ཟླ10ཚེས27ཉིན། མཚོ་སྔོན་ཞིང་ཆེན་དཔེ་སྐྲུན་ཡིག་རིགས་གསལ་འབྱེད་གཏན་འབེབས་དང་ཞུ་ཀློག་ལྟེ་གནས་དང་བོད་རང་སྐྱོང་ལྗོངས་དཔེ་སྐྲུན་ཡིག་རིགས་ཀྱི་སྤུས་ཚད་ཞིབ་བཤེར་དཔྱད་འབེབས་ལྟེ་གནས་གཉིས་ཀྱིས་བོད་འབྲེལ་དཔེ་སྐྲུན་ཡིག་རིགས་གསལ་འབྱེད་དང་ཞུ་ཀློག་གི་ནུས་པ་ཇི་ལྟར་སྤུས་ལེགས་པོར་གཏང་དགོས་པའི་སྐོར་ནས་གྲོས་བསྡུར་ཞིབ་དཔྱད་བྱས་པ་མ་ཟད། ཕྱོགས་གཉིས་ནས《མཚོ་བོད་ཞིང་ལྗོངས་གཉིས་ཀྱི་བོད་འབྲེལ་དཔེ་སྐྲུན་ཡིག་རིགས་གསལ་འབྱེད་དང་ཞུ་ཀློག་སྐོར་གྱི་མཐུན་སྦྱོར་གྲོས་ཆིངས》ལ་མིང་རྟགས་བཀོད།
གྲོས་ཆིངས་དེས་ཕྱོགས་གཉིས་ཀས་ཕན་ཚུན་བར་འགྲོ་འོང་རྒྱ་ཆེན་དང་། སྤྱི་ཡོངས་ནས་བརྗེ་སྤེལ། གཏིང་ཟབ་པའི་འབྲེལ་འདྲིས་བཅས་ལ་སྐུལ་འདེད་བཏང་སྟེ། བོད་འབྲེལ་དཔེ་སྐྲུན་ཡིག་རིགས་གསལ་འབྱེད་གཏན་འབེབས་དང་ཞུ་ཀློག་མཉམ་ལས་ཀྱི་རྣམ་པ་ཆགས་པར་དམིགས་སུ་བཟུང་ནས་ཆེད་མཁས་འཇོན་མི་སྤྱི་དང་། ནང་སྒོས་སུ་སྨྱན་བྱེད་གསར་པ་དང་དྲ་རྒྱའི་གྲངས་ཀའི་དཔེ་སྐྲུན་གྱི་ཆེད་ལས་འཇོན་མིའི་དཔུང་སྡེ་འཛུགས་སྐྱོང་གི་བྱེད་ཐབས་ཐད་ནས་ཞིབ་དཔྱད་དང་། དེང་གི་སྲོལ་རྒྱུན་དཔེ་སྐྲུན་དང་གྲངས་ཀའི་དཔེ་སྐྲུན་མཉམ་བསྲེས་གོང་སྤེལ་གྱི་གནས་སྟངས་གསར་པའི་འོག དཔེ་སྐྲུན་ཡིག་རིགས་གསལ་འབྱེད་དང་ཞུ་ཀློག་ལས་ཀ་བྱེད་སྟངས་དང་། བྱེད་ཚུལ། ཐབས་བཀོད་ཕྱོགས་ནས་དཔྱད་བསྡུར་བྱས་ཏེ། བོད་འབྲེལ་དཔེ་སྐྲུན་ཡིག་རིགས་གསལ་འབྱེད་དང་ཞུ་ཀློག་ལས་ཀའི་ཕན་ནུས་ཇེ་ཆེར་ཡོང་བ་དང་། བོད་འབྲེལ་ས་ཁུལ་གྱི་ཁྲིམས་འགལ་དཔེ་སྐྲུན་ལས་སྒོའི་དག་ཐེར་ལ་ཡང་དག་པའི་གསལ་འབྱེད་དང་ཞུ་ཀློག་ཞབས་ཞུ་ཕན་ལྡན་ཞིག་མཁོ་འདོན་བྱས།
ཞིང་ཆེན་དཔེ་སྐྲུན་གསལ་འབྱེད་དང་ཞུ་ཀློག་ལྟེ་གནས་ཀྱི་འབྲེལ་ཡོད་འགན་ཁུར་བས་འདི་སྐད། ཐེངས་འདིའི་བརྗེ་སྤེལ་བརྒྱུད། ཕྱོགས་གཅིག་ནས་མཚོ་སྔོན་དཔེ་སྐྲུན་ཡིག་རིགས་གསལ་འབྱེད་དང་ཞུ་ཀློག་བྱེད་མཁན་ལས་ཀ་བའི་ལས་སྒོའི་ནུས་པ་མཐོར་འདེགས་དང་། མཐོང་རྒྱ་ཆེར་བསྐྱེད་ནས་ལས་ཀའི་བསམ་ཕྱོགས་གསལ་བོར་བསྟན་སོང་། ཕྱོགས་གཞན་ནས་ཕྱོགས་གཉིས་ཀྱི་ལས་སྒོའི་ཐད་ཀྱི་འབྲེལ་འདྲིས་དང་། ཆ་འཕྲིན་བརྗེ་རེས། ཐོན་ཁུངས་མཉམ་སྤྱོད་ཀྱི་སྒོ་མོ་ཡངས་པོར་ཕྱེས་ཏེ། བོད་འབྲེལ་དཔེ་སྐྲུན་ཡིག་རིགས་ཀྱི་གསལ་འབྱེད་དང་ཞུ་ཀློག་ལས་ཀ་དེ་ཞིང་ལྗོངས་གཉིས་གང་རུང་ནས་མཉམ་ལས་ཐོག་སྒྲུབ་ཆོག་པའི་ནང་རྐྱེན་ལམ་ལུགས་བཙུགས་སོང་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注