མཚོ་བྱང་ཁུལ་གྱི་ཡུལ་སྐོར་མི་གྲངས་དང་ཡོང་འབབ་སོ་སོ་འཕར་བ།

མཚོ་བྱང་ཁུལ་གྱི་ཡུལ་སྐོར་མི་གྲངས་དང་ཡོང་འབབ་སོ་སོ་འཕར་བ།

2024ལོར་མཚོ་བྱང་བོད་རིགས་རང་སྐྱོང་ཁུལ་གྱིས་རང་འགུལ་ངང་ཞིང་ཆེན་ཡོངས་གྱི“ལྟེ་གཅིག གདུབ་གཅིག སྣེ་མང”གི་ཡུལ་སྐོར་འཕེལ་རྒྱས་ཀྱི་རྣམ་པ་དང་མཉམ་འདྲེས་བྱས་ཏེ།　མདོ་ལ་རི་བོ་དང་མཚོ་སྔོན་པོ་དང་ད་དུང“ཀྲུང་གོའི་རྡུལ་ཕྲན་མཁར”གྱི་དམིགས་བསལ་གྱི་ལེགས་ཆར་བརྟེན་ནས།　རྒྱལ་སྤྱིའི་སྐྱེ་ཁམས་ཡུལ་སྐོར་བྱ་ཡུལ་འཛུགས་པར་བརྟན་བརླིང་ངང་སྐུལ་འདེད་བཏང་ཞིང་།　2024ལོའི་ཟླ11པའི་ཟླ་མཇུག་བར་ཁུལ་ཡོངས་ཀྱིས་ཡུལ་སྐོར་བ་མི་ཐེངས་ཁྲི802.72སྣེ་ལེན་བྱས་པ་དང་དུས་མཉམ་ལས32.13％ཡར་འཕར་ཞིང་།　ཡུལ་སྐོར་ཡོང་འབབ་སྒོར་དུང་ཕྱུར35.32ཟིན་པ་དང་དུས་མཉམ་ལས20.83％འཕར།

རྒྱལ་སྤྱིའི་སྐྱེ་ཁམས་ཡུལ་སྐོར་དམིགས་ས་གཏོད་པར་སྐུལ་འདེད་གཏོང་ཆེད། མཚོ་བྱང་ཁུལ་གྱིས《མཚོ་བྱང་ཁུལ་གྱིས་རྒྱལ་སྤྱིའི་སྐྱེ་ཁམས་ཡུལ་སྐོར་དམིགས་ས་སྐྲུན་པའི་ལོ་གསུམ་གྱི་བྱ་འགུལ་ལག་བསྟར་ཇུས་གཞི》འགྲེམ་སྤེལ་བྱས་ཏེ་འཇུ་ལག་ཧུའེ་རིགས་རང་སྐྱོང་རྫོང་གངས་དཀར་རི་བོ་དང་མདོ་ལ་རྫོང་གི་ཨ་མྱེས་སྟོང་སོ།　མདའ་བཞི་རྫོང་གསེར་དངུལ་ཐང་དང་རྡུལ་ཕྲན་མཁར་སོགས་མཛེས་ལྗོངས་ཁུལ་གྲགས་ཅན་གྱི་་ལྗོངས་ཁུལ་བདེ་བླག་ངང་བསྐྲུན་པ་དང་།　མཚོ་སྐོར་ནུབ་ཕྱོགས་ཀྱི་དམིགས་བསལ་ཆོག་མཆན་བཀོད་པའི་གཉེར་སྐྱོང་ས་ཚིགས6བསྐྲུན་ནས་ཚོང་གཉེར་བྱེད་མགོ་བརྩམས།　རྒྱལ་ཁབ5Ａརིམ་པའི་ཡུལ་སྐོར་མཛེས་ལྗོངས་ཁུལ1དང4Ａརིམ་པའི་ཡུལ་སྐོར་མཛེས་ལྗོངས་ཁུལ6། 3Ａརིམ་པའི་ཡུལ་སྐོར་ལྗོངས་ཁུལ7བཅས་གསར་འཛུགས་བྱས་ཏེ་རྒྱལ་ཁབ་རིམ་པའི་གྲོང་གསེབ་ཡུལ་སྐོར་གཙོ་གནད་གྲོང་ཚོ5དཔྱད་བསྡུར་གཏན་འབེབས་བྱས་ཐོག　རྐང་ཐང་དང་རྟ་རྩལ་འགྲན་བསྡུར།　མདའ་འཕེན།　རྐང་འཁོར་བཅས་མིང་རྟགས་ཆེ་བའི་ལུས་རྩལ་འགྲན་བསྡུར་བཞི་རྒྱུན་ལྡན་ཅན་དུ་གཉེར་བ་དང་།　“མཚོ་སྔོན་དང་ཀན་སུའུ་བར་གྱི་ཡུལ་སྐོར་སྐོར་ལམ་ཆེན་པོ།” “མཚོ་སྔོན་དང་ཞིན་ཅང་བར་གྱི་ཡུལ་སྐོར་སྐོར་ལམ་ཆེན་པོ།” “མཚོ་བོད་ཡུལ་སྐོར་སྐོར་ལམ་ཆེན་པོ”བཅས་མཉམ་འགུལ་བྱས་ཏེ།　ཧྲན་ཏུང་སོགས་མཚོ་སྔོན་ལ་རོགས་སྐྱོར་བྱེད་པའི་ཞིང་ཆེན（གྲོང་ཁྱེར）དྲུག་དང་།　འབྲུ་གསུམ་གཙང་རྒྱུ།　ཀྲུའུ་ཅང་གཙང་རྒྱུ།　ཧྲའན་ཀན་ཉིང་ཁྲོན་སོགས་དང་སྤེལ་རེས་མཉམ་ལས་ཀྱི་ཐབས་ལམ་རྒྱ་སྐྱེད་བཏང་སྟེ།　ནང་ཁུལ་ཕན་ཚུན་འབྲེལ་མཐུད་དང་ཕྱི་རོལ་ཕན་ཚུན་མཉམ་འགུལ་གྱི་ཡུལ་སྐོར་ལམ་ཐིག་མ་ལག་ཞིག་བསྐྲུན་པ་དང་།　“རབ་མཛེས་མཚོ་སྔོན་དང་དག་སྣང་མཚོ་བྱང”ཞེས་མཚན་སྙན་གྲགས་མངོན་གསལ་གྱི་མཐོར་འདེགས་སུ་བཏང་། 

མཚོ་བྱང་ཁུལ་ནི་མདོ་ལ་རི་བོ་དང་མཚོ་སྔོན་པོའི“རྒྱལ་ཁབ་སྤྱི་གླིང་གཉིས”དང“གཙང་པོ་གཅིག་དང་ཁུལ་གཉིས། ཆུ་བོ་གསུམ”ཀྱི་གནད་འགག་ཏུ་གནས་ཤིང་།　གནས་ཡུལ་གྱི་ལེགས་ཆ་མངོན་གསལ་ཡིན་པ་དང་ཡུལ་སྐོར་ཐོན་ཁུངས་ཕུན་སུམ་ཚོགས་པ་ཡོད་པས།　ཞིང་ཆེན་ནང་ཁུལ་གྱི་རི་ཆུ་ནགས་ཞིང་དང་མཚེའུ་རྩྭ་བྱེ་ཐང་བཅས་གཞི་གཅིག་ཅན་གྱི་སྐྱེ་ཁམས་རྒྱུ་རྐྱེན་ཆེས་ཆ་ཚང་ཡིན་པ་དང་ཆེས་གཅིག་བསྡུས་ཡིན་པའི་ས་ཁུལ་གྱི་གྲས་ཤིག་ཡིན་ལ།　“རབ་མཛེས་མཚོ་སྔོན”གྱི་བསྡུས་རིས་ཤིག་ཀྱང་ཡིན།