རྐང་ཚ་རྫོང་ལ་ཤུལ་བཞག་རིག་གནས་ཀྱི་ཚབ་མཚོན་རྣམ་གྲངས5གསར་དུ་བསྣན།
ཉེ་ཆར། མཚོ་བྱང་བོད་རིགས་རང་སྐྱོང་ཁུལ་མི་དམངས་སྲིད་གཞུང་གིས་མཚོ་བྱང་ཁུལ་གྱི་ཁུལ་རིམ་པའི་གཟུགས་འདས་ཤུལ་བཞག་རིག་གནས་ཀྱི་ཚབ་མཚོན་རྣམ་གྲངས་ཁག་བཞི་པའི་མིང་ཐོ་ཁྱབ་བསྒྲགས་བྱས། དེ་ལས་རྐང་ཚ་རྫོང་གི་རྣམ་གྲངས5མིང་ཐོའི་ནང་ཚུད་འདུག་སྟེ། རྐང་ཚའི་བོད་ཀྱི་གཏམ་དཔེ་དང་རྐང་ཚའི་བོད་ཀྱི་ཤགས་འགྱེད། སྲོག་ཆགས་ཀྱི་གསོབ་གཟུགས་བཟོ་རྩལ། གནག་ཕྱུགས་ཀྱི་ཁུལ་རྩིད་ཀྱིས་སྦྲ་ནག་བཟོ་བའི་ལག་རྩལ། རྒྱ་ཉག་དགོན་པའི་འཆམ་བཅས་སོ།། འདི་དག་ནི་དམངས་ཁྲོད་རྩོམ་རིག་དང་སྲོལ་རྒྱུན་རོལ་དབྱངས། སྲོལ་རྒྱུན་ལག་ཤེས། སྲོལ་རྒྱུན་ཟློས་གར་བཅས་ཀྱི་གཟུགས་འདས་ཤུལ་བཞག་རིག་གནས་ཆེ་གྲས་བཞི་དང་འབྲེལ་བ་ཡོད། རྐང་ཚ་རྫོང་གིས་ཐེངས་འདིར་གཟུགས་འདས་ཤུལ་བཞག་རིག་གནས་ཀྱི་རྣམ་གྲངས6ཡར་ཞུ་བྱས་ཤིང་རྣམ་གྲངས5བདམས་ཐོན་བྱུང་། བདམས་ཐོན་བྱུང་ཚད90%ཟིན་པས་ལོ་རྒྱུས་ཀྱི་ཟིན་ཐོ་གསར་པ་ཞིག་བསྐྲུན་ཡོད།
ད་ལྟའི་བར་དུ་རྐང་ཚ་རྫོང་ལ་ཞིང་ཆེན་རིམ་པའི་གཟུགས་འདས་ཤུལ་བཞག་གི་ཚབ་མཚོན་རྣམ་གྲངས5དང་། ཁུལ་རིམ་པའི་གཟུགས་འདས་ཤུལ་བཞག་གི་ཚབ་མཚོན་རྣམ་གྲངས11དང་། རྫོང་རིམ་པའི་གཟུགས་འདས་ཤུལ་བཞག་གི་ཚབ་མཚོན་རྣམ་གྲངས14དང་། རྫོང་རིམ་པའི་གཟུགས་འདས་ཤུལ་བཞག་རིག་གནས་ཀྱི་ཚབ་མཚོན་རྒྱུན་འཛིན་པ19དང་། ཁུལ་རིམ་པའི་གཟུགས་འདས་ཤུལ་བཞག་རིག་གནས་ཀྱི་ཚབ་མཚོན་རྒྱུན་འཛིན་པ4ཡོད།
རྐང་ཚའི་བོད་ཀྱི་གཏམ་དཔེ།
སྲོག་ཆགས་ཀྱི་གསོབ་གཟུགས་བཟོ་རྩལ།
སྦྲ་ནག་བཟོ་བའི་ལག་ཤེས།
རྐང་ཚའི་བོད་ཀྱི་ཤགས་འགྱེད།
རྒྱ་ཉག་དགོན་པའི་འཆམ།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注