མཚོ་སྔོན་ཡ་རྫིའི་རྨ་ཆུའི་འགྲམ་གྱི“སྣོད་བཅུད་ཀྱི་བཀོད་པ”།

མཚོ་སྔོན་ཡ་རྫིའི་རྨ་ཆུའི་འགྲམ་གྱི“སྣོད་བཅུད་ཀྱི་བཀོད་པ”།

2024ལོ་ནས་བཟུང་མཚོ་སྔོན་གྱི་སྐྱེ་ཁམས་ཁོར་ཡུག་སྡེ་ཚན་རིམ་པ་ཁག་གིས་གཙོ་གནད་ལས་འགན་དང་སྐྱེ་ཁམས་ཁོར་ཡུག་གི་གནད་དོན་མངོན་གསལ་དོད་དུ་བཏང་ནས་སྐྱེ་ཁམས་ཁོར་ཡུག་ཁྱབ་ཁོངས་ཀྱི་སྒྱུར་བཅོས་ཁྱོན་ཡོངས་ནས་སྔར་བས་གཏིང་ཟབ་ཏུ་བཏང་བ་དང་།    སྐྱེ་ཁམས་ཁོར་ཡུག་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་བའི་འཛུགས་སྐྲུན་ལ་སྐུལ་འདེད་མགྱོགས་སུ་བཏང་ནས་སྐྱེ་ཁམས་ཁོར་ཡུག་བཅོས་སྐྱོང་ནུས་པ་རྒྱུན་མཐུད་ངང་མཐོ་རུ་འགྲོ་རྒྱུར་རོགས་རམ་བྱས་ནས་སྐྱེ་ཁམས་ཁོར་ཡུག་གི་སྤུས་ཚད་རྒྱུན་མཐུད་ལེགས་སུ་འགྲོ་རྒྱུར་སྐུལ་འདེད་བཏང་།     

2024ལོར་ཞིང་ཆེན་ཡོངས་ཀྱི་སྐྱེ་ཁམས་ཁོར་ཡུག་མ་ལག་གིས་ཀྲུང་དབྱང་གི་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་གནད་དོན་བཅོས་སྒྲིག་གཙོ་གནད་དུ་བཟུང་སྟེ།    སྦགས་བཙོག་འགོག་བཅོས་ཀྱི་འགག་སྒྲོལ་སྒྲུབ་ཐབས་མུ་མཐུད་གཏིང་ཟབ་བྱས་ཏེ།    མཛེས་སྡུག་ལྡན་པའི་མཚོ་སྔོན་འཛུགས་སྐྲུན་ལ་སྐུལ་འདེད་མགྱོགས་སུ་བཏང་སྟེ།    སྐྱེ་ཁམས་ཁོར་ཡུག་ཁྱབ་ཁོངས་ཀྱི་བསྒྱུར་བཅོས་ཁག་ལ་དགེ་མཚན་ལྡན་པའི་གྲུབ་འབྲས་ཐོབ་པ་རེད།     སྐྱེ་ཁམས་ཁོར་ཡུག་སྲུང་སྐྱོང་གི་འགན་འཁྲི་དོན་འཁྱོལ་བྱེད་པར་སྐུལ་འདེད་གཏོང་བའི་ཐད་མཚོ་སྔོན་ཞིང་ཆེན་གྱིས་སྒྲིག་གཞི་སྒྱུར་བཅོས་དང་སྡེ་ཚན་གྱི་འགན་ནུས་ལེགས་སྒྲིག་དང་ཟུང་འབྲེལ་བྱས་ཏེ《མཚོ་སྔོན་ཞིང་ཆེན་གྱི་ཞིང་ཆེན་རིམ་པའི་རྒྱལ་ཁབ་ལས་ཁུངས་ཀྱི་འབྲེལ་ཡོད་སྡེ་ཚན་གྱི་སྐྱེ་ཁམས་ཁོར་ཡུག་སྲུང་སྐྱོང་གི་འགན་འཁྲིའི་གསལ་ཐོ》དུས་ཐོག་ཏུ་བཟོ་བཅོས་བརྒྱབ་ནས་འགན་འཁྲི་ཡོད་པའི་སྡེ་ཚན་ཡོངས་སུ་ཁྱབ་པ་གཞི་རྩའི་ཐོག་མངོན་འགྱུར་བྱུང་ཡོད།     འབྲེལ་ཡོད་སྲིད་ཇུས་གཏན་འབེབས་བྱས་ནས་སྒྲིག་ཁྲིམས་ལྟ་ཞིབ་ལྟ་སྐུལ་དང་སྐྱེ་ཁམས་ཁོར་ཡུག་ལྟ་སྐུལ་དོ་དམ་འབྲེལ་མཐུད་མཐུན་སྦྱོར་ལམ་སྲོལ་བེད་སྤྱོད་གཏིང་ཟབ་བྱས་ཏེ་སྐྱེ་ཁམས་ཁོར་ཡུག་གི་གནད་དོན་སྔ་ཙམ་དམ་འཛིན་དང་ཆུང་ཆུང་དམ་འཛིན་བྱ་རྒྱུར་སྐུལ་འདེད་བཏང་ནས་དོན་ཆུང་ནར་འགྱངས་དང་དོན་ཆེན་འགད་གཏོར་སྔོན་འགོག་ནན་པོ་བྱས་ཡོད།     སྲིད་འཛིན་ཁྲིམས་འཛིན་དང་ཉེས་དོན་ཁྲིམས་འཛིན།    སྤྱི་ཕན་གཏུག་བཤེར་ཞིབ་དཔྱོད་ལས་དོན་སྦྲེལ་མཐུད་བྱེད་ཤུགས་ཆེ་རུ་བཏང་ནས་འགོ་ཁྲིད་ལས་བྱེད་པའི་རང་བྱུང་ཐོན་ཁུངས་རྒྱུ་ནོར་ལས་གནས་ལས་བྲལ་(འགན་འཁུར་དུས)རྩིས་བཤེར་དང་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཁྲིམས་འཛིན་ལས་དོན་མཉམ་ལས་ལམ་སྲོལ་འཛུགས་དགོས།     

སྐྱེ་ཁམས་ཐོན་རྫས་ཀྱི་རིན་ཐང་མངོན་འགྱུར་ཡོང་བར་སྐུལ་འདེད་གཏོང་བའི་ཐོགཞིང་ཆེན་ཡོངས་ཀྱི་སྐྱེ་ཁམས་སྲུང་སྐྱོང་གི་ཕན་འབྲས་ལྟ་ཞིབ་ཚད་ལེན་དང་དཔྱད་དཔོག་ཚོད་ལྟ་བྱེད་པ་དང་།    ཕན་འབྲས་ལྟ་ཞིབ་ཚད་ལེན་དང་དཔྱད་དཔོག་མ་ལག་འཚོལ་ཞིབ་བྱས་ནས་སྐྱེ་ཁམས་ཐོན་རྫས་ཀྱི་རིན་ཐང་མངོན་འགྱུར་ཡོང་བར་སྐུལ་འདེད་གཏོང་བར་ལག་རྩལ་གྱི་འདེགས་སྐྱོར་མཁོ་འདོན་བྱེད་དགོས།     སྦགས་བཙོག་འབུད་དབང་རིན་དོད་ལྡན་པའི་བེད་སྤྱོད་དང་ཉོ་ཚོང་ཚོད་ལྟའི་ལས་དོན་གཏིང་ཟབ་ཏུ་བཏང་སྟེ།    ཚོད་ལྟའི་ས་ཁུལ་གྱི་གསར་པའི(བསྒྱུར་བཅོས་དང་རྒྱ་བསྐྱེད་པའི)ཁེ་ལས་ཚང་མར་སྦགས་བཙོག་འབུད་དབང་ཉོ་ཚོང་བྱས་པ་བརྒྱུད་རིན་དོད་ལྡན་པའི་སྦགས་བཙོག་དངོས་པོ་གཙོ་བོའི་སྤྱི་འབོར་གྱི་དམིགས་ཚད་ཐོབ་པ་རེད།     ཞིང་ཆེན་གྱི་འཕེལ་རྒྱས་སྒྱུར་བཅོས་དང་བསྡོམས་རྩིས་སོགས་སྡེ་ཚན་དང་མཐུན་སྦྱོར་བྱས་ཏེ་སྐྱེ་ཁམས་ཐོན་རྫས་ཀྱི་རིན་ཐང་བསྡོམས་འབོར་(GEP)དཔྱད་ཞིབ་ལམ་སྲོལ་འཚོལ་ཞིབ་འཛུགས་རྒྱུ་དང་སྐྱེ་ཁམས་ཐོན་རྫས་ཀྱི་རིན་ཐང་ཚད་འབེབས་དང་བསྒྱུར་བའི་འགྲོ་ལམ་འཚོལ་ཞིབ་ཧུར་ཐག་བྱ་རྒྱུ་རེད།     

སྐྱེ་ཁམས་ཁོར་ཡུག་ཁྲིམས་འཛིན་མ་ལག་འཐུས་ཚང་དུ་གཏོང་བའི་ཐད་མཚོ་སྔོན་ཞིང་ཆེན་གྱིས་སྐྱེ་ཁམས་ཁོར་ཡུག་ཕྱོགས་བསྡུས་སྲིད་འཛིན་ཁྲིམས་འཛིན་བསྒྱུར་བཅོས་བརྟན་བརླིང་དང་གོ་རིམ་ལྡན་པའི་སྒོ་ནས་སྐུལ་འདེད་བཏང་བ་དང་།    འབྲེལ་ཡོད་སྡེ་ཚན་དང་མཐུན་སྦྱོར་བྱས་ཏེ་ཞིང་ཆེན་མན་གྱི་རང་བྱུང་ཐོན་ཁུངས་དང་ནགས་ལས་རྩྭ་ཐང་སྲིད་འཛིན་ཁྲིམས་འཛིན་འགན་འཁྲི་དང་དེ་བཞིན་མི་སྣའི་སྟོབས་ཤུགས་བསྡུ་སྒྲིལ་བྱས་ཏེ་སྡེ་ཚན་གྱི་འགན་འཁྲི་སྒྲུབ་པའི་དབྱེ་མཚམས་ཁ་གསལ་བཟོས་ནས་རྫོང་རིམ་པའི་སྐྱེ་ཁམས་ཁོར་ཡུག་ཕྱོགས་བསྡུས་སྲིད་འཛིན་ཁྲིམས་འཛིན་སྒྲིག་གཞི་གསར་དུ་6བཙུགས་པ།     “སྐྱེ་ཁམས་ཆེན་པོའི”ཁོར་ཡུག་ལྟ་སྐུལ་དོ་དམ་མ་ལག་འཚོལ་ཞིབ་དང་འཛུགས་དགོས།     

སྐྱེ་ཁམས་ཁོར་ཡུག་ལ་གནོད་འཚེ་བཏང་བའི་སྐྱིན་ཚབ་ཐད་མཚོ་སྔོན་ཞིང་ཆེན་གྱིས་སྐྱེ་ཁམས་ཁོར་ཡུག་ལ་གནོད་འཚེ་བཏང་བའི་སྐྱིན་ཚབ་ལམ་ལུགས་ས་གནས་ཀྱི་ཁྲིམས་སྲོལ་ནང་བཀོད་དེ“གྱོད་གཞི་གཅིག་ལ་ཞིབ་བཤེར་གཉིས་པའི”ལམ་ལུགས་བཙུགས་ནས་གྱོད་དོན་ཐག་གཅོད་སྡེ་ཚན་གྱི“ཁྱོན་ཡོངས་ཁྱབ་པའི”ཐོག་ནས་གནོད་འཚེ་སྐྱིན་ཚབ་གྱོད་གཞིའི་གྲངས་འབོར་དང་སྤུས་ཚད་ལ་“ཚད་བརྒལ་གཉིས་པའི”སྐུལ་འདེད་བཏང་བ་རེད།     གྲོང་ཁྱེར་དང་ཀྲོའུ་ཁག་གིས་སྐྱིན་ཚབ་སྤྲོད་པའི་ཁེ་དབང་གཙོ་གཟུགས་ཀྱི་ཐོབ་ཐང་ཚད་བཀག་ལས་བརྒལ་ནས་ཁེ་དབང་གཙོ་གཟུགས་ཀྱི་ཁྱབ་ཁོངས་འོས་འཚམ་རྒྱ་བསྐྱེད་པ།    རྫོང་རིམ་པའི་སྲིད་གཞུང་གིས་གྲོས་མོལ་བྱས་ནས་གྱོང་གསབ་ལེན་པར་སྐུལ་མ་གཏོང་བ།    ལམ་ལུགས་དོན་འཁྱོལ་བྱེད་པར་ཕྱོགས་ཡོངས་ནས་སྐུལ་འདེད་གཏོང་དགོས།     མིག་སྔར་ཞིང་ཆེན་ཡོངས་ནས་གྱོད་གཞི་180ལྷག་ཙམ་བསྒྲུབས་ཡོད་པ་དང་གྱོད་གཞི་དང་འབྲེལ་བ་ཡོད་པའི་དངུལ་གྲངས་སྒོར་དུང་ཕྱུར་34ཙམ་ཡོད།     

ཁོར་ཡུག་འབྱུང་ཁུངས་སྔོན་འགོག་གི་ཕན་ནུས་ཆེ་རུ་གཏོང་རྒྱུའི་ཐད་ཁོར་ཡུག་གདེང་འཇོག་རྒྱུ་རྐྱེན་གཙོ་བོའི་འགན་སྲུང་ཞབས་ཞུར་ཤུགས་སྣོན་བརྒྱབ་ནས་སྐྱེ་ཁམས་ཁོར་ཡུག་ལ་ཤུགས་རྐྱེན་ཆེན་པོ་ཐེབས་པའི་རྣམ་གྲངས་ཀྱི་ཁོར་ཡུག་གདེང་འཇོག་ཞིབ་བཤེར་ཆོག་མཆན་འགོད་པའི་དབང་ཚད་ཞིང་ཆེན་རིམ་པར་བསྡུ་ལེན་བྱེད་པ་དང་།    ཤུགས་རྐྱེན་ཆུང་བ་དང་ཉེན་ཁ་དམའ་བའི་རྣམ་གྲངས་ཀྱི་ཁོར་ཡུག་གདེང་འཇོག་ཞིབ་བཤེར་ཆོག་མཆན་འགོད་པའི་དབང་ཚད་གྲོང་ཁྱེར་དང་ཀྲོའུ་ལ་གཤམ་སྤྲོད་བྱས་ཏེ་སྐྱེ་ཁམས་ཁོར་ཡུག་གི་འབྱུང་ཁུངས་ནས་མཐའ་མ་སྲུང་འཛིན་ནན་པོ་བྱས་ཏེ།    2024ལོར་ཞིང་ཆེན་ཡོངས་ཀྱིས་འཛུགས་སྐྲུན་རྣམ་གྲངས་ཀྱི་ཁོར་ཡུག་གདེང་འཇོག་ཁྱོན་རྣམ་གྲངས་9210བསྒྲུབས།