མདའ་བཞི་རྫོང་གིས་ལས་ཞུགས་རོགས་སྐྱོར་ཟླ་བའི་ལས་ཞུགས་གདན་འགུག་ཆེད་དོན་བྱེད་སྒོ་སྤེལ་བ།

གཞི་གྲངས་ཆེན་མོ་དང་ཡུལ་དངོས་འདྲི་རྟོགས་ཟུང་འབྲེལ་ཀྱི་བྱེད་ཐབས་སྤྱད་དེ་ལས་ཞུགས་དཀའ་ངལ་ཡོད་པའི་མི་སྣ་དང་ལོ་ན་མཐོ་བ། དབང་སྐྱོན་ཅན། ལས་ཤོར་མི་སྣར་ཕྱོགས་ཡོངས་ནས་མ་མཐའི་གྲངས་ཀ་གསལ་བོ་དང་ལས་ཞུགས་ཀྱི་འདོད་བློ་གསལ་བ། ཞབས་ཞུའི་དགོས་མཁོ་གསལ་བ་སོགས་ལ་རྩད་ཞིབ་བྱས་པ་དང་། མི་སྣ་རྩ་འཛུགས་བྱས་ཏེ་ཁྱིམ་ཚང་དུ་སོང་ནས་འཚམས་འདྲི་དང་ལས་ཞུགས་སྲིད་ཇུས་སྒྲོག་འགྲེལ་བྱེད་པ། ལས་རིགས་ངོ་སྤྲོད་དང་སེམས་ཁམས་ལམ་སྟོན་སོགས་ཀྱི་ཞབས་ཞུ་མཁོ་སྤྲོད་བྱས། ལས་ཞུགས་ཀྱི་དཀའ་ངལ་ཅུང་ཆེ་བ་དང་སེམས་ཁམས་མི་བདེ་བའི་མི་སྣ་གཙོ་གནད་རོགས་སྐྱོར་བྱ་ཡུལ་གྱི་མིང་ཐོའི་ནང་དུ་བཅུག་ནས་དུས་ཚོད་ལྟར་རྗེས་སྙེག་འདྲི་རྟོགས་བྱས་ཏེ་ལས་ཞུགས་དཀའ་ངལ་ཡོད་པའི་མི་སྣར་ཞབས་ཞུའི་རོགས་འདེགས་བྱས།

ཧུར་ཐག་གིས་རྫོང་ནང་ཁུལ་གྱི་ལས་ཁུངས་དང་ཁེ་ལས་ལ་འབྲེལ་གཏུག་བྱས་ཏེ། རོགས་སྐྱོར་བྱ་ཡུལ་གྱི་འཇོན་ཐང་དང་ཁྱད་ཆོས་ལ་འཚམ་པའི་ལས་ཞུགས་ལས་གནས་ཁག་ཅིག་བསྡུ་རུབ་དང་། ལས་གཉེར་གྲུབ་འབྲས་བཟང་བ། སྤྱི་ཚོགས་ཀྱི་འགན་འཁྲི་ཡོད་པའི་ཁེ་ལས་ཀྱིས་སྒོ་ཐེམ་དང་འགན་སྲུང་ཡོད་པའི་རོགས་སྐྱོར་གནས་ཁག་ཅིག་བཙུགས་ནས་ལས་ཞུགས་རོགས་སྐྱོར་བྱེད་དུ་བཅུག་པ་དང་།  ཐོག་མཐའ་བར་གསུམ་དུ་ཞབས་ཞུ་བྱ་ཡུལ་ཁག་ཅིག་ལ་ལས་ཞུགས་དང་ལས་ལམ་གསར་འབྱེད་གང་མགྱོགས་བྱ་རྒྱུར་རོགས་རམ་བྱས་ཏེ་ལས་ཞུགས་མེད་པའི་ཁྱིམ་ཚང་གི་གནས་ཚུལ་གསལ་ཆ་ཡོང་བར་འགན་ལེན་བྱས།

བྱེད་སྒོའི་ཉིན་དེར་ཡུལ་དངོས་སུ་འདུ་འཛིའི་རྣམ་པས་ཁེངས་ཤིང་ལས་བྱེད་མི་སྣས་ཡུལ་དངོས་ནས་འགྲེལ་བཤད་དང་། ལས་ཞུགས་ལས་སྐྲུན་གྱི་སྲིད་ཇུས་སྐོར་གྱི་དྲི་བར་ལན་བཏབ་ན་བྱ་དགའ་སྟེར་བ་དང་དྲིལ་བསྒྲགས་ཡི་གེ་འགྲེམ་པ་སོགས་ཀྱི་བྱ་ཐབས་སྤྱད་དེ་མང་ཚོགས་ལ་ལས་ཞུགས་ལས་གཏོད་དང་། རྩལ་ནུས་གསོ་སྦྱོང་། ལས་གཏོད་འགན་ལེན་དངུལ་བུན་སོགས་དམངས་ཕན་སྲིད་ཇུས་རབ་དང་རིམ་པ་གསལ་འགྲེལ་བྱས་ཏེ། སྲིད་ཇུས་སྤྱད་འཐུས་ཀྱི་ཁྱབ་ཁོངས་དང་རེ་ཞུའི་ཆ་རྐྱེན་དང་སྒྲུབ་གཉེར་བརྒྱུད་རིམ་སོགས་འབྲེལ་ཡོད་ཆ་འཕྲིན་ལ་གཞིགས་ནས་ཆ་རྐྱེན་དང་མཐུན་པའི་མི་སྣས་སྲིད་ཇུས་ཀྱི་ཁེ་ཕན་ལོངས་སུ་སྤྱོད་ཐུབ་པར་འགན་ལེན་ཏན་ཏིག་བྱས།
ཐེངས་འདིའི་བྱེད་སྒོ་སྤེལ་བར་ཁེ་ལས19ཡིས་ཧུར་ཐག་གིས་འབོད་སྐུལ་དང་ལེན་བྱས་པ་དང་། ཚང་མས་ལས་རྐང་བཟང་པོ་ཁྱེར་ནས་བྱེད་སྒོར་ཞུགས་ཡོད་པར་མ་ཟད། ད་དུང་བཟའ་བཏུང་དང་ཕྱིར་འཚོང་། སྤྱིར་བཏང་གི་ལས་བཟོ་བ་སོགས་ལས་རྐང27ཙམ་མཁོ་འདོན་བྱས་ཡོད། སྡོམ་རྩིས་ལྟར་ན། མི1444ལྷག་གི་ལས་ཞུགས་འབོད་འགུག་བྱས་པ་དང་། མི་བཞི་ལ་ལས་ཞུགས་བསམ་ཚུལ་ཡོད་པའི་ཐོག་མའི་གན་རྒྱ་བཞག་པ་དང་ཡུལ་དངོས་ནས་སྲིད་ཇུས་དྲིག་སྒྲོག་རྒྱུ་ཆ100ལྷག་བཀྲམ།

ལོ་གསར་པའི་ནང་། རྫོང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་བབ་བསྟུན་མདུན་སྐྱོད་དང་སྟོབས་ཤུགས་གསོག་འཇོག་བྱས་ཏེ་རྒྱུན་ཆད་མེད་པར་གསར་གཏོད་བྱས་ནས་རོགས་སྐྱོར་བྱེད་སྟངས་གསར་པ་ཟམ་མི་ཆད་པར་ཇེ་ལེགས་སུ་བཏང་པ་དང་། སྲིད་ཇུས་ཀྱི་ཐིག་ཚད་དང་གདན་ཞུ་མཚམས་མི་འཇོག་པ་དང་ཞབས་ཞུར་སྒོ་མི་རྒྱག་པ་དང་། གཙོ་གནད་ཚོགས་པར་ཕན་ནུས་ལྡན་པའི་ལས་ཞུགས་དང་ལས་ལམ་གསར་འབྱེད་ཀྱི་ཞབས་ཞུ་མཁོ་འདོན་བྱས་ཏེ། གཙོ་གནད་ཚོགས་པར་ལས་ཞུགས་བརྟན་པོ་ཡོང་བར་སྐུལ་འདེད་གཏོང་བ་དང་། ཁྱིམ་སྒོའི་ལས་ཞུགས་ཞབས་ཞུའི་མ་ལག་ཟམ་མི་ཆད་པར་འཐུས་སྒོ་ཇེ་ཚང་དུ་གཏོང་རྒྱུ་རེད།