ཞིང་ཆེན་ཡོངས་ཀྱི་ཞིབ་དཔྱོད་ལས་ཁུངས་ཀྱི་ཉེས་དོན་ཞིབ་དཔྱོད་བྱ་བའི་གྲོས་ཚོགས་བསྡུས།
ཟླ3པའི་ཚེས20ཉིན། མཚོ་སྔོན་ཞིང་ཆེན་མི་དམངས་ཞིབ་དཔྱོད་ཁང་གིས་ཞིང་ཆེན་ཡོངས་ཀྱི་ཞིབ་དཔྱོད་ལས་ཁུངས་ཀྱི་ཉེས་དོན་ཞིབ་དཔྱོད་བྱ་བའི་གྲོས་ཚོགས་བསྡུས་ནས། ཉེ་བའི་ལོ་འགའི་རིང་གི་ཉེས་དོན་ཞིབ་དཔྱོད་བྱ་བ་ཕྱོགས་སྡོམ་བྱས་པ་དང་། ལས་འགན་གཙོ་བོར་ཞིབ་འཇུག་དང་བཀོད་སྒྲིག་བྱས། ཞིང་ཆེན་ཞིབ་དཔྱོད་ཁང་གི་ཏང་ཙུའུ་ཧྲུའུ་ཅི། ཞིབ་དཔྱོད་དཔོན་པོ་ཀྲ་ཆིན་ཅིའུ་གྲོས་ཚོགས་ལ་ཞུགས་པར་མ་ཟད་གཏམ་བཤད། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་དང་། ཞིང་ཆེན་སྒྲིག་ཁྲིམས་ཞིབ་བཤེར་ལྟ་ཞིབ་ཨུ་ཡོན་ལྷན་ཁང་། ཞིང་ཆེན་ཁྲིམས་ཁང་། ཞིང་ཆེན་སྤྱི་བདེ་ཐིན། ཞིང་ཆེན་ཁྲིམས་འཛིན་ཐིན་སོགས་ལས་ཁུངས་ཀྱི་འབྲེལ་ཡོད་བློ་མཐུན་རྣམས་གདན་ཞུས་ལྟར་གྲོས་ཚོགས་ལ་ཞུགས།
གྲོས་ཚོགས་ལས་བསྟན་དོན། ཉེ་བའི་ལོ་འགའི་རིང་། ཞིང་ཆེན་ཡོངས་ཀྱི་ཞིབ་དཔྱོད་ལས་ཁུངས་ཀྱིས་ཏང་གི་ཉེས་དོན་སྲིད་ཇུས་དང་རྒྱལ་ཁབ་ཀྱི་ཉེས་དོན་ཁྲིམས་ལུགས་ལག་བསྟར་ནན་མོ་བྱས་པ་དང་། ཁྲིམས་ལྟར་རིགས་མི་འདྲ་བའི་ཉེས་དོན་ནག་ཉེས་ལ་ཐག་གཅོད་བྱས་ལ། ཉེས་དོན་གཏུག་བཤེར་བྱ་འགུལ་གྱི་བརྒྱུད་རིམ་ཧྲིལ་བོའི་ལྟ་སྐུལ་ལ་ཤུགས་བསྣན་ནས། མི་དམངས་མང་ཚོགས་ཀྱི་རྒྱུ་ནོར་ཚེ་སྲོག་བདེ་འཇགས་ལ་སྲུང་སྐྱོབ་དང་ཉེས་དོན་ཁྲིམས་འཛིན་དྲང་བདེན་ལ་སྐུལ་འདེད་གཏོང་ཆེད། བདེ་འཇགས་མཚོ་སྔོན་དང་ཁྲིམས་སྐྱོང་མཚོ་སྔོན་འཛུགས་སྐྲུན་ལ་སྐུལ་འདེད་གཏོང་བར་ཧུར་ཐག་གིས་བྱས་རྗེས་བཞག
གྲོས་ཚོགས་ལས་ལྟེ་བའི་ཁྱོན་ཡོངས་ལ་དམིགས་ནས་ཉེས་དོན་ཞིབ་དཔྱོད་འགན་ནུས་ནུས་པ་འདོན་སྤེལ་བྱེད་པ་རྒྱུན་འཁྱོངས་དང་། རྒྱལ་ཁབ་ཀྱི་ཆབ་སྲིད་བདེ་འཇགས་ལ་མཐའ་གཅིག་ཏུ་སྲུང་སྐྱོབ་བྱེད་ལ། སྤྱི་ཚོགས་སྤྱི་ཡོངས་བརྟན་འཇགས་ལ་ནུས་ལྡན་སྒོས་སྲུང་སྐྱོང་བྱས་ཏེ། ནུས་ཤུགས་ཡོད་རྒུས་སྤྱི་ཚོགས་དཔལ་འབྱོར་གྱི་སྤུས་ཚད་མཐོ་བའི་འཕེལ་རྒྱས་ལ་ཞབས་འདེགས་ཞུ་དགོས། ཁྲིམས་ལྟར་ཕྱོགས་ཡོངས་དང་ཡང་དག་པའི་སྒོ་ནས་ཉེས་དོན་ཞིབ་དཔྱོད་འགན་དབང་ལག་བསྟར་བྱེད་པ་དང་། ཁྲིམས་ལྟར་ཞིབ་བཤེར་འཛིན་བཟུང་དང་ཁྲིམས་སྦྱོར་ཞིབ་བཤེར། ཁྲིམས་སར་ངོ་བཅར་གྱིས་གཞུང་ཕྱོགས་ཀྱི་ཞུ་སྦྱོར་ལ་རྒྱབ་སྐྱོར་བྱེད་པ། ཉེས་དོན་གཏུག་བཤེར་བྱ་འགུལ་ལ་ལྟ་སྐུལ་བྱེད་པ་སོགས་ཀྱི་བྱ་བར་ཤུགས་བསྣན་ནས། ཉེས་པ་ཁས་ལེན་དང་ཁྲིམས་ཆད་དང་ལེན་གྱི་གུ་ཡངས་ལམ་ལུགས་བེད་སྤྱོད་ལེགས་པོ་བྱེད་དགོས། ཉེས་དོན་ཞིབ་དཔྱོད་དབང་ཆ་དྲང་བདེན་དང་ཚད་ལྡན་གྱིས་བེད་སྤྱོད་པའི་འཁོར་རྒྱུག་ལམ་ལུགས་རྐྱེན་སྲོལ་འཐུས་ཚང་འཛུགས་པ་དང་། ཉེས་དོན་ཞིབ་དཔྱོད་བྱ་བའི་རྐྱེན་སྲོལ་འཐུས་ཚང་དུ་བཏང་ནས། ཉེས་དོན་ཞིབ་དཔྱོད་དོ་དམ་རྣམ་པ་ལེགས་སྒྱུར་བྱེད་ལ། ཉེས་དོན་ཞིབ་དཔྱོད་དབང་ཆ་འཁོར་རྒྱུག་ཚོད་འཛིན་ལྟ་སྐུལ་རྐྱེན་སྲོལ་འཐུས་སྒོ་ཇེ་ཚང་དུ་གཏོང་བ་དང་། ནུས་ཤུགས་ཡོད་རྒུས་བྱང་ཚད་མཐོ་ལ་ཆེད་ལས་ཅན་གྱི་ཉེས་དོན་ཞིབ་དཔྱོད་དཔུང་སྡེ་སྒྲིག་འཛུགས་བྱས་ཏེ། ཕྱོགས་ཡོངས་ནས་ཉེས་དོན་ཞིབ་དཔྱོད་བྱ་བ་དེང་རབས་ཅན་ལ་སྐུལ་འདེད་གཏོང་དགོས་པའི་བླང་བྱ་བཏོན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注