མཚོ་སྔོན་གྱིས་ཆུ་བོའི་འབབ་རྒྱུད་གཙོ་བོའི་སྐྱེ་ཁམས་ཁ་གསབ་སྒོར་མོ་དུང་ཕྱུར་གསུམ་མར་བཏང་།

མཚོ་སྔོན་ཞིང་ཆེན་ནོར་སྲིད་ཐིན་ནས་ཤེས་གསལ་ལྟར་ན། “སྔོ་ཞིང་དྭངས་བའི་རི་ཆུ་ནི་གསེར་རི་དངུལ་རི་ཡིན་པའི”འདུ་ཤེས་ལག་བསྟར་གཏིང་ཟབ་བྱེད་པ་དང་། རྫོང་དང་གྲོང་ཁྱེར་ཆུའུ་བཅས་ཀྱི་སྐྱེ་ཁམས་ཁོར་ཡུག་སྲུང་སྐྱོང་བྱེད་པའི་འགན་འཁྲི་དོན་འཁྱོལ་བྱ་ཆེད། ཞིང་ཆེན་ནོར་སྲིད་ཐིན་གྱིས2023ལོའི་ཞིང་ཆེན་རིམ་པའི་འབབ་རྒྱུད་གཙོ་བོའི་སྐྱེ་ཁམས་ཁ་གསབ་མ་དངུལ་སྒོར་དུང་ཕྱུར་གསུམ་འདོན་སྤྲོད་བྱས་ཏེ། མཉམ་དུ་འབབ་རྒྱུད་སྲུང་སྐྱོང་བྱེད་རྒྱུ་དམ་འཛིན་དང་བཅོས་སྐྱོང་བྱེད་པར་སྐུལ་འདེད་བཏང་།

འབབ་རྒྱུད་གཙོ་བོའི་སྐྱེ་ཁམས་སྲུང་སྐྱོབ་ཁ་གསབ་ཀྱི་ཞིང་ཆེན་དང་རྫོང་གི་འགན་འཁྲི་མཉམ་འཁུར་གྱི་རྩ་དོན་གཞིར་བཟུང་ནས། ཞིང་ཆེན་རིམ་པའི་འབབགརཐལཐིུདགལཙོ་བོའི་སྐྱེ་ཁམས་ཁ་གསབ་མ་དངུལ་དེ་ཞིང་ཆེན་རིམ་པ་དང་རྫོང་། གྲོང་ཁྱེར།  ཆུའུ་བཅས40ཡིས་མཉམ་དུ་གྲབས་གསོག་བྱས་ཏེ་འཕྲེད་ཕྱོགས་སྐྱེ་ཁམས་ཁ་གསབ་མ་དངུལ་བསྐྲུན་པ་དེའི་ནང་ཞིང་ཆེན་རིམ་པའི་ནོར་སྲིད་ཀྱིས་མ་དངུལ་སྒོར་དུང་ཕྱུར་གཅིག་དང་བྱེ་བ་བརྒྱད་དང་།  རྫོང་དང་གྲོང་ཁྱེར་ཆུའུ་བཅས་ཀྱི་ནོར་སྲིད་ཀྱིས་ཁྱོན་བསྡོམས་མ་དངུལ་སྒོར་དུང་ཕྱུར་གཅིག་དང་བྱེ་གཉིས་བཏང་།《མཚོ་སྔོན་ཞིང་ཆེན་གྱི་འབབ་རྒྱུད་གཙོ་བོའི་སྐྱེ་ཁམས་སྲུང་སྐྱོབ་ཁ་གསབ་བྱ་ཐབས（ཚོད་ལྟའི་ལག་བསྟར）》ཀྱི་འབྲེལ་ཡོད་གཏན་འབེབས་གཞིར་བཟུང་ནས། མ་དངུལ་རྒྱུ་རྐྱེན་ལ་གཞིགས་ནས་བགོ་བཤའ་རྒྱག་པའི་ནང་། 2023ལོར་རྒྱལ་ཁབ་ཀྱིས་ཚོད་འཛིན་བྱེད་པའི་ཆུའི་སྤུས་ཚད་ལོན་ཚུལ་དང་ཆུའི་ཐོན་ཁུངས་དོ་དམ་ལམ་ལུགས་ལག་བསྟར་ནན་མོ་བྱས་པའི་དཔྱད་ཞིབ་གནས་ཚུལ་དང་།  རྫོང་དང（གྲོང་ཁྱེར་ཆུའུ）སོ་སོའི་འདམ་ར། ནགས་ཚལ། རྩྭ་ཐང་བཅས་ཀྱི་རྒྱ་ཁྱོན་གྱི་དཔྱད་ཞིབ་རྒྱུ་རྐྱེན་གསུམ་གང་ལེགས་སྒོས་མངོན་ཡོད་པ་རེད། གཞན་ཡང་བྱ་དགའ་དང་ཆད་གཅོད་ལམ་སྲོལ་གང་ལེགས་མངོན་ཆེད།2023ལོའི་རྒྱལ་ཁབ་ཀྱི་སྐྱེ་ཁམས་གཙོ་བོའི་ནུས་པའི་ཁུལ་གྱི་རྫོང་ཁོངས་ཀྱི་སྐྱེ་ཁམས་ཁོར་ཡུག་གི་སྤུས་ཚད་ལྟ་ཞིབ་ཚད་ལེན་དང་གདེང་འཇོག་གྲུབ་འབྲས་གཞིར་བཟུང་ནས། ཁོར་ཡུག་གི་སྤུས་ཚད་མངོན་གསལ་གྱིས་ཇེ་ཞན་དུ་སོང་བའི་ས་ཁུལ་ཁག་ཅིག་གི་བགོ་བཤའི་དངུལ་འབོར་གྱི50%འཐེན་པའི་བྱེད་ཐབས་ལག་བསྟར་བྱས་པ་བརྒྱུད། ཞིང་ཆེན་ནང་ཁུལ་གྱི་རྫོང་སོ་སོས་སྐྱེ་ཁམས་ཁོར་ཡུག་རྒྱུན་མཐུད་ངང་སྲུང་སྐྱོབ་བྱེད་པའི་སྒུལ་ཤུགས་ཆེ་རུ་བཏང་ཡོད།

བསྡོམས་རྩིས་བྱས་པ་བརྒྱུད། ཁ་གསབ་ཐོབ་པའི་རྫོང40ཡི་ཁྲོད། ཆ་སྙོམས་རྫོང་དང（གྲོང་ཁྱེར་ཆུའུ）རེར་སྒོར་ས་ཡ་བདུན་དང་འབུམ་ལྔ་ཁྲི་བརྒྱད་ལྔ་བརྒྱ་ཡིན་ལ། ཆ་སྙོམས་གྲངས་ཐང་ལས་མཐོ་བའི་རྫོང་དང་（གྲོང་ཁྱེར་ཆུའུ）བཅུ་བཞི་ཡོད། ཆ་སྙོམས་གྲངས་ཐང་ལས་དམའ་བའི་རྫོང་དང་（གྲོང་ཁྱེར་ཆུས）ཉེར་དྲུག་ཡོད། ཁ་གསབ་བྱ་དགའི་མ་དངུལ་ཐོབ་པའི་རྫོང་གསུམ་དང་གྲོང་ཁྱེད་གཅིག་ནི་སོ་སོར་འབྲི་སྟོད་རྫོང་ལ་སྒོར་བྱེ་བ་གཅིག་དང་འབུམ་བདུན་ཁྲི་བཞི་སྟོང་བདུན་ལྷག་དང་། ན་གོར་མོ་གྲོང་ཁྱེར་ལ་སྒོར་བྱེ་བ་གཅིག་དང་འབུམ་དྲུག་ཁྲི་གཅིག་སྟོང་བདུན་ལྷག ཆུ་དམར་ལེབ་རྫོང་ལ་སྒོར་བྱེ་བ་གཅིག་དང་འབུམ་བཞི་ཁྲི་གཉིས་ལྷག་ཡིན་ལ། རྫོང་དང་གྲོང་ཁྱེར་ཆུས40ཡི་ནང་མ་དངུལ་སྒོར་བྱེ་བ་གཅིག་དང་ས་ཡ་ལྔ་ལས་བརྒལ་བའི་རྫོང་དང（གྲོང་ཁྱེར་ཆུའུ）གཅིག་ཡོད་ལ། སྒོར་བྱེ་བ་གཅིག་དང་ས་ཡ་ལྔ་ཡི་ཁྲོད་མི་ཚུལད་ལ་སྒོར་བྱེ་བ་གཅིག་གི་ཁྲོད་ཚུད་པའི་རྫོང་དང（གྲོང་ཁྱེར་ཆུའུ）ལྔ་ཡོད། སྒོར་བྱེ་བ་གཅིག་གི་ཁྲོད་མི་ཚུད་ལ་སྒོར་ས་ཡ་ལྔའི་ཁྲོད་ཚུད་པའི་རྫོང་དང་（གྲོང་ཁྱེར་ཆུའུ）ཉེར་བདུན་ཡོད། སྒོར་ས་ཡ་ལྔའི་མན་ཀྱི་རྫོང་དང་（གྲོང་ཁྱེར་ཆུས）བདུན་ཡོད།

ཞིང་ཆེན་ནོར་སྲིད་ཐིན་གྱིས་མཚོ་སྔོན་གྱི་ཆུ་བོའི་འབབ་རྒྱུད་གཙོ་བོའི་འཕྲེད་ཕྱོགས་སྐྱེ་ཁམས་སྲུང་སྐྱོབ་ཀྱི་ཁ་གསབ་བྱ་བའི་ཇུས་གཞི་ཞིབ་འཇུག་དང་གཏན་འབེབས་བྱས་ཏེ། ཆུ་བོའི་འབབ་རྒྱུད་གཙོ་བོའི་འཕྲེད་ཕྱོགས་སྐྱེ་ཁམས་སྲུང་སྐྱོབ་ཀྱི་ཁ་གསབ་མ་དངུལ་ཚོད་རྩིས་དམིགས་འབེན་སྔར་ལས་ལེགས་སྒྱུར་དང་འཐུས་ཚང་དུ་གཏོང་བ་དང་། གྲོང་ཁྱེར་དང་ཁུལ་བར་གྱི་འཕྲེད་ཕྱོགས་སྐྱེ་ཁམས་སྲུང་སྐྱོབ་ཀྱི་ཁ་གསབ་ལམ་སྲོལ་འཛུགས་པར་སྐུལ་འདེད་གཏོང་བ། དྲང་གཞག་དང་དབང་འགན་འདྲ་མཚུངས་ཀྱི་འབབ་རྒྱུད་ཡོངས་དང་ས་ཁུལ་ལས་བརྒལ་བའི་སྐྱེ་ཁམས་ཁ་གསབ་ལམ་སྲོལ་འཛུགས་པར་མུ་མཐུད་དུ་རྒྱབ་སྐྱོར་བཅས་བྱས་ཏེ། ས་གནས་ཀྱི་སྐྱེ་ཁམས་སྲུང་སྐྱོབ་ཀྱི་བརྩོན་སེམས་རྒྱུན་ཆད་མེད་པར་ཆེ་རུ་གཏོང་རྒྱུ་རེད།