བྱིས་པའི་དབུགས་ལམ་མ་ལག་ལ་གཉན་ཚད་ཕོག་དུས་ཚ་བ་རྒྱས་སྲིད་པ་ནི་རྒྱུན་མཐོང་གི་སྣང་ཚུལ་ཞིག་རེད། དེར་ཁྱིམ་བདག་གིས་ཚན་རིག་དང་མཐུན་པའི་ངང་ཁ་གཏད་གཅོག་དགོས།

གཅིག ཐོག་མར་ཁྱིམ་བདག་གིས་སྨན་པར་བསྟེན་དགོས་མིན་ཐག་གཅོད་དགོས། ཟླ་ངོ་གསུམ་མ་ལོན་པའི་བྱིས་པ་དམར་འབྱར་ལ་ཚ་བ་རྒྱས་ན། དུས་ཐོག་ཏུ་སྨན་པར་བསྟེན་དགོས། ལོ་ཚོད་མི་འདྲ་བའི་བྱིས་པར་ཚ་བ་རྒྱས་ནས་ཉིན་གསུམ་ཡན་འགོར་བའམ་ཡང་ན་དབུགས་འཚང་བ། གློ་ལུ་བ་སོགས་ཀྱི་ནད་རྟགས་བྱུང་སྟེ་བཟའ་བཏུང་དང་གཉིད་སོགས་ལ་གནོད་པ་བྱུང་ན་དུས་ཐོག་ཏུ་སྨན་པར་བསྟེན་དགོས།

གཉིས། ཁྱིམ་དུ་ལྟ་ཞིབ་དང་གསོ་བཅོས་བྱེད་དགོས། ནད་དུག་རང་བཞིན་གྱི་འགོས་ནད་དམ་ཡང་ན་ཕྲ་གྱེས་གདོད་གཟུགས་ལ་གཉན་ཚད་རྒྱས་པའི་སྔ་དུས་སུ་ཚ་བ་ཆེན་པོ་རྒྱས་ངེས། གལ་ཏེ་བྱིས་པར་དམིགས་བསལ་གྱི་ནད་རྟགས་གཞན་མེད་ཚེ་ཚ་བ་གཅོག་པའི་སྨན་འཐུང་ན་ཚ་བ་ཆག་སྲིད། དུས་ཡུན་ཅུང་ཙམ་འགོར་རྗེས་ཚ་བ་ཡང་བསྐྱར་རྒྱས་ན་ཐོག་མར་ནད་དང་བསྟུན་པའི་སྨན་འཐུང་སྟེ་ཁྱིམ་དུ་ལྟ་ཞིབ་བྱས་ཆོག གལ་སྲིད་ཚ་བ་རྒྱས་ཡུན་རིང་བའམ་ཡང་ན་སེམས་ཁམས་དང་དབུགས་འབྱིན་རྔུབ་ལ་གནོད་པ་སོགས་ཀྱི་ནད་རྟགས་བྱུང་ན་དུས་ཐོག་ཏུ་སྨན་པར་བསྟེན་དགོས།

བྱིས་པར་ཡུན་རིང་དུ་གློ་ལུ་བརྒྱབ་ནའང་ཁྲག་གི་རྒྱུན་སྲོལ་བརྟག་དཔྱད་རྒྱུན་ལྡན་ཡིན་ན་ཇི་ལྟར་བྱེད་པ་དང་། དེར་དོ་སྣང་མ་བྱས་ན་དལ་གཤིས་གློ་ལུ་རུ་འགྱུར་སྲིད་དམ།

བྱིས་པར་གློ་ལུ་བའི་ནད་རྟགས་བྱུང་སྟེ་བདུན་ཕྲག་བཞི་སོང་བའམ་ཡང་ན་ཚ་བ་ཡང་ཡང་རྒྱས་ཤིང་དབུགས་འཚང་བ་སོགས་ཀྱི་གནས་ཚུལ་བྱུང་ན་དུས་ཐོག་ཏུ་སྨན་པར་བསྟེན་དགོས། ནད་ཐོག་ལག་ལེན་སྟེང་བྱིས་པར་གློ་ལུ་བའི་ནད་རྟགས་བྱུང་སྟེ་གཟའ་འཁོར་བཞི་ལས་བརྒལ་ན་དལ་གཤིས་གློ་ལུ་རུ་ངོས་འཛིན་བྱེད་ཀྱིན་ཡོད། དལ་གཤིས་གློ་ལུ་ལ་འབྱུང་རྐྱེན་ཤིན་ཏུ་མང་། རྒྱུན་མཐོང་གི་འབྱུང་རྐྱེན་ནི་གློ་ལུ་བ་ནས་རིམ་བཞིན་དབུགས་འཚང་བ་དང་། དབུགས་ལམ་སྟོད་མར་གློ་ལུ་བའི་རྟགས་ཐོན་པ། ཕོ་བ་དང་མིད་པའི་ལྡོག་རྒྱུག་སོགས་ཡོད། ནད་རིགས་དེ་དག་ལ་དེར་བསྟུན་གྱི་ནད་ཐོག་ངོས་འཛིན་གྱི་ཚད་གཞི་ཡོད་པས། ཁྲག་གི་རྒྱུན་སྲོལ་བརྟག་དཔྱད་ཀྱིས་དབྱེ་བ་འབྱེད་དཀའ་ཞིང་། སྨན་པས་ནད་ཐོག་གི་ནད་རྟགས་དང་བརྟག་དཔྱད་མཇུག་འབྲས་སོགས་ཕྱོགས་མང་པོར་བསམ་གཞིག་བྱེད་དགོས།

ཕྲུ་གུར་ཕྲ་གྱེས་གདོད་གཟུགས་ཀྱི་གློ་ཚད་བྱུང་དུས། གནས་ཚུལ་ཅི་འདྲའི་འོག་ཏུ་ཚི་སྣའི་གློ་ཤེལ་སྤྱོད་དགོས་སམ།

གཅིག  ནད་འགྱུར་གྱི་ཁྱབ་ཁོངས་དང་ཚད་གཞི། གལ་ཏེCTབརྟག་འབྲས་ལས་མངོན་པར། བྱིས་པའི་གཞོགས་གཅིག་གམ་ཡང་ན་གློ་བའི་འདབ་མ་མང་ཆེ་བའི་དབུགས་ལམ་མངོན་གསལ་དོད་པོས་འགག་ཡོད་ན། མྱུར་དུ་ཚི་སྣའི་གློ་ཤེལ་སྤྱད་ན་ནད་གཞི་དྲག་སྐྱེད་ཡོང་བར་ཕན་ཐོགས་ཆེ།

གཉིས། ནད་གཞི་ཚབས་ཆེ་ཚད། ནད་གཞི་ལྕི་བའི་ཕྲ་གྱེས་གདོད་གཟུགས་གློ་ཚད་ཀྱིས་བྱིས་པའི་ལུས་ཁམས་ལ་རིམས་འགོག་གི་སྣང་ཚུལ་དྲག་པོ་འབྱུང་སླ། གལ་ཏེ་དབུགས་ལམ་གྱི་ཆ་ཤས་ལ་གཉན་ཚད་དྲག་པོ་རྒྱས་ཡོད་ན། དབུགས་ལམ་གྱི་ངོས་ལ་ཟློག་ཐབས་མེད་པའི་གནོད་སྐྱོན་བཟོས་ཏེ། ཟུམ་འགག་རང་བཞིན་གྱི་གློ་ཡུའི་གཉན་ཚད་སོགས་འབྱུང་སྲིད་པས། སྔ་མོ་ནས་ཚི་སྣའི་གློ་ཤེལ་སྤྱོད་དགོས།

མདོར་ན། ཚི་སྣའི་གློ་ཤེལ་སྤྱོད་དགོས་མིན་དེ་སྨན་པས་ནད་ཀྱི་གནས་ཚུལ་ལ་གཞིགས་ནས་བརྡར་ཤ་གཅོད་དགོས་ཤིང་ཁྱིམ་བདག་གིས་སྨན་པའི་བཀའ་བཞིན་བསྒྲུབ་དགོས། །