མདོ་ལ་རྫོང་གིས་ཐབས་མང་མཉམ་སྤྱོད་སྒོས་བཟའ་བཅའ་དང་སྨན་རྫས་ཀྱི་སྤུས་ཚད་བདེ་འཇགས་ལ་འགན་ལེན་བྱས་པ།

མདོ་ལ་རྫོང་གིས་ཐབས་མང་མཉམ་སྤྱོད་སྒོས་བཟའ་བཅའ་དང་སྨན་རྫས་ཀྱི་སྤུས་ཚད་བདེ་འཇགས་ལ་འགན་ལེན་བྱས་པ།

མདོ་ལ་རྫོང་གིས་བཟའ་བཅའ་དང་སྨན་རྫས་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་ལ་དམ་པོར་དམིགས་ནས། “ནན་ཤོས་བཞི”ཡི་བླང་བྱ་རྩ་བའི་ཕྱོགས་སྟོན་དུ་བྱས་ཏེ་བཟའ་བཅའ་དང་སྨན་རྫས་ཀྱི་བདེ་འཇགས་ལ་ནུས་ཤུགས་ཡོད་རྒུས་འགན་ལེན་བྱས་ཤིང་། མི་དམངས་མང་ཚོགས་ཀྱི“ལྕེ་རྩེའི་བདེ་འཇགས”སྲུང་སྐྱོང་ཏན་ཏིག་བྱས་ཡོད།

ཡིད་རྟོན་མ་ལག་འཛུགས་སྐྱོང་ལ་དམ་འཛིན་བྱས་ཏེ། བཟའ་བཅའ་དང་སྨན་རྫས་ཀྱི་སྤུས་ཚད་བདེ་འཇགས་འབྱུང་རྩ་ནས་འགན་ལེན་བྱས་པ། བཟའ་བཅའ་དང་སྨན་རྫས་ལས་རིགས་ཀྱི་ཡིད་རྟོན་མ་ལག་འཛུགས་སྐྱོང་བྱ་རྒྱུ་དེ་བཟའ་བཅའ་དང་སྨན་རྫས་ཀྱི་སྤུས་ཚད་བདེ་འཇགས་འགན་ལེན་དང་ལས་རིགས་སྐྱོན་བྲལ་ངང་འཕེལ་རྒྱས་སུ་འགྲོ་རྒྱུར་སྐུལ་འདེད་གཏོང་བའི་རྩ་བཅོས་ཐབས་ཇུས་ཤིག་ཏུ་བརྩིས་ཐོག བཟའ་བཅའ་དང་ཞིང་ཕྱུགས་ཐོན་རྫས་ཀྱི་སྤུས་ཚད་བདེ་འཇགས་གཉེར་སྐྱོང་གི་བྱེད་པོའི་ཡིག་ཚགས་སྔར་བས་འཐུས་སྒོ་ཇེ་ཚང་དུ་བཏང་ཡོད། སྲིད་འཛིན་ལྟ་སྐུལ་དོ་དམ་དང་ལས་རིགས་རང་གཅུན། སྤྱི་ཚོགས་ཀྱི་ལྟ་སྐུལ་བཅས་བྱས་པ་བརྒྱུད། བཟའ་བཅའ་དང་སྨན་རྫས་གཉེར་སྐྱོང་བྱེད་པོའི་ལས་རིགས་ཀུན་སྤྱོད་ཟམ་མ་ཆད་པར་མཐོ་རུ་བཏང་བ་དང་། རང་གཅུན་གྱི་འདུ་ཤེས་དང་སྤྱི་ཚོགས་ཀྱི་འདུ་ཤེས་ཇེ་ཟབ་ཏུ་བཏང་སྟེ། བཟའ་བཅའ་གཉེར་སྐྱོང་དང་བཟའ་བཏུང་ཞབས་ཞུའི་སྡེ་ཚན་སོགས་དབར་བཟའ་བཅའི་བདེ་འཇགས་ཁས་ལེན་ཡི་གེ་དང་། སྨན་རྫས་དང་སྨན་བཅོས་ཡོ་བྱད་ཀྱི་སྤུས་ཚད་བདེ་འཇགས་ཁས་ལེན་ཡི་གེར་མིང་རྟགས་བཀོད་ཡོད།

དྲིལ་སྒྲོག་གསོ་སྦྱོང་ལ་དམ་འཛིན་བྱས་ནས་མང་ཚོགས་ཀྱི་བཟའ་བཅའ་དང་སྨན་རྫས་བདེ་འཇགས་ཀྱི་དོགས་ཟོན་འདུ་ཤེས་མཐོ་རུ་བཏང་བ། དྲིལ་སྒྲོག་བྱེད་ཤུགས་ཆེ་རུ་གཏོང་བ་དང་། མཉམ་འཛིན་སྤྱི་སྒྲུབ། མང་ཚོགས་མཉམ་ཞུགས་སོགས་ཀྱི་བྱེད་ཐབས་སྤྱད་དེ་རྫོང་ཡོངས་ཀྱི་མི་དམངས་མང་ཚོགས་ཀྱིས་ཐུན་མོང་ཐོག་བཟའ་བཅའ་དང་སྨན་རྫས་བདེ་འཇགས་སྲུང་སྐྱོང་བྱེད་པའི་འདུ་ཤེས་སྔར་བས་ཇེ་ཟབ་ཏུ་བཏང་ནས་བཟའ་བཅའ་དང་སྨན་རྫས་བདེ་འཇགས་སྤྱི་ཚོགས་མཉམ་དུ་བཅོས་སྐྱོང་བྱེད་པའི་རྣམ་པ་ཞིག་མགྱོགས་མྱུར་གྱིས་བསྐྲུན།“3·15”དང“4.15”སོགས་ཀྱི་གོ་སྐབས་བཟང་པོ་བེད་སྤྱོད་ཧུར་ཐག་བྱས་ནས་ཟས་རིགས་དང་སྨན་རྫས་ཉེན་མེད་ཀྱི་དྲིལ་སྒྲོག་ལས་དོན་སྤེལ་བ་མ་ཟད། གྲོང་གསེབ་དང་ཚོང་ཁྲོམ། སློབ་གྲྭ སྡེ་ཁུལ་བཅས་སུ་སྐྱོད་པའི་བྱེད་ཐབས་སྣ་ཚོགས་ལ་བརྟེན་ནས་མི་དམངས་མང་ཚོགས་ཀྱི་བདེ་འཇགས་འདུ་ཤེས་འཛིན་ཤུགས་ཆེ་རུ་བཏང་།

སྡེ་ཚན་མཉམ་འགུལ་ལ་དམ་འཛིན་བྱས་ནས་ཆེད་དོན་བཅོས་སྒྲིག་བྱ་སྤྱོད་ཀྱི་ཁྱབ་རྒྱ་རྒྱུན་མཐུད་ངང་ཆེ་རུ་བཏང་བ། རྫོང་ཡོངས་ཀྱི་ལས་ཀ“མིག་མངས་འགྲིག་སྐོར་གཅིག”གི་བསམ་བློ་བརྟན་པོར་བཙུགས་པ་དང་། ཕྱོགས་གང་ཅིའི་ཁྲིམས་བསྟར་སྟོབས་ཤུགས་སྡེབ་སྒྲིག་བྱེད་པ། གཞོགས་འདེགས་དམ་ཟབ་དང་མཉམ་དུ་དམག་འཐབ་བྱེད་པ་བཅས་ཀྱི་ཐོག་ནས་ཟས་རིགས་དང་སྨན་རྫས་བདེ་འཇགས་ཀྱི་ཆེད་དོན་བཅོས་སྐྱོང་བྱེད་སྒོ་གཅིག་བསྡུས་ཀྱིས་སྤེལ། གྲོང་ཁྱེར་ལྟ་སྐུལ་སྡེ་ཚན་གྱིས་སྣེ་ཁྲིད་དེ་ཞིང་ཕྱུགས་དང་ཞིབ་དཔྱོད་ཁང་། འཕྲོད་བསྟེན་བདེ་ཐང་། སློབ་གསོ། སྤྱི་བདེ། བཟོ་ལས་དང་ཆ་འཕྲིན་སོགས་སྡེ་ཚན་དང་མཉམ་འབྲེལ་ཐོག་བཟའ་བཏུང་ལས་རིགས་དང་འཁྱག་སྦྲེལ་བཟའ་བཅའ། སློབ་གྲྭའི་ཟ་ཁང་སོགས་གཙོ་གནད་ཁྱབ་ཁོངས་ལ་དམིགས་ནས་ཆེད་དོན་བཅོས་སྒྲིག་བྱ་སྤྱོད་སྤེལ་ཏེ་བཟའ་བཅའ་དང་སྨན་རྫས་ལས་རིགས་ལ“བདེ་འཇགས་སྒྲོག་ཐག”བཅངས་པ་དང“བློ་བདེའི་ཟྭ”དམ་པོར་བརྒྱབས།