གཅིག་སྒྲིལ་རྫོང་གིས་སྡེ་བའི་ཐུན་མོང“མ་དངུལ་། རྒྱུ་ནོར། ཐོན་ཁུངས”ཀྱི་གཙང་བཤེར་དང་ཐོ་འགོད་བྱ་བ་སྤེལ།

སྔར་ལས་ལྷག་པའི་སྒོ་ནས་སྡེ་བའི་ཐུན་མོང“མ་དངུལ་དང་། རྒྱུ་ནོར། ཐོན་ཁུངས”ཀྱི་དོ་དམ་དེ་ལམ་ལུགས་ཅན་དང་ཚད་ལྡན་ཅན།  ཚན་རིག་ཅན་དུ་སྐུལ་འདེད་གཏོང་བ་དང་།  མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་གནད་དོན་ལ་གཅིག་བསྡུས་བཅོས་སྐྱོང་བྱེད་ཆེད།  མགོ་ལོག་བོད་རིགས་རང་སྐྱོང་ཁུལ་གཅིག་སྒྲིལ་རྫོང་ཞིང་ཕྱུགས་ཆུ་བེད་དང་ཚན་རྩལ་ཅུའུ་ཡིས་སྡེ་བའི་ཐུན་མོང་གི“མ་དངུལ་དང་། རྒྱུ་ནོར། ཐོན་ཁུངས”ཀྱི་དོ་དམ་ལ་རྒྱུན་མཐུད་ངང་ཤུགས་སྣོན་པ་ནི་སྡེ་བའི་ཐུན་མོང་དཔལ་འབྱོར་འཕེལ་རྒྱས་དང་།  ཞིང་འབྲོག་མང་ཚོགས་ཀྱི་ཡོང་འབབ་འཕར་སྣོན།  ཞིང་སྡེ་དང་འབྲོག་ཁུལ་གྱི་ཏང་སྲོལ་སྲིད་གཙང་འཛུགས་སྐྲུན།  ཏང་ཡོན་ལས་བྱེད་པ་དང་མང་ཚོགས་དབར་གྱི་འབྲེལ་བ་ཇེ་ཟབ་ཏུ་གཏོང་བའི་དོན་ཆེན་དུ་བཟུང་ནས་དམ་འཛིན་བྱེད་པ་དང་།  བྱ་བའི་རིག་ལམ་གསར་གཏོད།  བྱ་བའི་ལམ་ལུགས་འཐུས་ཚང་དུ་གཏོང་བ།  རྫོང་ཡོངས་ཀྱི་སྡེ་བའི་མ་དངུལ་གསུམ་གཙང་བཤེར་དང་ཐོ་འགོད་བཅས་ལ་སྐས་རིམ་རང་བཞིན་གྱི་གྲུབ་འབྲས་བླངས།

གཅིག་སྒྲིལ་རྫོང་ཞིང་ཕྱུགས་ཆུ་བེད་དང་ཚན་རྩལ་ཅུའུ་ཡིས་སྡེ་བ་རིམ་པའི“མ་དངུལ་དང་། རྒྱུ་ནོར། ཐོན་ཁུངས”ཀྱི་གཙང་བཤེར་ལྟ་སྐུལ་དང་དོ་དམ་བརྒྱུད་དེ།  2025ལོའི་མ་དངུལ་གཙང་བཤེར་འགུལ་སྤྱོད་སྤེལ་བ་དང་།  སྡེ་བ་རིམ་པའི་ནོར་སྲིད་དོ་དམ་ལམ་ལུགས་འཛུགས་པར་སྐུལ་འདེད་བཏང་སྟེ། ཐུན་མོང་རྒྱུ་ནོར་ལ་ཐོ་འགོད་དང་དཔྱད་འཇོག དོ་དམ་་བཅས་བྱས། ཐུན་མོང་མ་དངུལ་གྱི་བེད་སྤྱོད་དང་དོ་དམ་བྱ་རིམ་སྔར་བས་ཚད་ལྡན་དུ་བཏང་ནས།  ཐུན་མོང་རྒྱུ་ནོར་གྱི་གང་བྱུང་དུ་སྤྱོད་པ་དང་འཐུས་ཤོར་འགྲོ་བར་སྔོན་འགོག་ནུས་ལྡན་བྱས་ཡོད།  ཐུན་མོང“མ་དངུལ་དང་། རྒྱུ་ནོར། ཐོན་ཁུངས”ཀྱི་གཙང་སེལ་དང་ཐོ་འགོད་བྱ་བ་སྤེལ་ཏེ།  སྡེ་བའི་ལས་དོན་སྔར་བས་ཕྱི་གསལ་ནང་གསལ་དང་།  ཐག་གཅོད་སྔར་བས་དམངས་གཙོ་དང་ཚན་རིག་དང་མཐུན་པ།  དོ་དམ་སྔར་བས་ཚད་ལྡན་དང་གོ་རིམ་ཡོད་པ།  ལྟ་སྐུལ་དང་དོ་དམ་སྔར་བས་ནུས་ལྡན་ཡིན་པ་བཅས་བྱས་ཡོད་ལ།  འབྲོག་པ་མང་ཚོགས་ཀྱི་ཤེས་རྟོགས་ཁེ་དབང་དང་།  ཟབ་ཞུགས་ཁེ་དབང་།  ཐག་གཅོད་ཁེ་དབང་།  ལྟ་སྐུལ་དང་དོ་དམ་ཁེ་དབང་།  དཔྱད་འཇོག་ཁེ་དབང་ལ་ལམ་ལུགས་ཀྱི་འགན་སྲུང་ཐོབ་ཡོད།  ཐུན་མོང་མ་དངུལ་དང་།  རྒྱུ་ནོར།  ཐོན་ཁུངས་དེ་གློག་རྡལ་རྩིས་ཐོ་རུ་བཅུག་ནས།  ཞང་དང་སྡེ་བ་རིམ་པ་གཉིས་ཀྱི་མ་དངུལ་དང་རྒྱུ་ནོར། ཐོན་ཁུངས་ཀྱི་གནས་ཚུལ་རྒྱུས་ལོན་ཡོད་པ་དང་།  གསལ་ཆ་ཡོད་པ་བྱས་ཏེ།  ཞིང་སྡེ་དང་འབྲོག་ཁུལ་གྱི་དུས་ཡུན་ངེས་ཅན་རིང་གི་མ་དངུལ་དང་། རྒྱུ་ནོར།  ཐོན་ཁུངས་དོ་དམ་ཁྲོད་གནས་པའི་རྒྱུ་ནོར་བདག་དབང་མི་གསལ་བ་དང་།  ལས་འགན་མི་གསལ་བ།  ལྟ་སྐུལ་དང་དོ་དམ་ནན་མོ་མིན་པ།  ཐག་གཅོད་འོས་འཚམ་མིན་པ།  བགྲོ་འགྲེམ་འདྲ་མཉམ་མིན་པ།  དོ་དམ་མངོན་གསལ་མིན་པ་དང་།  གནད་ལ་མི་ཁེལ་བ།  ཚད་ལྡན་མིན་པ་བཅས་ཀྱི་གནད་དོན་ལ་སྐུལ་འདེད་བཏང་ཡོད།