སློབ་གསོ་པུའུ་ཡིས་སློབ་གྲྭ་འབྲིང་ཆུང་གི་ཚད་ལྡན་རྒྱ་ཡིག་འབྲི་བའི་སློབ་གསོར་སྔར་བས་ཤུགས་སྣོན་རྒྱག་པར་བཀོད་སྒྲིག་བྱས་པ།
ཟླ10པའི་ཚེས25ཉིན་གསར་འགོད་པས་སློབ་གསོ་པུའུ་ནས་ཤེས་རྟོགས་བྱུང་བར་གཞིགས་ན། རྒྱལ་ཁབ་ཀྱི་སྤྱི་སྤྱོད་སྐད་ཡིག་ཁྱབ་གདལ་གཏོང་ཤུགས་ཆེ་རུ་གཏོང་བ་དང་། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་འཕེལ་རྒྱས་གཏོང་ཆེད། ཉེ་ཆར་སློབ་གསོ་པུས《སློབ་གྲྭ་འབྲིང་ཆུང་གི་ཚད་ལྡན་རྒྱ་ཡིག་འབྲི་བའི་སློབ་གསོར་སྔར་བས་ཤུགས་སྣོན་རྒྱག་པའི་སྐོར་གྱི་བརྡ་སྦྱོར》པར་འགྲེམས་བྱས་ནས། སློབ་མ་ཚོས་ཡང་དག་པའི་ཡིག་གཟུགས་འབྲི་བའི་ཉམས་འགྱུར་ཁོང་དུ་ཆུད་པ་དང་། སློབ་མ་ཚོས་ཡང་དག་པའི་སྒོ་ནས་ཚད་ལྡན་རྒྱ་ཡིག་གི་ཡིག་གཟུགས་དང་ཡིག་གཟུགས་ཀྱི་རྩལ་ནུས་ཁོང་དུ་ཆུད་པར་གསོ་སྐྱོང་བྱེད་པ། སློབ་མ་ཚོས་རྒྱ་ཡིག་གི་ལོ་རྒྱུས་དང་རིག་གནས་ཀྱི་རིན་ཐང་ཤེས་རྟོགས་གཏིང་ཟབ་ཐུབ་པར་ཁྲིད་སྟོན་བྱེད་པ་སོགས་ཀྱི་དམིགས་ཚད་ཁ་གསལ་བཏོན།
བརྡ་ཐོའི་ནང་བཏོན་པའི་ཕྱོགས་བརྒྱད་ཐད་ཀྱི་ལས་འགན་དང་བྱེད་ཐབས་ནང་གཏན་ཁེལ་བྱས་ཡོད་པ་སྟེ། ཡིག་གཟུགས་འབྲི་བའི་གོམས་གཤིས་བཟང་པོ་གསོ་སྐྱོང་བྱས་ནས། སློབ་མའི“སྒལ་གཞུང་འཁྱོག་པོ”དང“མིག་ཤེལ་ཆུང་ངུ”སྔོན་འགོག་དང་ཡོ་བསྲང་བྱེད་རོགས་བྱེད་པ་དང་། ཚད་ལྡན་གྱི་ཡི་གེ་འབྲི་བའི་ཆུ་ཚད་ཇེ་མཐོར་བཏང་སྟེ། སློབ་མས་རིམ་བཞིན་གཟབ་བྲིས་དང་ཚད་ལྡན། ཀུན་སྤྱོད་ཀྱི་ཡིག་གཟུགས་ཤེས་པར་གསོ་སྐྱོང་བྱས་ཏེ། ཡི་གེ་འབྲི་བའི་སྤུས་ཚད་དང་མྱུར་ཚད་མུ་མཐུད་དུ་མཐོར་འདེགས་གཏོང་བ། ཕུལ་བྱུང་གི་རྒྱ་ཡིག་རིག་གནས་རྒྱུན་འཛིན་བྱས་ནས་སློབ་མས་རྒྱ་ཡིག་གི་རིག་གནས་ནང་དོན་ཤེས་རྟོགས་ཐུབ་པར་བྱེད་པ། སློབ་ཚན་དང་པོ་དང་གཉིས་པའི་ནུས་པ་སྤྱི་འདོམས་སྒོས་འདོན་སྤེལ་བྱས་ཏེ། རྣམ་པ་སྣ་ཚོགས་ཀྱི་ཐོག་ནས་ཚད་ལྡན་རྒྱ་ཡིག་འབྲི་བའི་སློབ་གསོར་ཤུགས་སྣོན་རྒྱག་པར་སྐུལ་ལྕག་བྱེད་པ། སློབ་གྲྭའི་ནང་སྤྱོད་པའི་ཡི་གེ་ཚད་ལྡན་དུ་བཏང་ནས། ཚད་ལྡན་རྒྱ་ཡིག་ཡིག་འབྲིའི་སློབ་གསོ་དེ་སློབ་གྲྭའི་རིག་གནས་འཛུགས་སྐྱོང་ནང་མཉམ་བསྲེས་བྱེད་པ། དགེ་རྒན་གྱི་མིག་དཔེའི་ནུས་པ་འདོན་སྤེལ་བྱས་ནས། སློབ་གྲྭར་དགེ་རྒན་གྱི་གཞི་རྩའི་རྩལ་ནུས་འགྲན་བསྡུར་རྒྱ་ཁྱབ་ངང་སྤེལ་རྒྱུ་དར་སྤེལ་བཏང་སྟེ། ཚད་ལྡན་གྱི་རྒྱ་ཡིག་ཡིག་འབྲིའི་སློབ་གསོ་དེ་དགེ་རྒན་གྱི་གསོ་སྦྱོང་ནང་འཇུག་པ། གྲངས་གཞིའི་ནུས་པ་ཆེ་རུ་བཏང་ནས། གྲངས་འཛིན་ཅན་གྱི་ལག་རྩལ་བྱ་ཐབས་ཀྱིས་ཚད་ལྡན་རྒྱ་ཡིག་འབྲི་བའི་སློབ་གསོར་ཤུགས་སྣོན་པའི་རྣམ་པ་གསར་པ་འཚོལ་ཞིབ་བྱེད་པ། ཚན་རིག་དང་མཐུན་པའི་གདེང་འཇོག་ལམ་ལུགས་བཙུགས་ཏེ། ཚད་ལྡན་རྒྱ་ཡིག་འབྲི་བ་དེ་འབྲེལ་ཡོད་ཀྱི་དཔྱད་ཞིབ་གདེང་འཇོག་གི་ནང་དོན་དུ་འཇུག་པར་སྐུལ་མ་གཏོང་བ་བཅས་ཡིན།
བརྡ་ཐོའི་ནང་། མིག་སྔར་སློབ་གྲྭ་འབྲིང་ཆུང་གི་སློབ་མའི་ཡིག་གཟུགས་འབྲི་སྟངས་ཚད་ལྡན་མེད་པ་དང་། ཡིག་གཟུགས་པིས་རིས་ཚད་ལྡན་མིན་པ། ཡིག་གཟུགས་འབྲི་རྩལ་མིན་པའི་ཐོག་ནས་ཡིག་གཟུགས་འབྲི་ནུས་ཇེ་ཞན་དུ་ཕྱིན་པ་སོགས་ཀྱི་སྣང་ཚུལ་ཅུང་ཡོངས་ཁྱབ་ཏུ་གནས་ཡོད། ས་གནས་རིམ་པ་སོ་སོའི་སློབ་གསོ་སྲིད་འཛིན་སྡེ་ཚན་གྱིས་ཕུགས་ཕན་ལས་ཀའི་ལམ་སྲོལ་བཙུགས་ནས་སྲིད་ཇུས་དང་གྲོན་དངུལ། རྣམ་གྲངས་སོགས་ཀྱི་ཐད་རྒྱབ་སྐྱོར་བྱེད་པ་དང་། སློབ་གྲྭ་འབྲིང་ཆུང་གིས་སློབ་མའི་ལུས་ཕུང་འཚར་ལོངས་ཀྱི་གནས་ཚུལ་ལ་གཞིགས་ཏེ་སྒྲོག་ཙེ་དང་རྐུབ་སྟེགས། དཀར་ཆ་སོགས་འབྲེལ་ཡོད་བླང་བྱ་ཚད་དང་མཐུན་པར་འགན་ལེན་བྱ་རྒྱུར་མཛུབ་ཁྲིད་དང་རྒྱབ་སྐྱོར་བྱེད་དགོས། ས་གནས་ཁག་དང་སློབ་གྲྭ་ཁག་གིས་བྱེད་ཐབས་སྣ་མང་སྤྱད་དེ་ཚད་ལྡན་རྒྱ་ཡིག་འབྲི་བའི་དགེ་རྒན་མི་འདང་བའི་གནད་དོན་རིམ་བཞིན་ཐག་གཅོད་བྱེད་དགོས་པར་བསྟན་ཡོད། །
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注