དམངས་གཙོ་རྒྱལ་འཛུགས་ལྷན་ཚོགས་མཚོ་སྔོན་ཞིང་ཆེན་སྐབས་བརྒྱད་པའི་ཨུ་ཡོན་ལྷན་ཁང་གིས་ཚང་འཛོམས་རྒྱས་འཛོམས་གྲོས་ཚོགས་ཐེངས་ལྔ་པ་བསྡུས།

ཟླ12ཚེས27ཉིན། དམངས་གཙོ་རྒྱལ་འཛུགས་ལྷན་ཚོགས་མཚོ་སྔོན་ཞིང་ཆེན་སྐབས་བརྒྱད་པའི་ཨུ་ཡོན་ལྷན་ཁང་གིས་ཚང་འཛོམས་རྒྱས་འཛོམས་གྲོས་ཚོགས་ཐེངས་ལྔ་པ་བསྡུས་ཏེ། དམངས་གཙོ་རྒྱལ་འཛུགས་ལྷན་ཚོགས་སྐབས་ཉི་ཤུ་པའི་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་བརྒྱུད་བསྒྲགས་བྱས་ལ། དམངས་གཙོ་རྒྱལ་འཛུགས་ལྷན་ཚོགས་མཚོ་སྔོན་ཞིང་ཆེན་སྐབས་བརྒྱད་པའི་རྒྱུན་ལས་ཨུ་ཡོན་ལྷན་ཁང་གི2024ལོའི་བྱ་བའི་སྙན་ཞུ་དང་། དམངས་གཙོ་རྒྱལ་འཛུགས་ལྷན་ཚོགས་་མཚོ་སྔོན་ཞིང་ཆེན་སྐབས་བརྒྱད་པའི་ཨུ་ཡོན་ལྷན་ཁང་ནང་ཁུལ་ལྟ་སྐུལ་ཨུ་ཡོན་ལྷན་ཁང་གི2024ལོའི་བྱ་བའི་སྙན་ཞུར་ཉན་ནས་གྲོས་ཞིབ་བྱས།

གྲོས་ཚོགས་ལས་བསྟན་དོན། ལོ་གཅིག་གི་རིང་ལ། དམངས་གཙོ་རྒྱལ་འཛུགས་ལྷན་ཚོགས་མཚོ་སྔོན་ཞིང་ཆེན་ཨུ་ཡོན་ལྷན་ཁང་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་བྱེད་པ་རྒྱུན་འཁྱོངས་དང་། དམངས་གཙོ་རྒྱལ་འཛུགས་ལྷན་ཚོགས་ཀྲུང་དབྱང་དང་མཚོ་སྔོན་ཞིང་ཆེན་ཏང་ཨུའི་བཀོད་སྒྲིག་བླང་བྱར་དམ་པོར་དམིགས་ཏེ། ཆབ་སྲིད་གླེང་བ་དང་སྤྱི་ཡོངས་ཤེས་པ། བླང་བྱ་ནན་མོ། འགན་སྒྲུབ་ལེགས་པོ་བཅས་ཀྱི་བྱ་བའི་བླང་བྱ་ལྟར། རང་ངོས་འཛུགས་སྐྲུན་ལ་ཕྱོགས་ཡོངས་ནས་ཤུགས་སྣོན་དང་སྲིད་ཞུགས་ཏང་གི་འགན་ནུས་ལག་བསྟར་དོན་འཁྱོལ་གྱིས་བྱ་བ་ཁག་སོ་སོར་གྲུབ་འབྲས་གསར་པ་བླངས།

གྲོས་ཚོགས་ལས་སྐྱོད་ལམ་གསར་པའི་སྟེང་ཕྱོགས་ཡོངས་ནས་བཅོས་སྒྱུར་སྔར་ལས་གཏིང་ཟབ་ཏུ་སྤེལ་ཏེ། ཐུན་མོང་འདུ་ཤེས་རྒྱ་ཁྱབ་གཅིག་སྡུད་བྱེད་དགོས་ལ། ཧུར་བརྩོན་རང་བཞིན་ཡོད་ཚད་སྐུལ་སློང་བྱས་ནས་བཅོས་སྒྱུར་གྱི་མཉམ་ཤུགས་གཅིག་ཏུ་བསྡུ་དགོས། སློབ་གསོས་ཁྲིད་སྟོན་བྱས་པར་བརྟེན་གཞི་རིམ་རྩ་འཛུགས་དང་རྒྱ་ཆེའི་ཁོངས་མིས་དུས་རབས་གསར་པའི་ཕྱོགས་ཡོངས་ནས་བཅོས་སྒྱུར་སྔར་ལས་ཟབ་སྤེལ་བྱེད་པའི་དོན་སྙིང་གལ་ཆེན་དང་ལོ་རྒྱུས་ཀྱི་གྲུབ་འབྲས་ཤེས་རྟོགས་ཟབ་མོ་བྱས་ཏེ། ཕྱོགས་ཡོངས་ནས་བཅོས་སྒྱུར་སྔར་ལས་ཟབ་སྤེལ་བྱེད་པའི་རྩ་དོན་གལ་ཆེན་དང་ཚན་རིག་གི་བྱེད་ཐབས་ལ་གོ་བ་གཏིང་ཟབ་ལེན་པ། ཀྲུང་གུང་ཀྲུང་དབྱང་དང་ཞིང་ཆེན་ཏང་ཨུ། ཞིང་ཆེན་སྲིད་གཞུང་བཅས་ཀྱི་ཇུས་ཆོད་བཀོད་སྒྲིག་དེ་ཞིང་ཆེན་ཡོངས་ཀྱི་རྒྱ་ཆེའི་ཁོངས་མི་རྣམས་ཀྱི་ཐུན་མོང་རེ་འདུན་དང་རང་རྟོགས་བྱ་སྤྱོད་དུ་འགྱུར་བར་བྱས་ནས། སེམས་ཤུགས་གཅིག་བསྒྲིལ་གྱིས་བཅོས་སྒྱུར་བརྟན་བརླིང་ཡུན་རིང་དུ་བྱེད་དགོས། ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་འགན་འཁྲི་མཐའ་འཁྱོལ་བསྒྲུབ་པར་དམིགས་ཏེ། སྲིད་གླེང་ཇུས་འདོན་གྱི་སྤུས་ཚད་ཇེ་མཐོར་གཏོང་བ་དང་། ཆེད་དོན་དམངས་གཙོའི་ལྟ་སྐུལ་ལེགས་པོར་བསྒྲུབ་པ། སྤྱི་ཚོགས་ཞབས་ཞུའི་ཕན་འབྲས་ཤུགས་དྲག་ཏུ་གཏོང་བ། རང་ངོས་འཛུགས་སྐྲུན་ལ་ཕྱོགས་ཡོངས་ནས་སྐུལ་འདེད་གཏོང་བ། གསར་སྤེལ་སྒོ་འབྱེད་དང་ཁག་ཁུར་དངོས་སྒྲུབ་བྱས་ནས། ཀྲུང་གོའི་ལུགས་ཀྱི་དེང་རབས་ཅན་ལ་འབད་བརྩོན་ཆེན་པོས་སྐུལ་འདེད་གཏོང་བའི་མཚོ་སྔོན་གྱི་ལག་ལེན་སྤེལ་ཆེད་བྱས་རྗེས་གསར་དུ་འཇོག་དགོས་པ་ནན་གྱིས་བསྟན།