ཁུལ་ཨུའི་རྒྱུན་ལས་ཨུ་ལྷན་གྱིས་ཚོགས་འདུ་འཚོགས་པ།

ཁུལ་ཨུའི་རྒྱུན་ལས་ཨུ་ལྷན་གྱིས་ཚོགས་འདུ་འཚོགས་པ།

ཟླ1པོའི་ཚེས13ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱི་མངགས་བཅོལ་ལྟར། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་གྱིས་ཁུལ་ཨུའི་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས84པ་གཙོ་སྐྱོང་བྱས་ནས་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་དང་མཛུབ་སྟོན་གྱི་དགོངས་དོན་བརྒྱུད་སྒྲོག་དང་སློབ་སྦྱོང་བྱས་པ་དང་། འབྲེལ་ཡོད་བྱ་བའི་སྙན་ཞུར་ཉན་ཞིང་འབྲེལ་ཡོད་དོན་དག་ལ་གྲོས་ཞིབ་བྱས། 

ཚོགས་འདུའི་ཐོག་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྐབས་ཉི་ཤུ་པའི་ཀྲུང་དབྱང་སྒྲིག་ཨུའི་ཚང་འཛོམས་གྲོས་ཚོགས་ཐེངས་བཞི་པའི་སྟེང་གནང་བའི་གསུང་བཤད་གལ་ཆེན་ལ་སློབ་སྦྱོང་གཏིང་ཟབ་བྱེད་དགོས་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་འབྲེལ་ཡོད་ཏང་གིས་རང་ངོས་གསར་བརྗེ་སྐོར་གྱི་དགོངས་པ་གལ་ཆེན་གྱི་ཉིང་བཅུད་ལ་གོ་བ་གཏིང་ཟབ་བླངས་ནས་ནམ་ཡང་ལམ་དུ་ཡོད་པའི་རིག་པ་དྭངས་གསལ་དང་བློ་བརྟན་འགྱུར་མེད་ལ་བརྟེན་ནས་གཞི་གདངས་ནན་མོ་དང་བྱེད་ཐབས་ནན་མོ། ངང་ཚུལ་ནན་མོ་བཅས་ཡུན་རིང་རྒྱུན་འཁྱོངས་བྱས་ཏེ་ཕྱོགས་ཡོངས་ནས་ཏང་ནན་གྱིས་སྐྱོང་བ་གཏིང་ཟབ་ཏུ་སྤེལ་བར་སྐུལ་འདེད་གཏོང་དགོས། རུལ་སུངས་ལ་ངོ་རྒོལ་བྱེད་པའི་དམ་བསྒྲགས་རྣམ་པ་ཐོག་མཐའ་བར་གསུམ་དུ་རྒྱུན་འཁྱོངས་དང་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་གྲུབ་འབྲས་སྲ་བརྟན་དུ་གཏོང་བ། མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་ཆེད་དམིགས་བཅོས་སྒྲིག་རྒྱུན་མཐུད་གཏིང་ཟབ་ཏུ་སྤེལ་དགོས། དངུལ་རྩ་དང་མེ་ཟོན། སྨན་བཅོས། བཟོ་སྐྲུན་འཛུགས་སྐྲུན། འོས་སྐུལ་འོས་དཔོད་སོགས་ཁྱབ་ཁོངས་ཀྱི་མ་ལག་བཅོས་སྒྲིག་གཙོ་གནད་དུ་བཟུང་ནས་དམ་འཛིན་ཡག་པོ་བྱེད་ནས། མ་ལག་རང་བཞིན་གྱི་རུལ་སུངས་ཉེན་ཁའི་མངོན་མེད་རྐྱེན་ངན་གཙང་སེལ་མཐའ་གཅིག་ཏུ་བྱེད་དགོས། ཞིང་ཆེན་ཏང་ཨུའི་སྐོར་ཞིབ་ཚུར་ལན་བསམ་འཆར་དག་ཐེར་བྱ་བར་དམ་འཛིན་ཡག་པོ་བྱ་རྒྱུར་མཐོང་ཆེན་བྱས་ཏེ། དག་ཐེར་བྱ་བ་ཇི་མ་ཇི་བཞིན་དམ་འཛིན་ཡག་པོ་བྱེད་པ་དང་སྤུས་ཚད་མཐོ་བའི་སྒོ་ནས་ཁུལ་ཨུའི་རེས་སྐོར་དྲུག་པའི་སྐོར་ཞིབ་བྱ་བའི་ལས་འགན་དོན་འཁྱོལ་ཡག་པོ་བྱས་ཏེ། སྐོར་ཞིབ་ནུས་པ་འདོན་སྤེལ་ཏན་ཏིག་བྱེད་དགོས་ཟེར།

ཚོགས་འདུའི་ཐོག་ནན་གྱིས་བསྟན་དོན། ཀྲུང་དབྱང་ཆབ་སྲིད་ཅུས་ཀྱི་དམངས་གཙོ་འཚོ་བའི་ཚོགས་འདུའི་དགོངས་དོན་ལ་སློབ་སྦྱོང་གཏིང་ཟབ་བྱས་ཏེ་ཏང་ཀྲུང་དབྱང་གི་གཅིག་སྡུད་གཅིག་གྱུར་གྱི་མགོ་ཁྲིད་ལ་སྲུང་སྐྱོང་མཐའ་གཅིག་ཏུ་བྱེད་དགོས་པ་དང་། "གཏན་འཁེལ་གཉིས"ཀྱི་ཐག་གཅོད་རང་བཞིན་གྱི་དོན་སྙིང་ལ་སྔར་བས་གོ་བ་གཏིང་ཟབ་བླངས་ནས"སྲུང་སྐྱོང་གཉིས"མཐའ་གཅིག་ཏུ་སྒྲུབ་ཐུབ་པ་དང་། རང་རྟོགས་ཀྱིས་བསམ་བློ་དང་ཆབ་སྲིད། བྱ་སྤྱོད་བཅས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་ཚད་གཞི་དང་གཅིག་གྱུར་ཡོང་བར་བྱེད་དགོས། ཀྲུང་དབྱང་ཆབ་སྲིད་ཅུས་ཀྱི་དམངས་གཙོ་འཚོ་བའི་ཚོགས་འདུར་དཔེ་བསྡུར་བྱས་ནས་གླེང་མོལ་བརྗེ་རེས་གཏིང་ཟབ་བྱེད་དགོས་པ་དང་། གནད་དོན་ལ་ཐད་ཀར་ཞིབ་ལྟ་དང་དབྱེ་ཞིབ་བྱེད་པ། ལྷག་བསམ་ཟོལ་མེད་ཀྱིས་ཕན་ཚུན་སྐྱོན་བརྗོད་བྱེད་པ། དག་ཐེར་དོན་འཁྱོལ་དེ་རྒྱུན་རྣམ་དང་ཕུགས་ཕན་བྱས་ཏེ། སྤུས་ཚད་མཐོ་བའི་སྒོ་ནས་ཁུལ་ཨུའི་རྒྱུན་ལས་ཨུ་ལྷན་གྱི་ཚན་ཁག་དང་རིམ་པ་སོ་སོའི་དམངས་གཙོ་འཚོ་བའི་ཚོགས་འདུ་ལེགས་པོ་འཚོག་དགོས། ཕྱོགས་ཡོངས་ནས་ཏང་ནན་གྱིས་སྐྱོང་བའི་ཆབ་སྲིད་ཀྱི་འགན་འཁྲི་དོན་འཁྱོལ་ཡག་པོ་བྱས་ཏེ"ལས་གནས་གཅིག་ལ་འགན་འཁྲི་གཉིས"རྒྱུན་འཁྱོངས་ཀྱིས་གཞི་གདངས་ནན་མོའི་ཐོག་ནས་སྤྱོད་གཙང་སྒྲིག་ནན་གྱིས་རུལ་སུངས་ལ་ངོ་རྒོལ་བྱ་རྒྱུ་རྒྱུན་མཐུད་ངང་གཏིང་ཟབ་ཏུ་བཏང་སྟེ། རུལ་མི་ཕོད་པ་དང་རུལ་མི་ནུས་པ། རུལ་མི་འདོད་པ་བཅས་བྱེད་དགོས་ཟེར།

ཚོགས་འདུའི་ཐོག་བསྟན་དོན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གི་ཉིས་སྟོང་ཉེར་ལྔ་ལོའི་ལོ་སར་ཤེས་ཚིག་གི་དགོངས་དོན་ལ་སློབ་སྦྱོང་དང་ལག་བསྟར་གཏིང་ཟབ་བྱས་ནས། "ཕུགས་འདུན་ནི་རྒྱང་ཐག་རིང་ཡང་། དེ་དོན་དུ་གཉེར་ན་འགྲུབ་པར་ངེས། འདུན་པ་ནི་འགྲུབ་པར་དཀའ་ཡང་། དེ་རྒྱུན་འཁྱོངས་བྱས་ན་མངོན་འགྱུར་ཐུབ།"ཅེས་པའི་མངག་བཅོལ་དང་རེ་བ་ནན་མོ་ཡིད་ལ་བརྟན་པོར་བཅངས་ནས་ཏང་གི་སྐབས་ཉི་ཤུ་བའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་ཕྱོགས་ཡོངས་ནས་ལག་བསྟར་བྱས་ཏེ། བརྟན་ཐོག་ཡར་འཕེལ་གྱི་བྱ་བའི་སྤྱིའི་གདངས་གཞི་རྒྱུན་འཁྱོངས་བྱེད་པ་དང་། འཕེལ་རྒྱས་ཀྱི་འདུ་ཤེས་གསར་བ་ཆ་ཚང་ཡིན་ལ་གནད་ལ་འཁེལ་བ། ཁྱོན་ཡོངས་ནས་ལག་བསྟར་བྱེད་དགོས། སེམས་ནུས་གཅིག་སྒྲིལ་གྱིས་བརྟན་ལྷིང་འགན་ལེན་དང་འཕེལ་རྒྱས་དོན་གཉེར། བཅོས་བསྒྱུར་ལ་སྐུལ་འདེད་གཏོང་བ་བཅས་བྱས་ཏེ། གོམ་པ་རེ་རེས་ཏང་ཀྲུང་དབྱང་དང་ཞིང་ཆེན་ཏང་ཨུའི་ཐབས་ཇུས་དང་བཀོད་སྒྲིག་གལ་ཆེན་དོན་ཐོག་ཏུ་འཁྱོལ་བ་དང་ཕན་འབྲས་ཐོན་པར་བྱེད་དགོས་ཟེར།

ཚོགས་འདུའི་ཐོག་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་ལྗོངས་གཞིས་ཀ་རྩེ་དིང་རི་རྫོང་དུ་རིམ་པ6.8ཅན་གྱི་ས་ཡོམ་བྱུང་བའི་ཐད་གནང་བའི་མཛུབ་སྟོན་གྱི་དགོངས་དོན་ལ་སློབ་སྦྱོང་གཏིང་ཟབ་བྱེད་དགོས་པ་དང་། ཞིང་ཆེན་ཡོངས་ཀྱི་དཔྱིད་གསར་དུས་ཆེན་སྔ་རྗེས་ཀྱི་བདེ་འཇགས་ཐོན་སྐྱེད་དང་སྤྱི་ཚོགས་བརྟན་ལྷིང་བྱ་བའི་ཚོགས་འདུའི་བཀོད་སྒྲིག་ཁྱོན་ཡོངས་ནས་དོན་འཁྱོལ་བྱས་ཏེ། ཁྱབ་ཁོངས་སོ་སོའི་ཉེན་ཁའི་མངོན་མེད་རྐྱེན་ངན་གྲལ་བཤེར་གཏིང་ཟབ་བྱེད་པ་དང་མཁོ་བསྟུན་སྔོན་ཇུས་སྣ་ཚོགས་འཐུས་ཚང་དུ་བཏང་ནས་ཕྱོགས་བསྡུས་བཅོས་སྐྱོང་བྱ་བའི་ལམ་སྲོལ་རྒྱུན་མཐུད་ངང་འཐུས་ཚང་དུ་གཏོང་བ། མགོ་ཁྲིད་ཀྱིས་ལས་རེས་སྣེ་ཁྲིད་དང་ཆུ་ཚོད24ཡི་ལས་རེས་ལམ་ལུགས་ལག་བསྟར་ནན་མོ་བྱས་ཏེ། གནོད་འཚེའི་རང་བཞིན་གྱི་གནམ་གཤིས་ལྟ་ཞིབ་ཚད་ལེན་དང་སྔོན་བརྡ་གཏོང་བ། ཉེན་ཁ་གསལ་འདེབས་བྱས་ཏེ། མི་དམངས་མང་ཚོགས་ཀྱི་ཚེ་སྲོག་དང་། རྒྱུ་ནོར་གྱི་བདེ་འཇགས་དང་སྤྱི་ཚོགས་ཁྱོན་ཡོངས་འཆམ་མཐུན་བརྟན་ལྷིང་ཡོང་རྒྱུར་ནུས་ཤུགས་ཡོད་རྒུས་སྲུང་སྐྱོང་བྱེད་དགོས་ཟེར། 

ཚོགས་འདུའི་ཐོག་ནན་གྱིས་བསྟན་དོན། ཞིང་ཆེན་ཏང་ཨུའི་ཧྲུའུ་ཅི་གཞོན་པའམ་ལས་ཚབ་ཧྲིན་ཀྲང་ལོ་ཏུང་ཁྲོན་གྱིས་རྐང་ཚ་རྫོང་དུ་བརྟག་ཞིབ་སྐབས་གནང་བའི་གསུང་བཤད་ཀྱི་དགོངས་དོན་ལ་སློབ་སྦྱོང་གཏིང་ཟབ་བྱེད་པ་དང་། མཚོ་སྔོན་པོའི་སྐྱེ་ཁམས་ཀྱི་ལེགས་ཆ་དང་ཡུལ་སྐོར་ཐོན་ཁུངས་ལ་བརྟེན་ནས་མཐའ་འཁོར་གྱི་ཡུལ་སྐོར་རྨང་གཞིའི་སྒྲིག་བཀོད་ཞན་པ་དང་དྲིལ་སྒྲོག་འོས་སྦྱོར་སོགས་ཀྱི་འགག་རྩའི་དཀའ་གནད་ནུས་ཤུགས་ཡོད་རྒུས་སེལ་ནས་མཚོ་སྐོར་ཡུལ་སྐོར་ཁྲོམ་རའི་འགྲན་རྩོད་ནུས་པ་རྒྱུན་ཆད་མེད་པར་ཆེ་རུ་གཏོང་དགོས། སྐྱེ་ཁམས་སྲུང་སྐྱོབ་དང་ཡུལ་སྐོར་འཕེལ་རྒྱས། དམངས་འཚོ་འགན་ལེན་གསུམ་དབར་གྱི་འབྲེལ་བ་ཐག་གཅོད་ཡང་དག་བྱས་ཏེ། མཚོ་སྐོར་ས་ཁོངས་ཀྱི་གད་སྙིགས་གནོད་མེད་ཅན་དང་བཙོག་ཆུ་ཚད་ལྡན་ཅན་དུ་གཙང་སེལ་བྱ་རྒྱུར་ཁྱོན་ཡོངས་ནས་ཤུགས་སྣོན་པ་དང་སྐྱེ་ཁམས་ཁོར་ཡུག་མ་ལག་བཅོས་སྐྱོང་ལ་རྒྱུན་མཐུད་ངང་སྐུལ་འདེད་བཏང་ནས་དཔེ་སྟོན་ཁུལ་གཏོད་པའི་གྲུབ་འབྲས་སྲ་བརྟན་དང་མཐོ་རུ་གཏོང་དགོས། མཚོ་སྔོན་པོའི་མཚོ་ཆུ་རྒྱས་པའི་རྐྱེན་གྱིས་རྩྭ་ར་དང་ཁང་བ་སོགས་མང་ཚོགས་ཀྱི་ཐོན་སྐྱེད་དང་འཚོ་བར་ཤུགས་རྐྱེན་ཐེབས་པའི་གནས་ཚུལ་མཐིལ་རྟོགས་གཏིང་ཟབ་བྱས་ཏེ། ཉེན་གཡོལ་གནས་སྤོ་བྱ་རྒྱུར་སྐུལ་འདེད་ཏན་ཏིག་གཏོང་བ་དང་བདེ་འཇགས་འགན་ལེན་གྱི་བྱ་ཐབས་དོན་འཁྱོལ་ཡག་པོ་བྱས་ནས། རོང་འབྲོག་མང་ཚོགས་བདེ་སྡོད་དང་བློ་བདེ་ཡོང་བར་བྱེད་དགོས་ཟེར།