སྤྱི་ཟླ12པའི་ཚེས14ཉིན་བོད་རང་སྐྱོང་ལྗོངས་ཀྱི་སྐབས་དང་པོའི་ཐད་གཏོང་གློག་རྡུལ་ཚོང་དོན་གྱི་འགྲན་བསྡུར་ཆེ་མོའི་མཐའ་བསྡུར་དང་བྱ་དགའ་སྤྲོད་པའི་མཛད་སྒོ་ལྷ་སར་སྤེལ་བ་རེད།
ད་ཐེངས་ཀྱི་འགྲན་བསྡུར་ཆེ་མོ་དེ་ནི་བོད་རང་སྐྱོང་ལྗོངས་ཚོང་དོན་ཐིང་གིས་གཙོ་གཉེར་བྱས་པ་དང་། ས་ཁུལ་དང་（གྲོང་ཁྱེར）བདུན་གྱིས་སྒྲུབ་འགན་འཁུར་ནས་བོད་ལྗོངས་ཀྱི་གློག་རྡུལ་ཚོང་དོན་གྱི་ཤེས་ལྡན་མི་སྣ་ཐད་ཀར་སྔོག་འདོན་དང་སྐྱེད་སྲིང་བྱས་ནས་བོད་ལྗོངས་ཀྱི་ཁྱད་ལྡན་ཐོན་རྫས་རྒྱལ་ཡོངས་སུ་ཁྱབ་གདལ་གཏོང་ཆེད་ཡིན་པ་རེད།
འགྲན་བསྡུར་ཆེན་པོའི་ནང་རྫོང་དང་ཆུས60ཙམ་གྱི་དྲ་ཐོག་ཐད་གཏོང་ཚོང་པ་གཙོ་བོ162ཞུགས་པ་དང་ཐོག་མའི་འགྲན་བསྡུར་དང་རྒྱལ་ཕམ་ཐག་གཅོད་ཀྱི་འགྲན་བསྡུར་དྲག་པོ་བྱས་པ་བརྒྱུད་མཐར༼བོད་ལྗོངས་ཀྱི་ཕུལ་བྱུང་དྲ་ཐོག་ཐད་གཏོང་ཚོང་པ༽16དང༼ཡུལ་ཟོག་འོས་སྦྱོར་མཁས་ཤོས༽6ཐོན་པ་རེད། གཙོ་འགན་འཁུར་མཁན་དེ་དག་གིས་ཐད་གཏོང་ལས་སྟེགས་བརྒྱུད་དབྱར་རྩྭ་དགུན་འབུ་དང་། ཚགས་ཤ་སྐམ་གསོལ་སོགས་བོད་ལྗོངས་རང་གི་ཁྱད་ལྡན་ཐོན་ཟོག་ཁྲོམ་རར་ཁྱབ་གདལ་བཏང་བ་དང་ཐད་གཏོང་ཚོང་ཟོག་ཕྱིར་ཚོང་བྱེད་ཚད་སྒོར་ཁྲི་ཆིག་སྟོང་གི་འགག་སྒོ་ཆེན་པོ་ལས་བརྒལ་ཡོད་པ་རེད།
འགྲན་བསྡུར་ཆེ་མོ་དེས་འཛད་སྤྱོད་ལ་སྐུལ་འདེད་དང་༼བོད་ལྗོངས་ཀྱི་ཐོན་རྫས་ཕྱིར་འདྲེན༽ལ་སྐུལ་འདེད་གཏོང་བ་སོགས་ཀྱི་ཐད་གཏོང་གློག་རྡུལ་ཚོང་དོན་གྱི་མི་མངོན་པའི་སྟོབས་ཤུགས་ཆེན་པོ་མངོན་པར་མ་ཟད། བོད་ལྗོངས་ཀྱི་ཐད་གཏོང་གློག་རྡུལ་ཚོང་དོན་ལས་རིགས་ཀྱི་འཕེལ་རྒྱས་ལ་གསོན་ཤུགས་གསར་པ་བསྣན་ཡོད་པ་རེད།
གཙོ་གཉེར་ཕྱོགས་ཀྱིས་ད་ཐེངས་ཀྱི་འགྲན་བསྡུར་ཆེ་མོ་གོ་སྐབས་སུ་བྱས་ཏེ་ཐད་གཏོང་གློག་རྡུལ་ཚོང་དོན་གྱི་དཔེ་སྟོན་རྟེན་གཞི་དང་ཐད་གཏོང་བརྡར་པ་གཏན་འཁེལ་གྱི་དོ་དམ་བྱ་ཐབས་འདོན་རྒྱུར་མགྱོགས་མྱུར་སྐུལ་འདེད་གཏོང་བ་དང་། བོད་ལྗོངས་ཀྱི་ཐད་གཏོང་ཁེ་ལས་མཛོད་དང་། ཐད་གཏོང་ཤེས་ལྡན་མི་སྣའི་མཛོད། ཐད་གཏོང་དངོས་ཟོག་འདེམས་པའི་མཛོད་བཅས་འཐུས་ཚང་དུ་བཏང་ནས་ཐད་གཏོང་གློག་རྡུལ་ཚོང་དོན་འཕེལ་རྒྱས་ཀྱི་ཁོར་ཡུག་བཟང་པོ་ཞིག་གཏོད་རྒྱུ་ཡིན་ཞེས་ངོ་སྤྲོད་བྱས་པ་རེད།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་འགྲན་བསྡུར་ཆེ་མོར་ཉིང་ཁྲི་གྲོང་ཁྱེར་ཚོང་དོན་ཅུས་དང་། ལྷ་ས་གྲོང་ཁྱེར་ཚོང་དོན་ཅུས། ཆབ་མདོ་གྲོང་ཁྱེར་ཚོང་དོན་ཅུས་སོགས་སྒྲུབ་འགན་འཁུར་མཁན་ཚན་པའི་གཞོགས་འདེགས་དང་རྒྱབ་སྐྱོར་ཧུར་ཐག་ཐོབ་པ་དང་ཆབས་ཅིག་ཁེ་ལས་དྲུག་ཅུ་ལྷག་ཙམ་གྱིས་འགྲན་བསྡུར་ལ་ཐོན་རྫས་འགན་ལེན་བྱེད་པའི་ལས་དོན་སྤེལ་ཡོད་པ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注