གཅིག མངར་ཆ་ཅན་གྱི་ཟས་རིགས་དང་འབྲས་སྐྲན་གྱི་རིགས་ཁ་ཤས་དབར་ཐད་ཀའི་འབྲེལ་བ་མེད་མོད། འོན་ཀྱང་དེ་དག་ནི་འབྲས་སྐྲན་གྱི་མི་མངོན་པའི་འབྱུང་རྐྱེན་ཡིན་སྲིད་དེ། མངར་ཆ་བཟའ་རྒྱུ་མང་དྲགས་ན་ལུས་ཤ་རྒྱགས་པ་ཆགས་སྲིད་ཅིང་། ལུས་ཤ་རྒྱགས་པ་ནི་འབྲས་སྐྲན་སྣ་ཚོགས་ཀྱི་འབྱུང་རྐྱེན་རེད།
གཉིས། དུས་ཡུན་རིང་པོར་མངར་ཆའི་རིགས་འབོར་ཆེན་ཟོས་ན། མངར་ཆ་མང་དག་ཅིག་ཞག་ཚིལ་དུ་གྱུར་ནས་ལུས་པོའི་ནང་གསོག་ཉར་བྱེད་ཀྱིན་ཡོད་པས་ལུས་ཤ་རྒྱགས་པ་ཆགས་སླ་བ་དང་། དེས་སྙིང་ཁམས་ཁྲག་རྩའི་ནད་ཕོག་པའི་ཉེན་ཁ་ཇེ་ཆེར་འགྲོ་སྲིད།
གསུམ། མངར་ཆའི་རིགས་བཟའ་རྒྱུ་མང་དྲགས་ན་ལུས་ཤ་རྒྱགས་པར་མ་ཟད། གཤེར་མའི་ཕུང་རྩིའི་ཚོར་སྐྱེན་རང་བཞིན་ཇེ་དམའ་རུ་གྱུར་ཏེ་གཅིན་སྙི་ཟ་ཁུའི་ནད་འབྱུང་ཉེན་ཆེ་རུ་འགྲོ་བ་ཡིན། 60%ཡན་གྱི་རིགས2པའི་གཅིན་སྙི་ཟ་ཁུའི་ནད་པ་ཚང་མར་ལྗིད་ཚད་ལས་བརྒལ་བ་དང་ལུས་ཤ་རྒྱགས་དྲག་པའི་སྣང་ཚུལ་ཡོད།
བཞི། རྒྱུན་དུ་མངར་ཆའི་རིགས་ཟོས་ན། ཁ་སྦུག་ནང་གི་འབུ་ཕྲར་སྐྱེ་འཕེལ་གྱི་ཁོར་ཡུག་ལེགས་པོ་ཞིག་འདོན་སྤྲོད་བྱེད་ཀྱིན་ཡོད་པས། སོ་རུལ་དང་ཁ་སྦུག་གི་ནད་རིགས་གཞན་དག་འབྱུང་སླ་བ་རེད།
ལྔ། མངར་ཆ་ཞག་ཚིལ་དུ་གྱུར་རྗེས། ཆ་ཤས་ཤིག་པགས་འོག་ཏུ་གསོག་པ་དང་ཆ་ཤས་ཤིག་དོན་སྣོད་ཀྱི་ཕྱི་ངོས་སུ་གསོག་སྲིད་པས། མཆིན་པ་ཚིལ་འགྱུར་གྱི་ནད་ཕོག་སྲིད་པ་ཙམ་མ་ཟད། ད་དུང་སྙིང་ཚིལ་འགྱུར་གྱི་ནད་དང་མཚེར་བ་ཚིལ་འགྱུར་གྱི་ནད་སོགས་འབྱུང་ཉེན་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注