ཟས་རིགས་འདི་དག་ལ་དོན་དངོས་ཐོག་ཕན་ནུས་དེ་ཙམ་མི་འདུག

ཟས་རིགས་འདི་དག་ལ་དོན་དངོས་ཐོག་ཕན་ནུས་དེ་ཙམ་མི་འདུག

ཟས་རིགས་འདི་དག་བཟས་ན་གཟུགས་པོར་ཕན་ཞེས་ཕ་མ་ཚོས་རྒྱུན་པར་ཕྲུ་གུར་དེ་ལྟར་བཤད་ཀྱི་ཡོད། འོན་ཀྱང་ཟས་རིགས་དེ་དག་གིས་དོན་དངོས་ཐོག་ལུས་པོའི་བདེ་ཐང་ལ་ཕན་ནུས་ཆེན་པོ་དེ་ཙམ་མེད། དེས་ན་ཟས་རིགས་གང་དག་རེད་ཟེར་ན།

གཅིག འབྲས་སྣུམ་གྱི་ཕན་ནུས་ནི་སྤྱིར་བཏང་གི་འབྲས་དང་ཁྱད་པར་མེད།

འབྲས་སྣུམ་ཞེས་པ་ནི་སྤྱིར་བཏང་འབྲས་ཐུག་བསྐོལ་རྗེས་དེའི་ཁར་གཡེང་བའི་སྣུམ་ཞག་དང་འདྲ་བའི་ཁ་སྤྲི་ལ་གོ་ཞིང་། མི་མང་པོ་ཞིག་གིས་འབྲས་སྣུམ་གྱི་འཚོ་བཅུད་ཧ་ཅང་མཐོ་བ་དང་། ཕོ་བ་གསོ་ཐུབ་པའི་ངོས་འཛིན་བྱེད་ཀྱི་ཡོད།

འོན་ཀྱང་དོན་དངོས་ཐོག་འབྲས་སྣུམ་ནང་གི་འཚོ་བཅུད་ཀྱི་གྲུབ་ཆ་སྟེ། དཔེར་ན། སིང་ཕྱེ་དང་། ཆུས་ཞུ་རང་བཞིན་གྱི་སྤྲི་དཀར་རྫས། འཁྱམས་གྱེས་ཨན་གཞི་སྐྱུར། གཏེར་རྒྱུ། ཆུས་ཞུ་རང་བཞིན་གྱི་འཚོ་རྒྱུ་སོགས་ཀྱི་འདུས་ཚད་ཅུང་དམའ་བ་དང་། འདིས་གཙོ་བོ་ཐཱན་ཆུ་འདྲེས་སྦྱོར་རྫས་དང་ཆུ་མཁོ་འདོན་བྱེད་ཀྱི་ཡོད་པས། སྤྱིར་བཏང་གི་འབྲས་དང་གཅིག་མཚུངས་ཡིན་པས་དེར་དམིགས་བསལ་གྱི་ཕན་ནུས་མེད།

གཉིས། ཁུ་བའི་ནང་འཚོ་བཅུད་ཆེན་པོ་དེ་ཙམ་མེད།

ཕ་མས་རྒྱུན་པར་ང་ཚོར་ཁུ་བ་མང་ཙམ་འཐུང་དང་། འཚོ་བཅུད་ཚང་མ་ཁུ་བའི་ནང་དུ་ཡོད་ཅེས་བཤད་ཀྱི་ཡོད། འོན་ཀྱང་དོན་དངོས་སུ་ཁུ་བའི་གྲུབ་ཆ་གཙོ་བོ་ནི་ཆུ་དང་ཞག་ཚིལ་ཡིན་པ་དང་། དེའི་ནང་གི་སྤྲི་དཀར་རྫས་དང་། འཚོ་བཅུད། གཏེར་རྒྱུ་སོགས་ཀྱི་འདུས་ཚད་ཉུང་ཉུང་ཡིན་པས། དེའི་འཚོ་བཅུད་དེ་ཟ་མ་རང་གི་འདུས་ཚད་ལས་ཉུང་།

མི་མང་པོ་ཞིག་གིས་རུས་ཁུ་ཡིས་ཀལ་རྒྱུ་གསོ་ཐུབ་པར་འདོད། འོན་ཀྱང་རུས་པའི་ཁུ་བ་དེ་གནོན་ཤུགས་ཆེན་པོའི་འོག་ཆུ་ཚོད་གཉིས་ཡས་མས་བསྐོལ་དགོས་པས་ཀལ་རྒྱུ་འདུས་ཚད་ཧ་ཅང་དམའ། ཕལ་ཆེར་འོ་མའི1/21ལས་མེད་པ་མ་ཟད། དེའི་ཞག་ཚིལ་དང་ཕུའུ་རིན། ནཱ་རྒྱུ་བཅས་ཀྱི་འདུས་ཚད་ཅུང་མཐོ་བ་ཡོད།

གསུམ། ཤིང་འབྲས་ཀྱི་ཁུ་བ་འཐུང་བ་ལས་ཤིང་འབྲས་ཐད་ཀར་བཟའ་ན་དགའ།

ཤིང་འབྲས་ཀྱི་ཁུ་བ་བཙིར་རྗེས། དེའི་འཚོ་བཅུད་ཀྱི་གྲུབ་ཆར་འགྱུར་ལྡོག་འབྱུང་སྲིད། དཔེར་ན་འཚོ་རྒྱུCཇེ་དམའ་རུ་འགྲོ་སྲིད།

གཞི་གྲངས་ལས་མངོན་པ་ལྟར་ན། ཤིང་འབྲས་ཀྱི་སྐྱུར་གཤིས་ཅི་ཙམ་ཆེ་ན་འཚོ་རྒྱུCཡི་ཤོར་ཚད་དེ་བས་ཆུང་། གལ་ཏེ་ཁུ་བ་བཙིར་རྗེས་སྙིགས་རོ་བསྐྱུར་བ་ཡིན་ན་ཤིང་ཏོག་གི་ཚི་སྣ་ཡང་ཇེ་ཉུང་དུ་འགྲོ་སྲིད། དེ་བས་གལ་ཆེ་བ་ཞིག་ནི་ཤིང་འབྲས་ཁུ་བ་ཡིས་ཁྲག་མངར་ཇེ་མཐོར་འགྲོ་སྲིད། དེར་བརྟེན། ཤིང་འབྲས་ཁུ་བ་འཐུང་རྒྱུ་དེ་ཤིང་འབྲས་ཟ་བ་དང་འདྲ་མཚུངས་མིན།

བཞི། སྦྲང་རྩིའི་ཕན་ནུས་དོན་དངོས་ཐོག་ཅི་འདྲ་ཡིན་ནམ།

སྦྲང་རྩི་ལ་རྒྱུན་དུ་མི་རྣམས་ཀྱིས་བཤང་འགག་སེལ་བ་དང་། མཛེས་བཟོའི་ནུས་པ་ལྡན་པ། ལུས་ཤ་སྐམ་དུ་གཏོང་བ་སོགས་ཀྱི་ནུས་པ་ལྡན་པའི་ངོས་འཛིན་བྱེད་ཀྱི་ཡོད་མོད། འོན་ཀྱང་འཚོ་བཅུད་ཀྱི་ངོས་ནས་བཤད་ན། སྦྲང་རྩི་ལ་དམིགས་བསལ་གྱི་ནུས་པ་མེད།

སྦྲང་རྩིའི་གྲུབ་ཆ75.6%ནི་ཀ་ར་དང22%ནི་ཆུ་ཡིན་པ་དང་། ད་དུང་ཚིལ་དང་སྤྲི་དཀར་གྱི་རྫས་སོགས་ཉུང་ཤས་འདུས་ཡོད།

བཤང་འགག་སེལ་རྒྱུའི་ཐད་མི་ཚང་མར་ནུས་པ་ཐོབ་པའི་ངེས་པ་མེད། སྦྲང་རྩིར་མི་འཕྲོད་མཁན་གྱིས་སྦྲང་རྩི་བཟས་རྗེས་སིམ་པའི་རང་བཞིན་གྱི་ཕོ་བ་བཤལ་བའི་གནས་ཚུལ་ཐོན་སྲིད། དེ་བས་སྦྲང་རྩི་ཡིས་བཤང་འགག་སེལ་ཐུབ་པའི་འཁྲུལ་སྣང་འབྱུང་སྲིད།

ལྔ། བུ་རམ་གྱི་ཁུ་བས་ལུས་པའོ་ལྕགས་རྒྱུ་གསོ་ཐུ་པའི་ངེས་པ་མེད། དེ་ལས་ལྡོག་ཏེ་ལུས་ཤ་རྒྱག་ཏུ་གཏོང་བའི་ཉེན་ཁ་ཡོད།

《ཀྲུང་གོའི་ཟས་རིགས་ཀྱི་གྲུབ་ཆའི་རེའུ་མིག》ལ་གཞིགས་ན། བུ་རམ་ཁེ100ཡི་ནང་ལྕགས་རྒྱུ་ཧའོ་ཁེ2.2དང་། ཤེལ་ཀ་ར་ཁེ100ཡི་ནང་ཧའོ་ཁེ1.4 བྱེ་མ་ཀ་ར་ཁེ100ཡི་ནང་ཧའོ་ཁེ0.6བཅས་འདུས་ཡོད་པས། བུ་རམ་ནང་གི་ལྕགས་རྒྱུ་འདུས་ཚད་མངར་ཆ་གཞན་པ་ལས་ཅུང་མཐོ་བ་ཡོད། འོན་ཀྱང་བུ་རམ་ནང་གི་ལྕགས་རྒྱུ་ནི་ཁྲག་དམར་རྒྱུའི་ལྕགས་རྒྱུ་མིན་པའི་ཁོངས་སུ་གཏོགས་པས་མིའི་ལུས་པོས་འཇུ་དཀའ། དེར་བརྟེན། བུ་རམ་བླུགས་པའི་ཆུ་འཐུང་ན་ལྕགས་རྒྱུ་གསབ་པ་དང་ཁྲག་གསོ་བའི་ཕན་འབྲས་བཟང་པོ་ཐོན་མི་ཐུབ། དེ་མིན། བུ་རམ་དང་བྱེ་མ་ཀ་ར་གཉིས་ཀའི་ནང་མངར་རྒྱུ་འདུས་ཚད་མང་བས་གཟུགས་གཞིའི་བདེ་ཐང་ཆེད་དེ་དག་ཉུང་ཙམ་མཆོད་ན་ལེགས།