མཚོ་བྱང་ཁུལ་གྱིས་གཡུར་དུ་ཟ་བའི་གྲུབ་འབྲས་བླངས་འདུག

མཚོ་བྱང་ཁུལ་གྱིས་ནུབ་རྒྱུད་ས་ཁུལ་གྱི་སྤྱི་དམངས་ཀྱི་ཚན་རིག་བྱང་ཚད་དྲ་རྒྱའི་འགྲན་སྡུར་སྐབས་དང་པོའི་མཚོ་སྔོན་འགྲན་ཁུལ་དུ་གྲུབ་འབྲས་བཟང་པོ་བླངས།

ཟླ9པའི་ཚེས10ཉིན། མཚོ་སྔོན་ཞིང་ཆེན་གྱི་དམངས་ཡོངས་ཀྱི་ཚན་རིག་བྱང་ཚད་རྩ་གནད་ལག་བསྟར་བྱ་བའི་གཞུང་ལས་ཁང་གིས《ནུབ་རྒྱུད་ས་ཁུལ་གྱི་སྤྱི་དམངས་ཀྱི་ཚན་རིག་བྱང་ཚད་དྲ་རྒྱའི་འགྲན་སྡུར་སྐབས་དང་པོའི་མཚོ་སྔོན་འགྲན་ཁུལ་གྱི་གྲུབ་འབྲས་དང་བྱ་དགའི་གནས་ཚུལ་སྐོར་གྱི་ཁྱབ་བརྡ》པར་འགྲེམས་བྱས་ཏེ། ནུབ་རྒྱུད་ས་ཁུལ་གྱི་སྤྱི་དམངས་ཀྱི་ཚན་རིག་བྱང་ཚད་དྲ་རྒྱའི་འགྲན་སྡུར་སྐབས་དང་པོའི་མཚོ་སྔོན་འགྲན་ཁུལ་གྱི་ཕུལ་བྱུང་རྩ་འཛུགས་ལས་ཁུངས10དང་ཕུལ་བྱུང་མི་སྒེར10ཁྱབ་བརྡ་བཏང་ཡོད་པ་རེད། དེའི་ནང་མཚོ་བྱང་ཁུལ་ཚན་རྩལ་མཐུན་ཚོགས་དང་། མདོ་ལ་རྫོང་ཚན་རྩལ་མཐུན་ཚོགས། འཇུ་ལག་རྫོང་ཚན་རྩལ་མཐུན་ཚོགས། རྐང་ཚ་རྫོང་ཚན་རྩལ་མཐུན་ཚོགས། མདའ་བཞི་རྫོང་ཚན་རྩལ་མཐུན་ཚོགས་བཅས་ལས་ཁུངས་ལྔ་ལ་ཕུལ་བྱུང་རྩ་འཛུགས་བྱ་དགའ་ཐོབ་པ་དང་། མདའ་བཞི་རྫོང་གི་ལི་ཀྲི་ཧྲིན་དང་ཡའོ་ཡུང་ཧྥང་གཉིས་ལ་ཕུལ་བྱུང་མི་སྒེར་གྱི་བྱ་དགའ་ཐོབ།       

བྱེད་སྒོ་དེ་སྤེལ་བ་ནས་བཟུང་། མཚོ་བྱང་ཁུལ་གྱིས་ཕྱོགས་མང་པོ་ནས་གྲབས་གསོག་དང་སྐུལ་སློང་ཧུར་ཐག་བྱས་ཏེ་ཁུལ་ཡོངས་ཀྱི་གཞོན་ནུ་ལོ་ཆུང་དང་། རོང་འབྲོག་མང་ཚོགས། ཁེ་ལས་པ། ཐོན་ལས་བཟོ་པ། བུད་མེད། རྒན་རྒོན། མགོ་ཁྲིད་ལས་བྱེད་པ། གཞུང་ཞབས་པ་བཅས"གཙོ་གནད་མི་ཚོགས"དྲུག་ཚན་རིག་བྱང་ཚད་འཛུགས་སྐྱོང་ནང་ཞུགས་པའི་ཧུར་བརྩོན་རང་བཞིན་དང་། རང་འགུལ་རང་བཞིན། གསར་གཏོད་རང་བཞིན་བཅས་སྐུལ་སློང་གང་ལེགས་བྱས་ནས་མི་ཚང་མས་ཚན་རིག་ལ་མཐོང་ཆེན་དང་ཚན་རིག་ལ་དགའ་ཞེན། ཚན་རིག་སློབ་སྦྱོང། ཚན་རིག་བེད་སྤྱོད་བཅས་བྱེད་པའི་སྤྱི་ཚོགས་ཀྱི་རྣམ་པ་བཟང་པོ་ཞིག་བསྐྲུན་ཡོད།

མཚོ་སྔོན་འགྲན་ཁུལ་གྱི་གྲོང་ཁྱེར་དང་ཁུལ་སོ་སོའི་བསགས་སྐར་ཨང་རིམ་དང་གྲོང་ཁྱེར་དང་ཁུལ་སོ་སོའི་འགྲན་ཞུགས་མི་གྲངས་ཀྱི་ཨང་རིམ་ཐོག་མཚོ་བྱང་ཁུལ་གྱི་བསགས་སྐར(128251)དང་འགྲན་ཞུགས་མི་གྲངས(16423)ཟིན་ནས་ཞིང་ཆེན་ཡོངས་ཀྱི་ཨང་དང་པོར་སླེབས་ཡོད། རྫོང(གྲོང་ཁྱེར་དང་ཆུས)གི་སྔོན་གྱི་མི10ཡི་ལན་བཏབ་པའི་ཨང་རིམ་དང་བསགས་སྐར་ཨང་རིམ་ཐོག་མདོ་ལ་རྫོང་གིས་ལན་བཏབ་པའི་གྲངས་ཀ(31912)དང་བསགས་སྐར(15532)ཟིན་ནས་ཞིང་ཆེན་ཡོངས་ཀྱི་ཨང་གསུམ་པར་སླེབས་ཡོད་ལ། འཇུ་ལག་རྫོང་གིས་ལན་བཏབ་པའི་གྲངས་ཀ(26752)དང་བསགས་སྐར(12099)ཟིན་ནས་ཞིང་ཆེན་ཡོངས་ཀྱི་ཨང་བཞི་བར་སླེབས་ཡོད། རྐང་ཚ་རྫོང་གིས་ལན་བཏབ་པའི་གྲངས་ཀ(23922)དང་བསགས་སྐར(10312)ཟིན་ནས་ཞིང་ཆེན་ཡོངས་ཀྱི་ཨང་ལྔ་བར་སླེབས་ཡོད། མདའ་བཞི་རྫོང་གིས་ལན་བཏབ་པའི་གྲངས་ཀ(15277)དང་བསགས་སྐར(7867)ཟིན་ནས་ཞིང་ཆེན་ཡོངས་ཀྱི་ཨང་དྲུག་པར་སླེབས་ཡོད།

མཚན་སྙན་དེ་ནི་ནུབ་རྒྱུད་ས་ཁུལ་ཚན་རྩལ་ཁྱབ་གདལ་མནའ་འབྲེལ་གྱིས་མཚོ་བྱང་ཁུལ་ཚན་རྩལ་མཐུན་ཚོགས་ཀྱི་ཚན་རྩལ་ཁྱབ་གདལ་བྱ་བར་ཁས་ལེན་བྱས་པ་ཞིག་ཡིན་པར་མ་ཟད། མཚོ་བྱང་ཁུལ་གྱི་དམངས་ཡོངས་ཀྱི་ཚན་རིག་བྱང་ཚད་རྒྱུན་ཆད་མེད་པར་མཐོ་རུ་འགྲོ་བའི་རྣམ་པ་བཟང་པོ་མངོན་པ་ཞིག་ཀྱང་ཡིན་ལ། མཚོ་བྱང་ཁུལ་གྱི་དཔལ་འབྱོར་དང་སྤྱི་ཚོགས་བྱ་གཞག་སོ་སོ་ཡར་རྒྱས་གོང་འཕེལ་བྱུང་བ་བཅས་གཅིག་སྡུད་ཐོག་མཚོན་ཡོད།