མཚོ་བྱང་ཁུལ་གྱི་རྒྱལ་ཡོངས་ཁྲལ་བསྡུའི་དྲིལ་སྒྲོག་ཟླ་བ34པ་དངོས་སུ་མགོ་ཚུགས།
ཟླ4པའི་ཚེས1ཉིན། མཚོ་བྱང་ཁུལ་ཁྲལ་དོན་ཅུས་མཚོ་སྔོན་མ་རྡུལ་མཁར་དྲན་གསོའི་ཁང་གི་འཁྲབ་སྟོན་ཁང་དུ་མཚོ་བྱང་ཁྲལ་དོན་གྱི“ཏང་འཛུགས་སྐྱོང+དྲ་མིག་ཅན”གྱི་ཁྲལ་ཁེ་ངོ་འཕྲད་ཞབས་ཞུའི་གན་རྒྱ་འཇོག་པ་དང་རྒྱལ་ཡོངས་ཁྲལ་བསྡུའི་དྲིལ་སྒྲོག་ཟླ་བ34པའི་མགོ་ཚུགས་མཛད་སྒོ་འཚོགས། ཁུལ་དཔོན་གཞོན་པ་ཀརྨ་ཚེ་རིང་གིས་མགོ་ཚུགས་པ་ཁྱབ་བསྒྲགས་བྱས།
རྒྱུས་ལོན་བྱུང་བ་ལྟར་ན། ད་ལོའི་དཔྱ་ཁྲལ་དྲིལ་སྒྲོག་ཟླ་བས“ཁྲལ་བསྡུ·ཁྲིམས་སྐྱོང·དྲང་གཞག”བརྗོད་དོན་གཙོ་བོར་བྱས་པ་དང་། ཁྲལ་དོན་སྡེ་ཚན་གྱིས“ཏང་ཨུས་སྣེ་ཁྲིད་དང་། སྡེ་ཚན་མཉམ་སྦྲེལ། ཀྲི་པུས་ཐད་ཀར་འབྲེལ་གཏུག་བྱེད་པ། མཐུན་སྦྱོར་ཕན་ནུས་ཆེ་བ”ཡི་ལས་ཀའི་བསམ་ཕྱོགས་ལྟར། "ཏང་འཛུགས་སྐྱོང+དྲ་མིག་ཅན”གྱི་ཁྲལ་ཁེ་ངོ་འཕྲད་ཞབས་ཞུའི་རྒྱུན་རྣམ་ཅན་གྱི་ཡུན་ཕན་ལམ་སྲོལ་འཛུགས་རྒྱུ་དང་། དྲ་མིག་ཅན་གྱི་དོ་དམ་དེ་རྨང་གཞི་བྱས་ཏེ། རྩ་འཛུགས་མ་ལག་ནང་གི་ཏང་ཡོན་རྐང་འཛིན་ལས་བྱེད་པ་འཐབ་ཕྱོགས་དང་པོར་ཕྱིན་ཏེ་ཁེ་ལས་ཀྱི་དགོས་མཁོར་གནད་ལ་འཁེལ་བའི་སྒོ་ནས་སྦྲེལ་མཐུད་བྱེད་པ་དང་དུས་མཚུངས་སུ་ཏང་འཛུགས་སྐྱོང་དང་ཁྲལ་བསྡུའི་ལས་སྒོ་མཉམ་འདྲེས་གཏིང་ཟབ་ཏུ་གཏོང་རྒྱུར་སྐུལ་འདེད་གཏོང་བ་དང་། “ཏང་འཛུགས་སྐྱོང+དྲ་མིག་ཅན”གྱི་རྣམ་པ་ཁྱབ་གདལ་བཏང་ནས་སྲིད་ཇུས་དོན་འཁྱོལ་སྔར་ལས་ཕན་ནུས་ལྡན་པ་དང་། ཁྲལ་ཁེ་མཉམ་འགུལ་སྔར་ལས་བདེ་བླག་ཡོང་བ་བྱ་རྒྱུ་རེད།
བྱེད་སྒོའི་ཡུལ་དངོས་སུ་དྲ་མིག་ཅན་གྱི་ཞབས་ཞུའི་འགྲེམ་བྱང་དང་། ཁྲལ་བསྡུའི་དྲིལ་སྒྲོག་ཟླ་བའི་བྱེད་སྒོ་ངོ་སྤྲོད་འགྲེམ་པང་། ཏང་འཛུགས་སྐྱོང་དྲིལ་སྒྲོག་འགྲེམ་པང་བཅས་ཞིབ་ཚགས་བཀོད་སྒྲིག་བྱས་ཡོད་ལ། གནད་ལ་འཁེལ་ཞིང་ཞིབ་ཚགས་པའི་ཆ་འཕྲིན་དྲིལ་སྒྲོག་ལ་བརྟེན་ནས་བྱེད་སྒོའི་རྣམ་པ་ཇེ་ལེགས་སུ་བཏང་ཡོད། བྱེད་སྒོའི་སྐབས་སུ། གཙོ་གནད་ཁེ་ལས་དང《མཚོ་བྱང་ཁྲལ་དོན་གྱི“ཏང་འཛུགས་སྐྱོང+དྲ་མིག་ཅན”གྱི་ཁྲལ་ཁེ་ངོ་འཕྲད་ཞབས་ཞུའི་གྲོས་མཐུན》བཞག་པ་དང་། ཡུལ་དངོས་སུ “དྲ་མིག་ཞབས་ཞུའི་འབྲེལ་གཏུག་བྱང་བུ”སྤྲད་ནས་རྒྱུན་རྣམ་ཅན་གྱི་ཞབས་ཞུའི་ལམ་སྲོལ་ཁ་གསལ་བཟོས་ཡོད། “ཏང་འཛུགས་སྐྱོང+དྲ་མིག་ཅན”གྱི་ཁྲལ་ཁེ་ངོ་འཕྲད་བཞུགས་མོལ་ལྷུ་ཚིགས་ལ་དོ་སྣང་ཆེན་པོ་བྱེད་ཀྱིན་ཡོད། ཁུལ་ཁྲལ་དོན་ཅུས་ཚོགས་འདུའི་ནང་ཞུགས་པའི་ཁེ་ལས་ཀྱི་འཐུས་མིས་བཏོན་པའི་ཁྲལ་དང་འབྲེལ་བ་ཡོད་པའི་གནད་དོན་ལ་དམིགས་ནས་དྲི་བ8ལ་ལན་བཏབ་སྟེ་ཁེ་ལས་གྱི་དངོས་ཡོད་དཀའ་ངལ་ཐག་གཅོད་ནུས་ལྡན་བྱས། བཞུགས་མོལ་ཚོགས་འདུ་གྲོལ་རྗེས། ཁྲལ་དོན་ལས་བྱེད་པས་ཁེ་ལས་ལ་ཤོག་བུའི་འདྲི་ཤོག་སྤྲད་ནས་ཁེ་ལས་ཀྱི་ཁྲལ་དོན་ཞབས་ཞུའི་ལེགས་བཅོས་བསམ་འཆར་རྒྱ་ཁྱབ་ཏུ་བསྡུ་རུབ་བྱས། མཛད་སྒོ་མཇུག་གྲིལ་རྗེས་ད་དུང་ཁྲལ་ཁེ་མཉམ་འབྲེལ་གྱི་ཏང་གི་གཙོ་དོན་ཉིན་མོའི་བྱ་འགུལ་སྤེལ།
མཚོ་བྱང་ཁྲུན་ཧྥ་རྣམ་པ་གསར་པའི་འཛུགས་སྐྲུན་རྒྱུ་ཆ་ཚད་ཡོད་སྤྱི་གཉེར་གྱི་ནོར་དོན་འགན་འཁུར་བ་ཧྥུན་ཡན་གྱིས་བཤད་རྒྱུར། “ད་ཐེངས་ཀྱི་བྱེད་སྒོའི་ནང་བཏོན་པའི‘ཏང་འཛུགས་སྐྱོང+དྲ་མིག་ཅན’གྱི་ཁྲལ་ཁེ་ངོ་འཕྲད་ཞབས་ཞུ་དངོས་གནས་ཡག་པོ་འདུག དེ་སླད་ཕྱིན་ལས་སྒོའི་ཁྲོད་འཕྲད་སྲིད་པའི་རང་སོའི་ཁྱད་ཆོས་ལྡན་པའི་ཁྲལ་དང་འབྲེལ་བ་ཡོད་པའི་རེ་བ་སྣ་ཚོགས་ཐག་གཅོད་བྱ་རྒྱུར་སྟབས་བདེ་ཡོད་པ་མ་ཟད། ང་ཚོ་དང་ཁྲལ་དོན་སྡེ་ཚན་དབར་གྱི་བར་ཐག་དེ་བས་ཇེ་ཉེ་རུ་བཏང་བས། ལས་ཕྱོད་ཆེ་བའི་ཞབས་ཞུ་དེ་རིགས་ལ་ང་ཚོ་ཧ་ཅང་ཡིད་ཚིམ་པ་དང་། ང་ཚོའི་ཡིད་ཆེས་ཀྱང་དེ་བས་ཆེ་རུ་ཕྱིན་ཡོད”ཅེས་བཤད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注