི་དྲ་ཞུགས་ཞབས་ཞུའི་ལྟེ་གནས་དང་། ཡིག་གཏགས་ཡིག་དཔར་ཁང་། སློབ་གྲྭའི་ཉེ་འགྲམ་གྱི་སློབ་སྦྱོང་ཡོ་བྱད་ཚོང་ཁང་སོགས་ཚོང་གཉེར་སྡེ་ཁག་ལ་ཁྲིམས་བསྟར་ཞིབ་བཤེར་བྱས་པ་དང་། ཁྲིམས་ལྟར་རང་འདོད་ཀྱིས་པར་སྐྲུན་བྱས་པར་མ་ཟད་དཔེ་དེབ་ཏུ་བཟོས་པའི་པར་སྐྲུན་ཡིག་རིགས་བདུན་གཞུང་བཞེས་བཏང་། གྲོང་ཁྱེར་དང་ཁུལ་གཞན་དག་གིས་ཕྱོགས་ཡོངས་ལ་ཁེབས་པ་དང་གཏན་ནས་བཟོད་སྒོམ་མི་བྱེད་པ། ཁྲིམས་བསྟར་ནན་མོ་བྱེད་པ། ཕན་འབྲས་གཙོ་བོར་འཛིན་པ་བཅས་ཀྱི་བླང་བྱ་ལྟར། རིག་གནས་ཁྲོམ་རར་གྲལ་བཤེར་ཞིབ་མོ་བྱས།

ཞིང་ཆེན་རིག་གནས་དང་ཡུལ་སྐོར་ཐིན་གྱིས་ཞིང་ཆེན་ཡོངས་ཀྱི་རིག་གནས་ཁྲོམ་རའི་གཅིག་བསྡུས་བཅོས་སྐྱོང་བྱ་བར་རྒྱུན་མཐུད་སྒོས་སྐུལ་འདེད་བཏང་། གྲོང་ཁྱེར་དང་ཁུལ། རྫོང་ས་ཁུལ་བཅས་ཀྱི་རིག་གནས་ཡུལ་སྐོར་སྡེ་ཁག་དང་ཁྲིམས་བསྟར་ལས་ཁུངས་སོ་སོས་སྡེ་ཁག་མཉམ་ལས་ལ་ཤུགས་སྣོན་པ་དང་། ལྟ་སྐུལ་དོ་དམ་བྱེད་ཐབས་རྒྱ་བསྐྱེད་པ། དྲིལ་སྒྲོག་ཁྲིད་སྟོན་ལ་ཤུགས་སྣོན་པ། ཞིབ་བཤེར་བྱེད་ཤུགས་ཇེ་ཆེར་བཏང་ནས། ཁྲིམས་ལུགས་ཁྲིམས་སྲོལ་ལྟར་གནད་དོན་ཐག་གཅོད་བྱེད་ཅིང་། བདེ་འཇགས་དང་བདེ་ཐང་། རིམ་ལྡན་བཅས་ཀྱི་རིག་གནས་ཁྲོམ་རའི་ཁོར་ཡུག་ཧུར་ཐག་གིས་བསྐྲུན་པ་དང་། འདུ་ཤེས་འཛིན་སྟངས་བདེ་འཇགས་དང་རིག་གནས་བདེ་འཇགས་ལ་སྲུང་སྐྱོང་ནན་མོ་བྱེད་དགོས།

གསར་ཤོས།

སྐད་འཕྲིན་སྤྱི་སྟེགས་ཨང་གྲངས།

微信扫一扫加关注

返回
顶部
移动端 公众号 抖音号 快手号