ཤ་བོ་སྐྱབས་ཀྱིས་ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚན་ཆུང་གིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་དཔེ་ཀློག་འཛིན་གྲྭའི་མགོ་རྩོམ་མཛད་སྒོའི་ཐོག་སྙིང་རུས་ལྷོད་མེད་ངང་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་བྱས་ཏེ"མཚོ་བྱང་ལྔ"འཛུགས་སྐྲུན་ལ་ནུས་ཤུགས་ཡོད་རྒུས་སྐུལ་འདེད་གཏོང་ཆེད་འགན་ལེན་ནུས་ལྡན་འདོན་སྤྲོད་བྱེད་དགོས་པ་ནན་གྱིས་བསྟན། 

ཟླ4པའི་ཚེས1ཉིན། ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚན་ཆུང་གིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོའི་དཔེ་ཀློག་འཛིན་གྲྭ་ཁུལ་གྲོས་ཚོགས་ལྟེ་གནས་སུ་འཚོགས། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་སྐུལ་སློང་གསུང་བཤད་གནང་སྐབས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འབྲེལ་ཡོད་ཏང་གི་སྤྱོད་ཚུལ་འཛུགས་སྐྱོང་ལ་ཤུགས་སྣོན་རྒྱག་རྒྱུའི་སྐོར་གྱི་རྣམ་བཤད་གལ་ཆེན་དང་ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེའི་ལག་བསྟར་ཞིབ་སྲོལ་གྱི་དགོངས་དོན་སློབ་སྦྱོང་གཏིང་ཟབ་བྱས་ཏེ་ཁུལ་ཡོངས་ཀྱི་རིམ་པ་སོ་སོའི་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པའི་ཆབ་སྲིད་ཀྱི་ཚུགས་གནས་མཐོ་རུ་གཏོང་བ་དང་ཆབ་སྲིད་ཀྱི་རང་རྟོགས་ཆེ་རུ་གཏོང་རྒྱུར་དཔེ་སྟོན་སྣེ་ཁྲིད་བྱས་ནས་བསམ་བློ་དང་བྱ་སྤྱོད་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བར་བྱས་ཏེ "གཏན་འཁེལ་གཉིས"ཁོང་དུ་གཏིང་ཟབ་ཆུད་པ་དང"སྲུང་སྐྱོང་གཉིས"མཐའ་གཅིག་ཏུ་སྒྲུབ་ཐུབ་པ་བྱས་ཏེ་གཏན་འབེབས་དོན་ཚན་བརྒྱད་དེ་སྲོལ་དང་གོམས་གཤིས་སུ་འགྱུར་རྒྱུར་སྐུལ་འདེད་བཏང་ནས"མཚོ་བྱང་ལྔ"འཛུགས་སྐྲུན་ལ་ནུས་ཤུགས་ཡོད་རྒུས་སྐུལ་འདེད་གཏོང་ཆེད་འགན་ལེན་ནུས་ལྡན་འདོན་སྤྲོད་བྱེད་དགོས་པ་ནན་གྱིས་བསྟན། 

ཚོགས་འདུའི་ཐོག་ཀྲུང་དབྱང་དང་ཞིང་ཆེན་ཏང་ཨུའི་ཏང་འཛུགས་སྐྱོང་བྱ་བའི་མགོ་ཁྲིད་ཚན་ཆུང་གི་ཚོགས་འདུའི་དགོངས་དོན་བརྒྱུད་སྒྲོག་དང་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་མཚོ་བྱང་ཁུལ་གྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་བྱས་པའི་ཕན་འབྲས་དང་ཉམས་མྱོང་ཁྱབ་བརྡ་བཏང་། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རིན་ཆན་གོ་ཆིན་དང་ཁུལ་སྲིད་གྲོས་ཀྱི་ཀྲུའུ་ཞི་ཀྲུང་ཀྲི་ཅུན་མཛད་སྒོར་ཞུགས་པ་དང་། ཁུལ་ཨུའི་རྒྱུན་ཨུའམ་དྲིལ་སྒྲོག་པུའུ་ཡི་པུའུ་ཀྲང་ཀྲང་ཐའོ་ཡིས་འཛིན་གྲྭ་ཚོགས་མགོ་རྩོམ་པའི་མཛད་སྒོར་གཙོ་སྐྱོང་གནང་། 

ཤ་བོ་སྐྱབས་ཀྱིས་བསྟན་དོན། སློབ་སྦྱོང་སློབ་གསོ་སྤེལ་རྒྱུ་ནི་ད་ལོའི་ཏང་འཛུགས་སྐྱོང་བྱ་བའི་ཆབ་སྲིད་ལས་འགན་གལ་ཆེན་ཞིག་ཡིན་པས་ཁུལ་ཡོངས་ཀྱི་གོང་འོག་ཚང་མས་ཐེངས་འདིའི་སློབ་སྦྱོང་སློབ་གསོ་དེ་ཆབ་སྲིད་ཀྱི་གཟུགས་པོའི་བརྟག་དཔྱད་དང་བསམ་བློའི་བྱབས་ཁྲུས། སྤྱོད་ཚུལ་གྱི་ཞུན་བརྡར་ཞིག་ཏུ་རྩིས་ནས་བསམ་བློ་དང་ཆབ་སྲིད། བྱ་སྤྱོད་མཐའ་གཅིག་ཏུ་ཏང་ཀྲུང་དབྱང་དང་ཚད་མཐོའི་གཅིག་གྱུར་ཡོང་བར་བྱས་ཏེ་དངོས་ཡོད་བྱ་སྤྱོད་ཀྱི་ཐོག་ནས་ཏང་ལ་བློ་དཀར་བ་མངོན་པར་བྱེད་དགོས་ལ། ཐེངས་འདིའི་སློབ་སྦྱོང་སློབ་གསོ་ནི་གོ་སྐབས་སུ་བཟུང་ནས་ཏང་ཡོན་ལས་བྱེད་པའི་བསམ་བློའི་གོ་རྟོགས་མཐོ་རུ་གཏོང་བ་དང་ཡང་དག་པའི་སྲིད་སྐྱོང་བྱས་རྗེས་ཀྱི་ལྟ་བ་བརྟན་པོ་འཛུགས་པ། ཐོག་མཐའ་བར་གསུམ་དུ་སྙིང་སྟོབས་རབ་ཏུ་འཕེལ་བ་དང་སྤྱོད་ཚུལ་བཟང་པོར་བརྟེན་ནས་མཐུན་སྒྲིལ་འབད་འཐབ་དང་དངོས་སྒྲུབ་སྔོན་བརྩོན་བྱས་ཏེ་མང་ཚོགས་ལ་སློབ་སྦྱོང་སློབ་གསོ་ལས་བྱུང་བའི་རྣམ་པ་གསར་པ་དང་འགྱུར་ལྡོག་གསར་པ་ཚོར་དུ་འཇུག་དགོས་ཟེར། 

ཤ་བོ་སྐྱབས་ཀྱིས་ནན་གྱིས་བསྟན་དོན། སློབ་སྦྱོང་སློབ་གསོའི་དོན་སྙིང་གལ་ཆེན་ལ་ངོས་འཛིན་གང་ལེགས་བྱས་ནས་སློབ་སྦྱོང་སློབ་གསོའི་སྲོག་ཤིང་གི་དོན་སྙིང་དང་དམིགས་ཡུལ་བླང་བྱ། འགག་རྩའི་ལྷུ་ཚིགས་བཅས་ཁོང་དུ་ཆུད་པར་བྱས་ཏེ་ནམ་ཡང་བྱ་བའི་སྟེང་རིག་པ་དྭངས་གསལ་དང་བློ་བརྟན་འགྱུར་མེད་ཀྱི་ཐོག་ནས་སྤྱོད་ཚུལ་འཛུགས་སྐྱོང་མུ་མཐུད་གཏིང་ཟབ་ཏུ་གཏོང་དགོས། ཚད་གཞི་མཐོན་པོ་དང་སྤུས་ཚད་མཐོན་པོས་སློབ་སྦྱོང་སློབ་གསོ་སྤེལ་དགོས་པ་དང་སློབ་སྦྱོང་ལ་ཞིབ་བཤེར་བཅོས་སྒྱུར་བྱེད་པར་གཞི་གཅིག་ཏུ་སྐུལ་འདེད་བཏང་སྟེ། སློབ་སྦྱོང་ལ་སྤུས་ཚད་ལྡན་པ་དང་ཞིབ་བཤེར་ལ་ནུས་པ་ལྡན་པ། བཅོས་སྒྱུར་ལ་ཕན་འབྲས་ལྡན་པ་བཅས་འགན་ལེན་བྱས་ནས་ཏང་སྲོལ་སྲིད་སྲོལ་སྔར་ལས་དྭངས་གསལ་དང་ཏང་དང་མང་ཚོགས་ཀྱི་འབྲེལ་བ་སྔར་བས་དམ་ཟབ། ལས་བྱེད་པའི་སྤྱོད་ཚུལ་སྔར་བས་གཟབ་ནན། ལམ་སྲོལ་སྔར་བས་འཐུས་ཚང་བཅས་ཡོང་བར་སྐུལ་འདེད་གཏོང་དགོས། རྩ་འཛུགས་མགོ་ཁྲིད་ལ་ཤུགས་སྣོན་དགོས་པ་དང་རིམ་པ་སོ་སོའི་ཏང་ཨུའི(ཏང་ཙུའུ)ཆབ་སྲིད་འགན་འཁྲི་དམ་འཛིན་བྱས་ཏེ་རིམ་པ་དང་རིགས་དབྱེ་ཡི་གནད་འཁེལ་མཛུབ་ཁྲིད་བྱ་རྒྱུར་མཐོང་ཆེན་དང་། དྲིལ་སྒྲོག་ཁྲིད་སྟོན་ལ་ཤུགས་སྣོན་དང་ཕྱི་ཚུལ་རིང་ལུགས་གཏན་འགོག་གང་ཐུབ་བྱས་ཏེ་སློབ་སྦྱོང་སློབ་གསོའི་ཆབ་སྲིད་རང་བཞིན་དང་གཟབ་ནན་རང་བཞིན་འགན་ལེན་བྱས་ཏེ་སློབ་སྦྱོང་སློབ་གསོ་གཏིང་ཟབ་དང་དོན་དངོས་ཐོག་སྤེལ་ཏེ་ཕན་འབྲས་དངོས་ཐོན་རྒྱུར་རྒྱུན་ཆད་མེད་པར་སྐུལ་འདེད་གཏོང་དགོས། སྤྱོད་ཚུལ་བཟང་བོར་བརྟེན་ནས་སྤུས་ཚད་མཐོ་བའི་འཕེལ་རྒྱས་ལ་གཞོགས་འདེགས་བྱེད་པ་དང་། སློབ་སྦྱོང་སློབ་གསོ་སྤེལ་བ་དེ་ཏང་ཀྲུང་དབྱང་གི་ཐབས་ཇུས་བཀོད་སྒྲིག་གལ་ཆེན་དང་ཞིང་ཆེན་ཏང་ཨུའི་བྱ་བའི་བླང་བྱ་ལག་བསྟར་དོན་འཁྱོལ་བྱེད་པ་དང་ཟུང་འབྲེལ་བྱེད་དགོས་ལ། ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ལ་སྐུལ་འདེད་གཏིང་ཟབ་གཏོང་བ་དང་ཟུང་འབྲེལ་བྱས་ཏེ་དམངས་ཕན་བརྩེ་སེམས་ཆགས་པ་དང་འགན་འཁུར་དངོས་སྒྲུབ་བྱེད་ཤུགས་ཆེ་རུ་བཏང་ནས་ནུས་ཤུགས་ཡོད་རྒུས“མཚོ་བྱང་ལྔ”འཛུགས་སྐྲུན་ལ་སྐུལ་འདེད་བཏང་ནས་རྒྱུན་ཆད་མེད་པར་གྲུབ་འབྲས་གསར་པ་ལེན་དགོས་ཟེར།

ཁུལ་རིམ་པའི་མགོ་ཁྲིད་ལས་བྱེད་པ་དང་། ཁུལ་ཨུའི་སྡེ་ཁག་སོ་སོ་དང་ཁུལ་ཐད་གཏོགས་འབྲེལ་ཡོད་ལས་ཁུངས་ཀྱི་རྫོང་རིམ་པ་གཞོན་པ་ཡན་གྱི་ལས་བྱེད་པ་དང་། དེ་བཞིན་རྫོང་སོ་སོ་དང་ཞིང་རའི་ཏང་ཨུའི་ཧྲུའུ་ཅི་བཅས་ཞུགས།

གསར་ཤོས།

སྐད་འཕྲིན་སྤྱི་སྟེགས་ཨང་གྲངས།

微信扫一扫加关注

返回
顶部
移动端 公众号 抖音号 快手号