དུས་རབས་གསར་པའི་བོད་འབྲེལ་ས་ཁུལ་གྱི་གཞི་རིམ་ཆོས་ལུགས་བཅོས་སྐྱོང་གི་བགྲོ་གླེང་སྐབས་གསུམ་པ་དང་བཅོས་སྐྱོང་བྱ་བའི་ཡུལ་དངོས་སྐུལ་འདེད་ཚོགས་འདུ་འཚོགས་པ།

དུས་རབས་གསར་པའི་བོད་འབྲེལ་ས་ཁུལ་གྱི་གཞི་རིམ་ཆོས་ལུགས་བཅོས་སྐྱོང་གི་བགྲོ་གླེང་སྐབས་གསུམ་པ་དང་བཅོས་སྐྱོང་བྱ་བའི་ཡུལ་དངོས་སྐུལ་འདེད་ཚོགས་འདུ་འཚོགས་པ།

ཟླ10པའི་ཚེས29ཉིན་གྱི་སྔ་དྲོར། དུས་རབས་གསར་པའི་བོད་འབྲེལ་ས་ཁུལ་གྱི་གཞི་རིམ་ཆོས་ལུགས་བཅོས་སྐྱོང་གི་བགྲོ་གླེང་སྐབས་གསུམ་པ་དང་བཅོས་སྐྱོང་བྱ་བའི་ཡུལ་དངོས་སྐུལ་འདེད་ཚོགས་འདུའི་མཛད་སྒོ་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་ཐུན་རིན་གྲོང་ཁྱེར་དུ་འཚོགས།

མཚོ་སྔོན་ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་གཞོན་པའམ་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅི་དང་ཀྲུའུ་རེན་ཝུའུ་ཏེ་ཅོན་གྱིས་ཚོགས་འདུར་མགོ་འཛིན་བྱས། ཚོགས་ཐོག་ཏུ་འབྲེལ་ཡོད་མགོ་ཁྲིད་ཀྱིས་ཤིས་ཚིག་ཕུལ་ཞིང་ཆེད་མཁས་པས་གཏམ་བཤད་གནང་། ཐེངས་འདིའི་ཚོགས་འདུར་ཀྲུང་གོ་བོད་རིག་པ་ཞིབ་འཇུག་ལྟེ་གནས་དང་། ཀྲུང་གོ་བོད་ལྗོངས་ཆ་འཕྲིན་ལྟེ་གནས། མཚོ་སྔོན་ཞིང་ཆེན་འཐབ་ཕྱོགས་གཅིག་གྱུར་པུའུ་སོགས་ལས་ཁུངས་དང། དེ་མིན་མཚོ་སྔོན་དང་ཀན་སུའུ། སི་ཁྲོན། བོད་ལྗོངས། ཡུན་ནན་བཅས་ནས་ཐོན་པའི་ཆོས་ལུགས་ཞིབ་འཇུག་པ་དང་མགོ་ཁྲིད་བཅས་བསྡོམས་པས་མི120ལྷག་ཞུགས།

ཚོགས་ཐོག་ཏུ་རྨ་ལྷོ་བོད་རིགས་རང་སྐྱོང་ཁུལ་གྱི《ལོ་ངོ་བདུན་བཅུར་འབད་པས་བསྐྱོད། བཞུད་ལམ་གསར་བའི་བགྲོད་ལམ་སྙེག》ཅེས་པའི་དྲིལ་སྒྲོག་བརྙན་རིས་ལ་གཟིགས་པ་དང་། དེ་མིན་ཞིང་ཆེན་ཏང་ཨུའི་སྲིད་ཁྲིམས་ཨུ་ཡོན་ལྷན་ཁང་དང་། ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་། ཞིང་ཆེན་སྤྱི་བདེ་ཐིང་། ཟི་ལིང་གྲོང་ཁྱེར། མཚོ་ཤར་གྲོང་ཁྱེར། མཚོ་ནུབ་ཁུལ། མཚོ་ལྷོ་ཁུལ། མཚོ་བྱང་ཁུལ། ཡུས་ཧྲུའུ་ཁུལ། མགོ་ལོག་ཁུལ་བཅས་ཀྱི་འཐུས་མིས་གཏམ་བཤད་གནང་།

སྔ་དྲོའི་མགོ་རྩོམ་མཛད་སྒོ་མཇུག་སྒྲིལ་རྗེས་ཚོགས་ཞུགས་པ་ཚོ་ཐུན་རིན་གྲོང་ཁྱེར་རོང་བོ་དགོན་ཆེན་དང་ཐོ་རྒྱ་གྲོང་རྡལ་ཁྱུང་བོ་སྡེ་བའི་གསས་ཁང་། གཅན་ཚ་རྫོང་ཁམས་ར་གྲོང་རྡལ་རྐ་ཕུག་གླང་རི་ལྷ་ཁང་བཅས་སུ་སོང་སྟེ་ཡུལ་དངོས་ནས་ལྟ་སྦྱོང་བྱས།

ཐེངས་འདིའི་ཚོགས་འདུའི་ཚོགས་ཡུན་ཉིན་གཉིས་ཡིན་པ་དང་། ཟླ10པའི་ཚེས30ཉིན་ཚོགས་ཞུགས་ཀྱི་ཞིབ་འཇུག་པ་དང་ཆེད་མཁས་པ། མགོ་ཁྲིད་རྣམས་ཀྱིས་བོད་འབྲེལ་ས་ཁུལ་གྱི་གཞི་རིམ་ཆོས་ལུགས་བཅོས་སྐྱོང་དང་འབྲེལ་ཏེ་ཕན་ཚུན་བར་བགྲོ་གླེང་དང་། བསམ་བློ་བརྗེ་རེས། སློབ་སྦྱོང་བཅས་བྱ་རྒྱུ་རེད། །