ཞོན་ཧྭ་རྫོང་གིས་དུག་འགོག་བདེ་འཇགས་ཀྱི་སྲོག་རྩ་བརྟན་སྲུང་བྱས།

ད་ལོར། མཚོ་ཤར་གྲོང་ཁྱེར་ཞོན་ཧྭ་ཟ་ལར་རིགས་རང་སྐྱོང་རྫོང་སྤྱི་བདེ་ཅུའུ་དུག་འགོག་རུ་ཁག་གིས་ལྟ་སྐུལ་དོ་དམ་ལ་ཤུགས་བསྣན་པ་དང་། འགན་འཁྲི་འདུ་ཤེས་དང་ལོ་རྒྱུས་འདུ་ཤེས་མཐོན་པོས་དུག་རྫས་བཟོ་བྱེད་ཀྱི་རྫས་འགྱུར་ཐོན་རྫས་བཀག་སྡོམ་བྱེད་པར་ཕྱོགས་ཡོངས་ནས་ཤུགས་བསྣན་ནས། སྤྱི་ཚོགས་གཏན་འཇགས་དང་བདེ་འཇགས་ཀྱི་འགོག་ར་བརྟན་པོ་བཙུགས།

དུག་བཟོ་རྫས་འགྱུར་ཐོན་རྫས་ཉོ་སྒྲུབ་དང་སྐྱེལ་འདྲེན། བཀོལ་སྤྱོད་བྱེད་ཚད་སྔར་ལས་ཚད་ལྡན་དུ་གཏོང་བ་དང་། གཞི་རྩའི་སྟེང་ནས་དུག་བཟོ་རྫས་འགྱུར་དེ་ཁྲིམས་འགལ་བཀོལ་སྤྱོད་བྱེད་པར་བཀག་འགོག་བྱེད་ཆེད། དུག་འགོག་རུ་ཁག་གིས་འབྲེལ་ཡོད་ཁེ་ལས་ལ་རེ་བ་ནན་མོ་བཏོན་ནས། དུས་ངེས་མེད་ཀྱིས་ཞིབ་བཤེར་བྱེད་པ་སོགས་ཀྱི་རྣམ་པ་བརྒྱུད་དེ། དུག་བཟོ་རྫས་འགྱུར་ཐོན་རྫས་ཀྱི་དོ་དམ་སྲོལ་ཡིན་སོགས་བཅའ་ཁྲིམས་ཁྲིམས་སྲོལ་ཁེ་ལས་ཁྲོད་ལག་བསྟར་བཟང་བོ་བྱེད་པར་ཁག་ཐེག་བྱས། སྤྱི་བདེ་ལས་ཁུངས་ཀྱིས་རྫོང་དང་ཡུལ་ཚོ་རིམ་པའི་སྲིད་གཞུང་དང་འབྲེལ་ཡོད་སྡེ་ཁག་དང་མཉམ་འབྲེལ་བྱས་ནས་ཕྱོགས་ཡོངས་བརྟག་བཤེར་བྱས་པ་དང་། ཕྱོགས་ཡོངས་ནས་དུག་བཟོ་རྫས་འགྱུར་ཐོན་རྫས་ཉོ་སྒྲུབ་དང་ཞིབ་དཔྱད་ཚད་ལེན། ཉར་གསོག་སོགས་དུས་རིམ་གྱི་བདེ་འཇགས་ལ་འགན་སྲུང་བྱས། ཁེ་ལས་ལ་སོང་ནས་ཆེད་དོན་ཞིབ་བཤེར་སྤེལ་བ་དང་། ཁེ་ལས་ལས་རྐང་གི་འགན་འཁྲི་གཏན་ཁེལ་གསལ་བོ་བྱས་པ་དང་། མཛོད་འཇུག་ཕྱིར་གཏོང་གི་ཐོ་འགོད་ཚད་ལྡན་དུ་བཏང་ནས། ལྟ་སྐུལ་དོ་དམ་ལག་བསྟར་བཟང་བོ་བྱས། འབྲེལ་ཡོད་ཁེ་ལས་ཀྱིས་འཕྲལ་བསྟུན་བྱེད་ཐབས་སྤྱད་དེ། ཉོ་སྒྲུབ་མཆན་འགོད་དང་ཉར་གསོག་དོ་དམ། བཀོལ་སྤྱོད་ལྟ་རྟོག་སོགས་དུས་རིམ་ནང་དུ་འདུ་བའི་དུག་བཟོ་རྫས་འགྱུར་ཐོན་རྫས་ཀྱི་དོ་དམ་ལམ་ལུགས་གཏན་འབེབས་བྱས་པ་དང་། འགན་འཁྲི་གཏན་ཁེལ་གསལ་བོ་བྱས། དུག་འགོག་དྲིལ་སྒྲོག་རྒྱ་ཆེར་སྤེལ་བ་དང་། ལས་ཞུགས་མི་སྣའི་བཅའ་ཁྲིམས་ཁྲིམས་སྲོལ་དང་བདེ་འཇགས་སློབ་གསོ་གསོ་སྦྱོང་ལ་ཤུགས་སྣོན་པ་བརྒྱུད་དེ། མི་ཡོངས་ཀྱི་འགོག་ཟོན་འདུ་ཤེས་མཐོར་འདེགས་བཏང་།