ཁྲག་རྡོའི་གནོད་འཚེ་དང་འབྱུང་རྐྱེན།

ཁྱོད་ཀྱིས་མཁལ་རྡོ་དང་མཁྲིས་རྡོ། ཁྲག་རྡོ་སོགས་ཐོས་མྱོང་ཡོད་དམ། དོ་སྣང་མ་བྱས་ཚེ་དུས་རྒྱུན་གྱི་འཚོ་བའི་གོམས་གཤིས་ཕྲན་བུས་ཀྱང་ཁྲག་རྩ་འགག་པའི་ནད་དང་སྙིང་ཁྲག་འགག་པའི་ནད། ཀླད་རྩ་འགག་པའི་ནད་རིགས་སོགས་སློང་ཉེན་ཆེ།

ཁྲག་རྡོ་བྱུང་ན་ལུས་ཕུང་ལ་གནོད་པ་གང་དག་ཡོད་དམ་ཞེ་ན།

གནོད་འཚེ་དང་པོ། ཁྲག་རྩའི་ལྡེམ་གཤིས་ཞན་འགྱུར་བྱུང་ཚེ་ཁྲག་རྒྱུན་གྱི་བཞུར་ཤུགས་ཇེ་ཞན་དུ་གྱུར་ནས། ཁྲག་ཤེད་མཐོ་བ་དང་འཕར་རྩའི་རྩ་ལམ་དོག་པ། སྙིང་ཤ་རྔམ་མཐུག སྙིང་དང་རྐང་པའི་ཁྲག་རྩར་ཁྲག་རྒྱུག་མི་ཐུབ་པ། གཅོང་ནད་སྙིང་རྒུད་ཀྱི་ནད་སོགས་འབྱུང་ཚད་དང་དེ་ལས་ཤི་ཚད་མངོན་གསལ་གྱིས་ཇེ་མང་དུ་འགྲོ་སྲིད།

གནོད་འཚེ་གཉིས་པ། སྲ་འགྱུར་ཁྲག་རྡོག་སྲ་སོབ་ཡིན་པས་དེས་ཁྲག་རྡོ་སིལ་བུར་གཏོར་ན་ཁྲག་རྩ་བརྡོལ་ནས་ཁྲག་རེང་ནད་དུ་འགྱུར་སླ།

གནོད་འཚེ་གསུམ་པ། ཏོག་དབྱིབས་འཕར་རྩ་སྲ་འགྱུར་ཚབས་ཆེན་བྱུང་ན་ཤི་ཚད་ཇེ་མཐོར་འགྲོ་བ་ཡིན།

གནོད་འཚེ་བཞི་པ། ཁྲག་རྡོ་དེ་དག་སྨན་བཅོས་ཡོ་བྱད་སྤྱོད་པའི་བཀག་རྡོ་ལྟ་བུར་གྱུར་ནས་ཁྲག་རྩའི་འདེགས་སྒྲོམ་སྤྱོད་མི་ཐུབ་པས། ཁྲག་རྩའི་འདེགས་སྒྲོམ་མ་སྤྱད་གོང་ཁྲག་རྩ་བརྡར་ནས་སྲ་འགྱུར་ཁྲག་རྡོག་སེལ་དགོས་པ་ཡིན། འོན་ཀྱང་གཟབ་གཟབ་མ་བྱས་ཚེ་ཁྲག་རྩ་རྡོལ་བའི་ཉེན་ཁ་ཧ་ཅང་ཆེ་ལ། ཁྲག་རྩའི་འདེགས་སྒྲོམ་འཇོག་ཐུབ་ནའང་ཡང་བསྐྱར་འགག་པའི་ཉེན་ཁ་ཤིན་ཏུ་ཆེ།

ཁྲག་རྡོའི་འབྱུང་རྐྱེན་ཅི་ཞིག་ཡིན་ནམ།  ཁྲག་ཤེད་མཐོ་བ་དང་ཁྲག་ཚིལ་མཐོ་བ། ཁྲག་ཧྭགས་མཐོ་བ། གཅིན་སྐྱུར་མཐོ་བ། ཙོག་ཡུན་རིང་བ་སོགས་ནི་ཁྲག་རྩ་སྲ་འགྱུར་འབྱུང་བའི་རྒྱུ་རྐྱེན་གཙོ་བོ་ཡིན།

ལིན་མཐོ་བའི་ཟས་རིགས་ཟོས་ན་ཁྲག་རྩ་སྲ་འགྱུར་འབྱུང་དོན་གང་ཡིན།

ཁྲག་རྩ་སྲ་འགྱུར་ཞེས་པ་ནི་གཏེར་རྒྱུ་ཀལ་ལཱིན་སྐྱུར་ཚྭ་ཁྲག་རྩའི་ནང་ཕུང་གསོག་ཐེབས་པའི་རྣམ་པར་ཟེར། གལ་ཏེ་ཁྲག་རྩའི་ནང་ལིན་གཞི་རྒྱུ་མང་ན་ལིན་བརྗེ་ཚབ་ཡག་པོ་བྱེད་མི་ཐུབ་པ་དང་། ལིན་མཐོ་ཁྲག་ནད་ནི་ཁྲག་རྩ་སྲ་འགྱུར་གྱི་རྒྱུ་རྐྱེན་ཆེས་གཙོ་བོ་དེ་ཡིན།

རྒྱུན་མཐོང་གི་ཟས་རིགས་ཁྲོད་གང་དག་ནི་ལིན་མཐོ་བའི་ཟས་རིགས་ཀྱི་ཁོངས་སུ་གཏོགས་སམ་ཞེ་ན།

གཅིག ལས་སྣོན་བྱས་པའི་ཤ་རིགས། ཕག་རྒྱུ། ཕེ་ཀེན། ཧལ་གོར་སོགས།

གཉིས། ནང་ཁྲོལ་རིགས། ཕག་གི་མཆིན་པ་དང་། ཕག་སྙིང་། བྱ་དེའི་ཕོ་བ། ཕག་གི་གྲོད་པ། ལོང་བ། ཉ་འབྲུ། སྡིག་སྲིན་གྱི་འབྲུ། ཕག་གི་ཀླད་པ་སོགས།

གསུམ། བཏུང་བྱའི་རིགས། ཁོ་ཧྥེ་དང་། འོ་ཇ། ཐན་སྐྱུར་བཏུང་བྱ། སྦི་རག་སོགས།

བཞི། ཤུན་པ་སྲ་བའི་ཤིང་འབྲས་ཀྱི་རིགས། བ་དམ་དང་། ཉི་འབྲུ། སྟར་ཀ ཁམ་ཚིག་འབྲས་བུ། དགའ་འབྲས། ཁམ་བུ། ཏིལ་སོགས།

ལྔ། སྲན་རིགས། སྲན་དམར་དང་སྲན་ལྗང་། སྲན་སེར། སྲན་ནག རྒྱ་སྲན། སྲན་ལེབ། སྲན་རིང་སོགས།