མཚོ་སྔོན་ཞིང་ཆེན་གྱི་ཧོང་ཕུའུ་དམག་དོན་སློབ་གྲྭའི་སློབ་གྲོགས་ཚོགས་པས་ཁོངས་མིའི་གྲོས་ཚོགས་ཐེངས་གཉིས་པ་བསྡུས།
ཟླ3པའི་ཚེས24ཉིན། མཚོ་སྔོན་ཞིང་ཆེན་གྱི་ཧོང་ཕུའུ་དམག་དོན་སློབ་གྲྭའི་སློབ་གྲོགས་ཚོགས་པས་ཁོངས་མིའི་གྲོས་ཚོགས་ཐེངས་གཉིས་པ་ཟི་ལིང་དུ་བསྡུས། གྲོས་ཚོགས་ལས་སྐབས་གསར་བའི་ལས་འཛིན་ལྷན་ཚོགས་ཀྱི་མགོ་ཁྲིད་ཚན་ཆུང་བདམས་ཐོན་བྱུང་། ཞིང་ཆེན་ཏང་ཨུའི་རྒྱུན་ལས་ཨུ་ཡོན། འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་པད་ཁོ་གྲོས་ཚོགས་ལ་ཞུགས་ནས་གཏམ་བཤད། ཧོང་ཕུའུ་དམག་གི་སློབ་གྲྭའི་སློབ་གྲོགས་ཚོགས་པའི་ལས་ཁུངས་ཀྱི་མགོ་ཁྲིད་གྲོས་ཚོགས་ལ་ཞུགས་ནས་ཤིས་ཚིག་ཕུལ།
མཚོ་སྔོན་ཞིང་ཆེན་གྱི་ཧོང་ཕུའུ་དམག་དོན་སློབ་གྲྭའི་སློབ་གྲོགས་ཚོགས་པ་དེ1989ལོའི་ཟླ6པར་བཙུགས་པ་དང་། དེ་ནི་ཀྲུང་གོ་གུང་ཁྲན་ཏང་མཚོ་སྔོན་ཞིང་ཆེན་ཏང་ཨུའི་མགོ་ཁྲིད་འོག་རྒྱལ་ཁབ་ཕྱི་ནང་གི་ཧོང་ཕུའུ་སློབ་གྲོགས་དང་དེའི་གཉེན་མིར་འབྲེལ་འདྲིས་བྱེད་པའི་རྒྱལ་གཅེས་མང་ཚོགས་ཚོགས་པ་ཞིག་རེད། དེ་བཙུགས་ནས་བཟུང་། ཞིང་ཆེན་ཧོང་ཕུའུ་དམག་དོན་སློབ་གྲྭའི་སློབ་གྲོགས་ཚོགས་པས་ལས་ཁུངས་ཀྱི་སྒྲིག་གཞི་རྒྱུན་ཆད་མེད་པར་ལེགས་སྒྱུར་དང་། དོ་དམ་ཞབས་ཞུ་ཤུགས་དྲག་ཏུ་བཏང་ཞིང་། སེམས་ཤུགས་ཡོད་ཚད་བཏོན་ནས་ཧོང་ཕུའུ་སློབ་གྲོགས་དང་དེའི་གཉེན་མིར་ཞབས་འདེགས་ཞུས་ཤིང་། ཁྱད་འཕགས་ཀྱི་བྱེད་ནུས་འདོན་སྤེལ་གང་ལེགས་བྱས་ཏེ། ཐེ་ཝན་དང་བརྗེ་རེས་མཉམ་ལས་བྱེད་པར་སྐུལ་འདེད་གཏོང་བ་དང་། མེས་རྒྱལ་གཅིག་གྱུར་ལ་སྐུལ་འདེད་གཏོང་ཆེད་ཕན་ཡོད་ཀྱི་ལས་དོན་འབོར་ཆེན་ཞིག་བསྒྲུབས་ཡོད།
གྲོས་ཚོགས་ལས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཧོང་ཕུའུ་དམག་དོན་སློབ་གྲྭ་བཙུགས་ནས་ལོ་ངོ100འཁོར་བའི་ལོ་དང་ཧོང་ཕུའུ་དམག་དོན་སློབ་གྲྭའི་སློབ་གྲོགས་ཚོགས་པ་བཙུགས་ནས་ལོ་ངོ40འཁོར་བར་རྟེན་འབྲེལ་ཞུ་བའི་འཕྲིན་ཡིག་གི་དགོངས་དོན་ལག་བསྟར་དང་དངོས་འབེབས་ཟབ་མོ་བྱས་ཏེ། ཏང་གི་ཕྱོགས་ཡོངས་ཀྱི་མགོ་ཁྲིད་རྒྱུན་འཁྱོངས་བྱེད་པ་དང་། ཚོགས་པ་བཙུགས་པའི་བརྗོད་སྙིང་དང་ཆབ་སྲིད་འོས་འགན་ལག་བསྟར་བྱེད་པ། ཧོང་ཕུའུ་སྙིང་སྟོབས་ཤུགས་ཆེན་པོས་དར་སྤེལ་བཏང་ནས་ཀྲུང་གོའི་ལུགས་ཀྱི་དེང་རབས་ཅན་འཛུགས་སྐྲུན་བྱེད་པའི་ལས་ལ་གཞོལ་དགོས། ཧོང་ཕུའུ་ཡི་དགེ་མཚན་འདོན་སྤེལ་གང་ལེགས་བྱས་ཏེ། ཧོང་ཕུའུ་ཡི་མཛའ་བརྩེ་ཕྱི་ཐག་རྒྱུན་སྲིང་བྱེད་པ་དང་། རིག་གནས་བརྗེ་རེས་དང་རིགས་གཞུང་མཉམ་སྒུལ་ཧུར་ཐག་སྒོས་སྤེལ་བ། ནང་དུ་གདན་འདྲེན་ཞུ་བ་དང་ཕྱི་རུ་བསྐྱོད་པའི་བྱེད་ཐབས་སྤྱད་དེ། རྒྱལ་ཁབ་ཕྱི་ནང་གི་ཧོང་ཕུའུ་སློབ་གྲོགས་དང་དེའི་གཉེན་མིར་མཛའ་འབྲེལ་འབྲེལ་འདྲིས་བྱེད་པར་ཤུགས་སྣོན་དགོས་ལ། མགོ་ཁྲིད་ཚན་ཁག་དང་ལས་བྱེད་དཔུང་ཁག་འཛུགས་སྐྲུན་བྱེད་པར་ཤུགས་བསྣན་ཏེ། མཚོ་སྔོན་གྱི་ཧོང་ཕུའུ་དམག་དོན་སློབ་གྲྭའི་སློབ་གྲོགས་ཚོགས་པའི་རྩ་འཛུགས་བྱེད་ནུས་ཤུགས་ཆེན་པོས་མཐོ་རུ་གཏོང་དགོས་པ་བཅས་ནན་གྱིས་བསྟན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注