རྒྱ་ཆེའི་མང་ཚོཊ་ལ་སྤྲིངས་པའི་དཔལ་ཡོན་གྲོང་གཏོད་གྲོས་འདོན་ཡི་གེ།

རྒྱ་ཆེའི་མི་དམངས་མང་ཚོགས་རྣམ་པ།

ཁྱེད་ཚོ་བདེ་མོ། འགྲིམ་འགྲུལ་ནི་གྲོང་ཁྱེར་གྱི་གཟུགས་བརྙན་གསར་བའི་མིང་བྱང་ལྟ་བུ་དང་དཔལ་ཡོན་གྲོང་ཁྱེར་གྱི་མཚོན་རྟགས་ཡིན། མིག་སྔར་རང་རེའི་རྫོང་དཔལ་ཡོན་གྲོང་ཁྱེར་གསར་འཛུགས་ཀྱི་འགག་རྩའི་དུས་སྐབས་སུ་སླེབས་ཡོད།འགྲིམ་འགྲུལ་གྱི་སྒྲིག་ལམ་བཟང་པོ་སྲུང་སྐྱོང་བྱས་ནས་དཔལ་ཡོན་རྫོང་མཁར་གསར་འཛུགས་བྱ་ཆེད།མདོ་ལ་རྫོང་སྤྱི་བདེ་ཅུ་འགྲིམ་འགྲུལ་ཉེན་རྟོག་རུ་ཆེན་གྱིས་རྫོང་ཡོངས་ཀྱི་འགྲིམ་འགྲུལ་སྒྲིག་ལམ་ལ་དོ་དམ་དང་ཞིབ་བཤེར་ནན་པོ་བྱས་ནས་རླངས་འཁོར་གྱི་རིགས་ཆེ་མ་ཆུང་གསུམ་གང་སར་འཇོག་པ་དང་།འཕྲུལ་རྟ་དང་ལྕགས་རྟའི་རིགས་གང་འདོད་དུ་གློག་དམར་འགལ་ནས་ཁྲིམས་འགལ་བྱ་སྤྱོད་སྤེལ་བ།ལམ་འགྲོ་བ་ལ་ལ་རྒྱ་ལམ་རྒལ་སྐབས་གློག་དམར་འགལ་དང་འགྲིམ་འགྲུལ་སྒྲིག་ལམ་བརྩི་སྲུང་མི་བྱེད་པ་སོགས་ཀྱི་རིགས་གཙོ་གནད་དུ་བཟུང་སྟེ་དག་ཐེར་བཅོས་སྐྱོང་བྱེད་ངེས།དེར་བརྟེན་མདོ་ལ་རྫོང་སྤྱི་བདེ་ཅུས་རྒྱ་ཆེའི་མི་དམངས་མང་ཚོགས་རྣམས་ལ་འགྲིམ་འགྲུལ་བདེ་འཇགས་ཀྱི་བཅའ་ཁྲིམས་དང་ཁྲིམས་སྲོལ་ལ་བརྩི་སྲུང་ནན་པོ་བྱས་ནས་དཔལ་ཡོན་རྫོང་མཁར་གསར་འཛུགས་ཁྲོད་རང་ནུས་ཅི་ཡོད་ངང་ཞུགས་དགོས།

རྒྱ་ཆེའི་རླང་འཁོར་ཁ་ལོ་བ་རྣམས་ཀྱིས་འདི་ལྟར་བྱ་དགོས།

༡.ཡ་རབས་གུས་བཀུར་དང་བདེ་འཇགས་ཁོར་ཡུག་བསྐྲུན་ཆེད།རླངས་འཁོར་གྱིས་རྒྱ་ལམ་བརྒྱུད་པའི་མི་ལ་ལམ་ཕྱེ་དགོས།

༢.རླངས་འཁོར་སྐོར་དུས་ཉེན་སྲུང་སྐྱོབ་ཐེག་རྒྱག་དགོས།

༣.རླངས་འཁོར་ངེས་པར་འགྲིམ་འགྲུལ་བརྡ་རྟགས་ཀྱི་མཛུབ་སྟོན་ལྟར་བསྐྱོད་དགོས་པ་ལས།འཁོར་ལམ་རྩོད་རེས་མི་བྱེད་པ་དང་དུང་བརྡ་གང་བྱུང་དུ་མི་གཏོང་བ།འཁོར་ལམ་རང་དགར་མི་བསྒྱུར་བ་བཅས་བྱེད་དགོས།

༤.ཚད་ལྡན་ངང་རླངས་འཁོར་འཇོག་རྒྱུ་ལས་གང་སར་རླངས་འཁོར་མི་འཇོག་པ།

༥.རླངས་འཁོར་ནང་གི་གད་སྙིགས་གང་སར་མི་འཕེན་པ་དང་ཁ་པར་མི་རྩེད་པ།

༦.ཡ་རབས་ངང་རླངས་འཁོར་གྱི་གློག་སྤྱོད་པ་ལས་ཐག་རིང་གི་གློག་སྒྲོན་གང་བྱུང་དུ་མི་བཀར་བ།

རྒྱ་ཆེའི་འཕྲུལ་རྟ་དང་ལྕགས་རྟའི་ཁ་ལོ་བ་རྣམས་ཀྱིས་འདི་ལྟར་བྱ་དགོས།

༡.ལྕགས་རྟ་དང་འཕྲུལ་རྟའི་རིགས་ལ་ཞོན་སྐབས་ངེས་པར་དུ་བདེ་འཇགས་ཞྭ་མོ་གྱོན་དགོས།

༢.རྒྱ་ལམ་བརྒྱུད་པའི་མི་ལ་ལམ་ཕྱེ་དགོས།

༣.རང་འགུལ་ངང་ལྕགས་རྟའི་བགྲོད་ལམ་དུ་སྐྱོད་པའམ་ཡང་ན་གཡས་ཕྱོགས་ཀྱི་ལམ་ལ་གཏད་ནས་བསྐྱོད་པ།

༤.གློག་དམར་མི་བརྒལ་བ་དང་འཁོར་ལམ་གང་འདོད་མི་བསྒྱུར་བ།ལྡོག་ཕྱོགས་སུ་མི་སྐྱོད་པ་བཅས་སོ།

༥.གློག་སྒུལ་འཁོར་ལོའི་རིགས་སྒྲིག་འགལ་ངང་མི་མང་གཞོན་པ་དང་འཁོར་ལམ་སྟེང་གང་འདོད་འགྲོ་སྐྱོད་མི་བྱེད་པ།

༦.འགྲིམ་འགྲུལ་གྱི་སྒྲིག་ལམ་ལ་སྲུང་སྐྱོབ་ལེགས་པོ་བྱས་ཏེ།གང་འདོད་དུ་མི་འཇོག་པར་རང་འགུལ་ངང་སྒུལ་སྐྱོད་རླངས་འཁོར་མ་ཡིན་པའི་ས་ཁོངས་སུ་འཇོག་དགོས།

རྒྱ་ཆེའི་ལམ་འགྲོ་བ་རྣམས་ཀྱིས་འདི་ལྟར་བྱ་དགོས།

༡.ལམ་འགྲོ་བ་ལམ་འགྲོ་བའི་ལམ་དུ་འགྲོ་དགོས།མི་འགྲོ་སའི་ལམ་མེད་ན་ལམ་ཟུར་ནས་འགྲོ་དགོས།

༢.ལམ་འགྲོ་བ་གཞུང་ལམ་སྒྲོལ་བའམ་ཡང་ན་ལམ་མདོར་བསྐྱོད་ན་མི་འགྲོ་སའི་འཕྲེད་ལམ།གང་འདོད་དུ་མི་བསྐྱོད་པར།ལམ་བར་གཅོད་བྱེད་ཀྱི་སྒྲིག་ཆས་ལས་བརྒལ་མི་ཆོག

༣.མི་འགྲོ་སའི་ལམ་ཐིག་གི་གློག་སྒྲོན་ལྟར་བསྐྱོད་དགོས།

༤.གང་འདོད་དུ་འཁོར་ལམ་དུ་མི་འགྲོ་བ།

༥.འཁོར་ལམ་དུ་རྩེ་མོ་མི་རྩེད་བ།

དཔལ་ཡོན། བདེ་འཇགས། གོ་རིམ་ལྡན་པ་བཅས་ཀྱི་འགྲིམ་འགྲུལ་སྒྲིག་ལམ་ནི་ང་ཚོས་ཐུན་མོང་ངང་བསྐྲུན་དགོས། མདོ་ལ་རྫོང་སྤྱི་བདེ་ཅུས་ནུས་ཤུགས་ཡོད་རྒུས་འགྲིམ་འགྲུལ་ཁྲིམས་འགལ་དང་ཚུལ་མིན་གྱི་འགྲིམ་འགྲུལ་བྱེད་སྤྱོད་སྣ་ཚོགས་བཅོས་སྒྲིག་བྱས་ནས་རྒྱ་ཆེའི་ཁ་ལོ་བ་ཚོས་ང་ཚོ་དང་མཉམ་དུ་དཔུང་པ་མཉམ་གཤིབ་ཀྱིས་བདེ་འཇགས་དང་དཔལ་ཡོན།འཆམ་མཐུན་གྱི་འགྲིམ་འགྲུལ་འགྲོ་སྐྱོད་ཁོར་ཡུག་ཅིག་ཐུན་མོང་ངང་བསྐྲུན་དགོས།

མདོ་ལ་རྫོང་སྤྱི་བདེ་ཅུ།

སྤྱི་ལོ་2024ལོའི་ཟླ་11བའི་ཚེས་25ཉིན།