ཤ་བོ་སྐྱབས་ཀྱིས་ལོ་སར་དུས་ཆེན་རིང་གི་བདེ་འཇགས་ཐོན་སྐྱེད་བྱ་བར་ལྟ་སྐུལ་ཞིབ་བཤེར་བྱས།
ཉེ་ཆར། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་འཐབ་ཕྱོགས་དང་པོའི་བྱ་བའི་བཅའ་ཁྲིམས་དང་གནད་དོན་ཕྱོགས་སྟོན་རྒྱུན་འཁྱོངས་བྱས་ཏེ་མདའ་བཞི་རྫོང་ནུབ་མཚོ་ཞིང་ལས་ཉོ་ཚོང་ཁྲོམ་ར་དང་ནུབ་མཚོ་ཕྱོགས་བསྡུས་གོང་སྙོམ་ཚོང་ཁྲོམ། ནུབ་མཚོ་རང་འབབ་ཆུའི་བཟོ་གྲྭ་བཅས་སུ་བསྐྱོད་ནས་ལོ་གསར་དུས་ཆེན་རིང་ཁྲོམ་རའི་དངོས་ཟོག་འགན་ལེན་དང་བཟའ་བཅའི་བདེ་འཇགས། བདེ་འཇགས་ཐོན་སྐྱེད། ཆུ་མཁོ་འདོན་འགན་ལེན་སོགས་གཙོ་གནད་བྱ་བར་བརྟག་དཔྱད་ཞིབ་འཇུག་བྱས།
ནུབ་མཚོ་ཞིང་ལས་ཉོ་ཚོང་ཁྲོམ་ར་དང་ནུབ་མཚོ་ཕྱོགས་བསྡུས་གོང་སྙོམ་ཚོང་ཁྲོམ་དུ་ཤ་བོ་སྐྱབས་ཀྱིས་ལོ་སར་གྱི་ཚོང་ཟོག་ཉོ་བར་ཡོང་བའི་མང་ཚོགས་དང་ཁྲོམ་རའི་ཚོང་པར་བརྗེ་རེས་གཏིང་ཟབ་བྱས་ཏེ་མང་ཚོགས་ཀྱི་ལོ་སར་ཉོ་སྒྲུབ་དགོས་མཁོ་དང་སྒེར་གཉེར་ཚོང་ཁང་གི་ཕྱིར་ཚོང་གནས་ཚུལ་ལ་རྒྱུས་ལོན་དང་ཚོང་རའི་མེ་གསོད་སྒྲིག་ཆས་ལ་ཞིབ་བཤེར་ཞིབ་ཕྲ་བྱས་ཏེ་ཟས་རིགས་བདེ་འཇགས་དང་མེ་གསོད་བདེ་འཇགས་སོགས་ཀྱི་བྱ་བའི་གནས་ཚུལ་ལ་རྒྱུས་ལོན་ནན་ཏན་བྱས། ཁོས་བསྟན་དོན། ལོ་སར་དུས་ཆེན་གྱི་ཉིན་སྔོན་མ་ནི་མང་ཚོགས་ཀྱིས་ལོ་སར་དངོས་ཟོག་ཉོ་བ་དང་གཅིག་སྡུད་ངང་ཕྱིར་སྐྱོད་བྱེད་ཚད་མང་བའི་དུས་སྐབས་ཡིན་པས། གྲོང་ཁྱེར་ལྟ་སྐུལ་དང་བཟོ་འཕྲིན། འཕྲལ་སྡོམ། མེ་གསོད་བདེ་འཇགས་སོགས་སྡེ་ཁག་གིས་ཞབས་ཞུའི་འགན་ལེན་དང་འཕྲལ་སྡོམ་བྱ་བར་ཁྱོན་ཡོངས་ནས་ནུས་ཤུགས་ཡོད་རྒུས་འགན་ལེན་གང་ལེགས་བྱེད་དགོས། གཅིག་ནས་ཁྲོམ་རའི་དངོས་རྫས་འགན་སྲུང་བྱ་བ་ཏན་ཏིག་ལེགས་པར་སྒྲུབ་དགོས། “ཚལ་སླེ”དང“འབྲས་ཁུག” “ཤ་འཐག་ས” “སིལ་སྡེར”ལ་དམིགས་ཏེ་ཐབས་ལམ་མང་པོའི་ཐོག་ནས་ཚོང་ཟོག་འདང་ངེས་གྲ་སྒྲིག་དང་བདེ་འཇགས་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་བ། རིན་གོང་ལྟ་ཞིབ་ཚད་ལེན་བྱེད་ཤུགས་ཆེ་རུ་གཏོང་བ། ཁྲོམ་རའི་གཉེར་སྐྱོང་སྔར་བས་ཚད་ལྡན་དུ་གཏོང་བ་བཅས་བྱས་ཏེ་ལོ་སར་དུས་ཆེན་རིང་དངོས་རྫས་སྣ་ཚོགས་ཀྱི་གྲངས་འབོར་འདང་ངེས་དང་རིན་གོང་ངེས་གཏན། སྤུས་ལེགས་བཅས་ཡོང་བའི་འགན་ལེན་བྱ་དགོས། མང་ཚོགས་ཀྱི“ཟས་རིགས་བདེ་འཇགས”འགན་སྲུང་ཏན་ཏིག་བྱ་དགོས། གཉིས་ནས“མི་དམངས་བླ་ན་མེད་པ་དང་ཚེ་སྲོག་བླ་ན་མེད་པའི”འདུ་ཤེས་རྒྱུན་འཁྱོངས་བྱས་ཏེ། དུས་དང་རྣམ་པ་ཀུན་ཏུ་བདེ་འཇགས་ཐོན་སྐྱེད་ཀྱི་སྐུད་པ་དམ་དུ་བསྒྲིལ་ནས་ཁོངས་གཏོགས་དོ་དམ་འགན་འཁྲི་དང་སྡེ་ཁག་ལྟ་སྐུལ་དོ་དམ་འགན་འཁྲི། ཁེ་ལས་གཙོ་བོའི་འགན་འཁྲི་བཅས་དམ་ཟབ་བྱས་ཏེ་བདེ་འཇགས་ཀྱི་མངོན་མེད་ཉེན་ཁ་ཞིབ་བཤེར་བྱེད་ཤུགས་ཆེ་རུ་གཏོང་བ་དང་། མི་མངོན་པའི་ཉེན་ཁ་ཞིབ་བཤེར་གཏིང་ཟབ་དང་ཞིབ་ཕྲ་བྱས་ཏེ་ཁྱོན་ཡོངས་ནས་སྔོན་འགོག་དང་སེལ་ཐབས་དོན་འཁྱོལ་བྱ་དགོས། མེ་གསོད་བདེ་འཇགས་གསོ་སྦྱོང་ལ་ཤུགས་བསྣན་ནས་འཕྲལ་སྡོམ་ཐག་གཅོད་ནུས་པ་ཆེ་རུ་བཏང་སྟེ་མང་ཚོགས་ལ་བདེ་འཇགས་དང་སྐྱིད་སྣང་གི་ཉོ་སྒྲུབ་ཁོར་ཡུག་མཁོ་འདོན་བྱ་དགོས། གསུམ་ནས་ལས་རེས་བརྟན་སྲུང་ཤུགས་སྣོན་བྱས་ཏེ་ཆུ་ཚོད24ལ་ཆེད་མངགས་ལས་རེས་དང་མགོ་ཁྲིད་ལས་བྱེད་པས་ལས་གནས་སུ་ལས་ཁྲིད་བྱེད་པ་དང་ཕྱི་བསྐྱོད་སྙན་སེང་ཞུ་བ་སོགས་ཀྱི་ལམ་ལུགས་དོན་འཁྱོལ་ནན་མོ་བྱས་ཏེ། དུས་དང་རྣམ་པ་ཀུན་ཏུ་འཕྲིན་ཐུང་ཤར་གཏོང་ཐུབ་པ་དང་མཐུན་སྦྱོར་བཀོད་གཏོང་ཐུབ་པ། ཆ་འཕྲིན་ཡར་སྤྲོད། འཕྲལ་སྡོམ་ཐག་གཅོད་སོགས་ཀྱི་བྱ་བ་ཡག་པོ་སྒྲུབ་སྟེ་ཐོལ་བྱུང་དོན་རྐྱེན་སོགས་མགྱོགས་མྱུར་ངང་ཐག་གཅོད་ཐུབ་པར་འགན་ལེན་བྱས་ནས་མི་དམངས་མང་ཚོགས་ལ་བདེ་འཇགས་དང་བག་ལྷོད་པོའི་ལོ་གསར་དུས་ཆེན་ཞིག་རོལ་དུ་འཇུག་པར་ནུས་ཤུགས་ཡོད་རྒུ་འདོན་དགོས་ཟེར།
ནུབ་མཚོ་རང་འབབ་ཆུའི་བཟོ་གྲྭ་རུ་ཤ་བོ་སྐྱབས་ཀྱིས་ཁེ་ལས་ཀྱི་འགན་འཁུར་བ་དང་བརྗེ་རེས་གཏིང་ཟབ་བྱས་ཏེ་ལས་སྒོའི་ཁང་པ་དང་ཞིབ་དཔྱད་སྒྲིག་ཆས་སོགས་ཀྱི་གནས་ཚུལ་ལ་ཡུལ་དངོས་ནས་ལྟ་ཞིབ་བྱས། ཆུ་སྤུས་ཞིབ་དཔྱད་ཚད་ལེན་རྫས་འགྱུར་ཞིབ་དཔྱད་ཁང་དང་བཀོད་གཏོང་ལྟེ་གནས་སོགས་སུ་བསྐྱོད་ནས་ལས་གནས་བརྟན་སྲུང་བྱེད་པའི་འཐབ་ཕྱོགས་དང་པོའི་ལས་བཟོ་པར་ལྷག་བསམ་ཟོལ་མེད་ཀྱི་འཚམས་འདྲི་དང་ལོ་སར་གྱི་སྨོན་འདུན་ཞུས། ཚང་མར་བྱམས་བརྩེའི་གླེང་མོལ་བྱས་ཏེ་ལོ་སར་དུས་ཆེན་རིང་ལས་རེས་དང་སྦུག་དྲ་འཁོར་སྐྱོད། ཉིན་རེར་ཆུ་མཁོ་འདོན་བྱེད་པ། ཆུ་སྤུས་ཞིབ་དཔྱད་ཚད་ལེན་དང་གཙང་འགྱུར་སོགས་ཀྱི་བྱ་བའི་གནས་ཚུལ་ལ་རྒྱུས་ལོན་ཞིབ་ཕྲ་བྱས་པར་མ་ཟད་ལོ་གཅིག་རིང་ཆུ་མཁོ་འདོན་བྱ་བར་ཐོབ་པའི་གྲུབ་འབྲས་ལ་ཁས་ལེན་གང་ལེགས་བྱས། ཁོས་བསྟན་དོན། ལོ་སར་དུས་ཆེན་ནི་སྲོལ་རྒྱུན་དུས་ཆེན་གལ་ཆེ་ཤོས་ཡིན་པའི་ངོས་ནས་ཕ་ཡུལ་དུ་ལོག་མཁན་མང་དུ་ཕྱིན་པ་དེ་ནི་མང་ཚོགས་ཀྱི་ཆུ་སྤྱོད་ཚད་མཐོ་ཤོས་ཤིག་རེད། ཞབས་ཞུའི་འགན་སྲུང་དམ་འཛིན་ཏན་ཏིག་བྱས་ཏེ་ཆུ་མཁོ་འདོན་གྱི་འབྲེལ་ཐག་ཡོངས་ལ་དམ་པོར་དོ་སྣང་བྱས་ཏེ་ཆུ་སྤུས་ཞིབ་དཔྱད་ཚད་ལེན་དང་ལྟ་སྐུལ་དོ་དམ་བྱེད་ཤུགས་ཆེ་རུ་བཏང་ནས་ཆུ་མཁོ་འདོན་གྱི་གནས་ཚུལ་དུས་ཐོག་ཏུ་གནད་ལ་འཁེལ་བའི་སྒོ་ནས་བཀོད་གཏོང་བྱ་དགོས། ལས་རེས་ལམ་ལུགས་དོན་འཁྱོལ་ནན་མོ་བྱས་ཏེ་ཞབས་ཞུའི་ཐད་སྦྲེལ་ཁ་པར་དང་ལྟ་སྐུལ་ཁ་པར་ཤར་གཏོང་ཐུབ་པ། མང་ཚོགས་ཀྱིས་བཏོན་པའི་ཆུ་མཁོ་འདོན་གྱི་གནད་དོན་འཕྲལ་མར་ཐག་གཅོད་བྱ་དགོས། ཆུ་གྲོན་ཆུང་གི་ཤེས་བྱ་དྲིལ་སྒྲོག་བྱེད་ཤུགས་ཆེ་རུ་བཏང་ནས་ཆུ་གྲོན་ཆུང་དང་ཆུ་གཅེས་སྐྱོང་བྱེད་པའི་རྣམ་པ་ཟབ་མོ་བསྐྲུན་ཏེ་སྤུས་ཚད་མཐོ་བའི་སྒོ་ནས་ཆུ་མཁོ་འདོན་བྱས་ཏེ་སྤུས་ཚད་མཐོ་བས་མང་ཚོགས་ཀྱི་འཚོ་བར་ཞབས་འདེགས་ཞུ་དགོས། དེ་དང་ཆབས་ཅིག་རྒྱལ་གཉེར་གཉིས་གཉིས་གཅིག་བཟོ་གྲྭའི་བཟོ་ཁུལ་བཅོ་ལྔ་པའི（རང་འབབ་ཆུ་བཟོ་གྲྭ）རིག་དངོས་སྲུང་སྐྱོབ་དང་བེད་སྤྱོད་བྱ་བ་ཡག་པོ་སྒྲུབ་དགོས་ཟེར།
ཁུལ་ཨུའི་རྒྱུན་ཨུའམ་དྲུང་ཡིག་ཆེན་མོ་ཚོ་ཅི་ཆང་དང་། མདའ་བཞི་རྫོང་ཨུ་དང་རྫོང་སྲིད་གཞུང་གི་འགན་འཁུར་བློ་མཐུན་གཙོ་བོས་ཕེབས་རོགས་བྱས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注