ཞིང་ཆེན་ཡོངས་ཀྱི་འཕྲལ་བསྟུན་དོ་དམ་བྱ་བའི་གྲོས་ཚོགས་བསྡུས།

ཟླ་དང་པོའི་ཚེས་བཅོ་ལྔ་ཉིན་ཞིང་ཆེན་ཡོངས་ཀྱི་འཕྲལ་བསྟུན་དོ་དམ་ལས་དོན་ཚོགས་འདུ་ཟི་ལིང་དུ་འཚོགས། ཚོགས་འདུའི་ཐོག་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་བྱེད་རྒྱུ་རྒྱུན་འཁྱོངས་བྱས་ཏེ་ཏང་གི་ཚོགས་ཆེན་ཉི་ཤུ་པ་དང་། སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པའི་དགོངས་དོན་ཕྱོགས་ཡོངས་ནས་ལག་བསྟར་དང་། ཀྲུང་དབྱང་གི་དཔལ་འབྱོར་བྱ་བའི་ཚོགས་འདུ་དང་། རྒྱལ་ཡོངས་འཕྲལ་བསྟུན་དོ་དམ་ལས་དོན་ཚོགས་འདུ། ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བརྒྱད་པ་བཅས་ཀྱི་དགོངས་དོན་ལག་བསྟར་ནན་ཏན་དང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་བཀོད་སྒྲིག་བླང་བྱ་དོན་འཁྱོལ་བྱས་ཏེ། 2024ལོའི་ལས་དོན་ཕྱོགས་བསྡོམས་དང་དུས་བབ་ལ་དབྱེ་ཞིབ་དང་ཞིབ་འཇུག་བརྡར་གཅོད་བཅས་བྱས་ཏེ2025ལོའི་བྱ་བར་བཀོད་སྒྲིག་བྱས།

2024ལོ་ནི“ལོ་ལྔའི་འཆར་འགོད་བཅུ་བཞི་པ”མངོན་འགྱུར་བྱེད་པའི་གནད་འགག་གི་ལོ་ཞིག་ཡིན་ལ། འཕྲལ་བསྟུན་དོ་དམ་ལས་དོན་གྱི་བྱ་བར་ཁ་གཏད་གཅོག་པའི་ལོ་ཞིག་ཀྱང་ཡིན། ཞིང་ཆེན་ཡོངས་ཀྱི་འཕྲལ་བསྟུན་དོ་དམ་མ་ལག་གིས་འགན་འཁྲི་ནན་ཏན་སྒོས་ལག་བསྟར་བྱས་ཏེ། རྩ་བཅོས་འགག་སྒྲོལ་དང་། ཆེད་དོན་བཅོས་སྒྲིག སྤྱི་ཚོགས་མཉམ་བཅོས་བཅས་ལ་སྐུལ་འདེད་བཏང་ནས་བདེ་འཇགས་ཐོན་སྐྱེད་ཐད་གྲུབ་འབྲས་ཆེན་པོ་བླངས་ཡོད། 2024ལོར་ཞིང་ཆེན་ཡོངས་ཀྱི་ཐོན་སྐྱེད་བདེ་འཇགས་དོན་རྐྱེན་བྱུང་ཚད་དང་མི་སྣ་ཤི་རྨས་ཐེབས་ཚད་སོ་སོར་བརྒྱ་ཆའི25.30%དང་།10.31%43.56%ཡིན་ལ། དེ་ནི2018ཚུན་གྱི་དུས་མཉམ་ཆུ་ཚད་དམའ་ཤོས་ཡིན་པ་དང་། བདེ་འཇགས་དོན་རྐྱེན་ཚབས་ཆེན་དང་དེའི་ཡན་བྱུང་མེད་ལ། བསྟུད་མར་ལོ37རིང་ནགས་ཚལ་དང་རྩྭ་ཐང་གི་མེ་སྐྱོན་ཚབས་ཆེན་བྱུང་མེད་ལ་ཞིང་ཆེན་ཡོངས་ཀྱི་བདེ་འཇགས་གནས་བབ་བརྟན་པོའི་ངང་ཇེ་ལེགས་སུ་ཕྱིན་ཡོད། ཞིང་ཆེན་ཡོངས་སུ་གནོད་འཚེ་ཐེབས་ནས་གར་སོང་མ་རྙེད་པའི་མི་གྲངས་དང་། གྱོང་གུན་ཐེབས་པའི་ཁང་པའི་ཁ་གྲངས།  ཐད་ཀའི་དཔལ་འབྱོར་གྱོང་གུན་བཅས་དུས་མཉམ་ལས་སོ་སོར60.47%དང་།95.83%  31.35%བཅས་རེད།

ཚོགས་འདུ་ལས་ནན་གྱིས་བསྟན་དོན། ད་ལོ་ནི“ལོ་ལྔའི་འཆར་འགོད་བཅུ་བཞི་པ”མཇུག་བསྡུ་བའི་ལོ་ཡིན་ལ།“ལོ་ལྔའི་འཆར་འགོད་བཅོ་ལྔ་པའི”འགོ་ཡག་པོ་ཞིག་རྩོམ་པར་རྨང་གཞི་བརྟན་པོ་འདིང་བའི་གནད་འགག་གི་ལོ་ཡང་ཡིན་པས། འཕྲལ་བསྟུན་དོ་དམ་ལས་ཀ་ཡག་པོར་སྒྲུབ་པའི་འགན་འཁྲི་གལ་ཆེན་ཡིན། ཁྱོན་ཡོངས་ཀྱི་འདུ་ཤེས་དང་རྒྱུད་རིམ་ལྡན་པའི་བསམ་གཞིགས་བྱེད་ཤུགས་ཆེ་རུ་གཏོང་བ་དང་། འཕྲལ་བསྟུན་དོ་དམ་མ་ལག་དང་ནུས་པ་དེང་རབས་ཅན་དུ་འགྱུར་བར་གཅིག་གྱུར་གྱིས་སྐུལ་འདེད་གཏོང་དགོས།