མདོ་ལ་རྫོང་གིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་བསྐྲུན་ནས་མདུན་གྲལ་དུ་བསྐྱོད་པར་ཧུར་ཐག་གིས་སྐུལ་འདེད་བཏང་།

མདོ་ལ་རྫོང་གིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་བསྐྲུན་ནས་མདུན་གྲལ་དུ་བསྐྱོད་པར་ཧུར་ཐག་གིས་སྐུལ་འདེད་བཏང་།

ཉེ་བའི་ལོ་ཤས་རིང་། མདོ་ལ་རྫོང་གིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་བསྐྲུན་པར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཚོ་སྔོན་ལ་རྟོག་ཞིབ་དང་གཟིགས་ཞིབ་གནང་སྐབས་ཀྱི་གལ་ཆེའི་གསུངས་བཤད་དགོངས་དོན་ལག་ཏུ་བསྟར་བའི་བྱེ་བྲག་གི་བྱ་སྤྱོད་དུ་རྒྱུན་འཁྱོངས་བྱས་ཤིང་། མགོ་བརྩམས་ས་མཐོན་པོ་ནས་འཆར་འགོད་དང་ཚད་གཞི་མཐོན་པོ་ནས་འཛུགས་སྐྲུན། ལྗང་མདོག་སྐྱེ་ལྡན་ཕྱུགས་ལས་ཐོན་ཁུངས་ཀྱི་ནུས་པ་དང་ཁུལ་གནས་ལེགས་ཆ། ཐོན་ལས་ཀྱི་རྨང་གཞིར་གཞི་ཚུགས་ནས་ཞིང་ཕྱུགས་ལས་ཀྱི་ལྗང་མདོག་ཅན་དང་སྤུས་ལེགས་ཅན། ཚད་གཞི་ཅན། སྤུས་རྟགས་ཅན། ཕན་འབྲས་ཅན། ཁྲོམ་ར་ཅན་ལ་ཤུགས་ཆེན་པོས་སྐུལ་འདེད་བཏང་ནས་ཕྱུགས་ལས་ཀྱི་ཐོན་ཁུངས་ནུས་པ་དེ་དཔལ་འབྱོར་རིན་ཐང་དུ་བསྒྱུར་བར་རྒྱུན་མཐུད་སྐུལ་འདེད་བཏང་།

འཆར་འགོད་བཀོད་སྒྲིག་ལ་ཤུགས་བསྣན་ནས་དོན་འཁྱོལ་དངོས་འབེབས་ཡོང་བ་བྱས། 《མདོ་ལ་རྫོང་གི2024ལོའི་ཞིང་ཆེན་ཡོངས་ཀྱི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གྱི་སྔོན་ཐོན་དཔེ་སྟོན་རྫོང་བསྐྲུན་པ་ཡི་བྱེད་ཐབས་ཇུས་གཞི》བཟོས་ཤིང་། ཁུལ་ཨུ་དང་ཁུལ་སྲིད་གཞུང་གི“གཅིག་ཚན་དགུ”ཡི་སྐྱེ་ཁམས་ཕྱུགས་ལས་ཆ་སྒྲིག་ལས་གཞིའི་བླང་བྱ་ལྟར། ལས་གཞི་འཛུགས་སྐྲུན་ཧུར་ཐག་གིས་འཆར་འགོད་བྱས། 2024ལོར་ཞིང་ཕྱུགས་ཐོན་ལས་ལས་གཞི་རྣམ་གྲངས44དང་གྲོང་གསེབ་དར་སྤེལ་ཐོན་ལས་རྣམ་གྲངས25ལག་ཏུ་བསྟར་ཞིང་། ལས་གཞིའི་སྤྱིའི་མ་དངུལ་ནི་སྒོར་ཁྲི26790.87ཡིན། རྒྱལ་ཁབ་རིམ་པའི་ཁེ་ལས་རྩེ་གྲ2དང་ཁུལ་རིམ་པའི་ཁེ་ལས་རྩེ་གྲ1གསོ་སྐྱོང་བྱས། གཉེར་སྐྱོང་བྱེད་པོ་གསར་བ247ལ་བུད། ཞིང་ཕྱུགས་ཚན་རྩལ་ཁེ་ལས་ཆུང་གྲས་གསོ་ཚགས་གླིང1བཙུགས་ཤིང་། ཁེ་ལས6ནང་དུ་བསྡད་དེ་ཐོན་ལས་གཅིག་སྡུད་འཕེལ་རྒྱས་ལ་ནུས་ལྡན་སྐུལ་འདེད་བཏང་།

གནད་འགག་གི་ལྷུ་ཚིགས་དམ་པོར་བཟུང་ནས་འབྱུང་གནས་ཀྱི་མཁོ་བསྟུན་ལེགས་སྒྱུར་བྱས། བསྟུད་མར་ལོ་དགུ་ལ་སྐྱེ་ལྡན་ཐོན་ལས་ཀྱི་ཁས་ལེན་བསྐྱར་མ་ཐོབ་ཅིང་། ནོར་ལུག་ཁྲི106.2དང་རྩྭ་ཐང་མུའུ་ཁྲི1409.12ལ་ཁས་ལེན་བྱས། “མདོ་ལའི་བོད་ལུག”“མདོ་ལའི་ནོར་ནག”“མདོ་ལའི་ཤ་མོ”བཅས་ལ་རྒྱལ་ཁབ་ཞིང་ལས་ཐོན་རྫས་ས་ཁམས་མཚོན་རྟགས་ཀྱི་ཐོ་འགོད་སྲུང་སྐྱོང་ཐོབ། གསར་དུ་ཁས་ལེན་ཐོབ་པའི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས17ལ་ཐོན། མིག་སྔར། རྫོང་ཡོངས་སུ“ཆས་གསུམ་རྟགས་གཅིག”གི་ཐོན་རྫས100རིམ་པ་བཞིན་ཁས་ལེན་བྱས་ཤིང་། དེའི་ནང་ལྗང་མདོག་ཐོན་རྫས53 སྐྱེ་ལྡན་ཐོན་རྫས44ཡོད། ཁེ་ལས4ཡི་ཐོན་རྫས་རིགས43མཚོ་བྱང་ཁུལ་གྱི་ཐོན་ལེགས་མཛོད་ཀྱི་མིང་ཐོར་ཚུད། ད་ལོའི་ཟླ7པར་ཞིང་ལས་ཐོན་རྫས་བརྟག་བཤེར་ཞིབ་བཤེར་ལས་ཁུངས་ཀྱི“ཁས་ལེན་ཟུང”གི་ཐོབ་ཐང་ལས་བདེ་བླག་ངང་བརྒལ་ནས་མཚོ་བྱང་ཁུལ་གྱི་རྫོང་རིམ་པའི་ཞིང་ལས་ཐོན་རྫས་བརྟག་བཤེར་ཞིབ་བཤེར་ལས་ཐོབ་ཐང་ཟུང་ཐོབ་པའི་དངོས་བཤེར་ཁང་གཅིག་པུ་རུ་གྱུར།

ཞིང་ལས་གནས་སྐོར་མཉམ་འདྲེས་ལ་སྐུལ་ནས་མང་ཚོགས་ཀྱི་ཡོང་འབབ་མཐོ་རུ་བཏང་། ཟི་ལིང་དུ་ཐོན་ལས་སྤུས་ཚད་མཐོ་བའི་འཕེལ་རྒྱས་གཏོང་བའི་སྦྲེལ་མཐུད་ཚོགས་འདུ་དང་གནས་སྐོར་འོས་སྦྱོར་ཚོགས་འདུ་རྒྱལ་ཁའི་ངང་འཚོགས་ཤིང་། ལས་གཞི་གལ་ཆེན6ལ་གན་རྒྱ་བཞག་པ་དང་སྤྱིའི་འབོར་དངུལ་སྒོར་ཁྲི8766ཡིན། “མདོ་ལའི་བོད་ལུག”CCTV-2ཀྱི《དུས་ཚོད་དང་བོའི་བག་ཆགས་ཐོག་མ》ཡི་ལེ་ཚན་ནང་བསྟན་ཞིང་། མཚོ་སྐོར་ལྕགས་རྟ་འགྲན་སྡུར་དང་མཚོ་སྔོན་རིམ་འདས་མཉམ་འགྲན། ནཱ་དམ་ཚོགས་ཆེན། མཚོ་སྔོན་ཚོང་གཏམ་གྲོས་ཚོགས་སོགས་ལ་བརྟེན་ནས་ཞིང་ཕྱུགས་ཁེ་ལས་དང་མཉམ་ལས་ཁང་གིས་ཐོན་རྫས་རིགས་སྣ110ལྷག་འཁྱེར་ནས་འགྲེམ་ཚོང་བྱེད་སྒོ་རུ་ཞུགས་ཤིང་། ཆས་རྟགས་ཀྱི་ཤེས་རྟོགས་ཚད་མཐོ་རུ་བཏང་། ཟླ7པའི་ཚེས18ཉིན། “མཚོ་སྔོན་མདོ་ལ་ཤ་མོའི་སྡུད་འགྲེམས་ལྟེ་གནས”ཀྱི་སྒོ་བྱང་བཀལ་བའི་མཛད་སྒོ་སྤེལ་ཞིང་། བར་ཁེ་བ8བདམས་ནས་དཔང་ཡིག་བྱིན།