རྒྱལ་ཡོངས་ཀྱི་ཚན་རྩལ་ལས་དོན་ཚོགས་འདུ་པེ་ཅིན་དུ་འཚོགས་པ་དང་ཏིན་ཞུའེ་ཞང་ཚོགས་འདུར་ཞུགས་པ་མ་ཟད་གསུང་བཤད་གནང་བ།

ཟླ1པོའི་ཚེས13ཉིན།　རྒྱལ་ཡོངས་ཚན་རྩལ་ལས་དོན་ཚོགས་འདུ་པེ་ཅིན་དུ་འཚོགས།　ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན་ནམ་ཀྲུང་དབྱང་ཚན་རྩལ་བྱ་བའི་ཨུ་ཡོན་ལྷན་ཁང་གི་ཀྲུའུ་རེན་ཏིན་ཞུའེ་ཞང་ཚོགས་འདུར་ཞུགས་ནས་གསུང་བཤད་གནང་བ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།　ཟླ1པོའི་ཚེས13ཉིན།　རྒྱལ་ཡོངས་ཚན་རྩལ་ལས་དོན་ཚོགས་འདུ་པེ་ཅིན་དུ་འཚོགས།　ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན་ནམ་ཀྲུང་དབྱང་ཚན་རྩལ་བྱ་བའི་ཨུ་ཡོན་ལྷན་ཁང་གི་ཀྲུའུ་རེན་ཏིན་ཞུའེ་ཞང་ཚོགས་འདུར་ཞུགས་ནས་གསུང་བཤད་གནང་།

ཏིན་ཞུའེ་ཞང་གིས་བསྟན་དོན།　ཏང་གི་ཚོགས་ཆེན་ཐེངས་ཉི་ཤུ་པའི་སྟེང་དུ།　2035ལོར་ཚན་རྩལ་གྱི་རྒྱལ་ཁབ་སྟོབས་ལྡན་བསྐྲུན་ནས་འགྲུབ་དགོས་པ་མངོན་གསལ་སྒོས་བསྟན་ཡོད།　　སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱལ་ཡོངས་ཚན་རྩལ་ཚོགས་ཆེན་སྟེང་གསུང་བཤད་གལ་ཆེན་གནང་ནས།　དུས་རབས་གསར་པ་དང་སྐྱོད་ལམ་གསར་པའི་སྟེང་གི་ཚན་རྩལ་ལས་དོན་ཐད་བཀོད་སྒྲིག་གལ་ཆེན་གནང་ཡོད།　　ང་ཚོས“གཏན་ཕབ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་མ་ནོར་ལེན་རྒྱུ་དང་།　“འདུ་ཤེས་བཞི”སྔར་ལས་ཇེ་དྲག་ཏུ་གཏོང་བ།　“ཡིད་རྟོན་བཞི”སྔར་ལས་ཇེ་བརྟན་དུ་གཏོང་བ།“སྲུང་སྐྱོང་གཉིས”སྒྲུབ་ཐུབ་པ་བཅས་བྱས་ཏེ།　བསམ་བློ་དང་ངོས་ཟིན།　བྱ་སྤྱོད་བཅས་སྔར་བས་གཅིག་གྱུར་བྱས་ནས།　ཚན་རྩལ་གྱི་རྒྱལ་ཁབ་སྟོབས་ལྡན་འཛུགས་སྐྲུན་བྱེད་པར་སྐུལ་འདེད་ནན་མོ་བཏང་སྟེ།　གོམ་པ་རེ་རེ་བཞིན་བརྗིད་ཉམས་ལྡན་པའི་འཆར་གཞི་དེ་དོན་དངོས་སུ་བསྒྱུར་དགོས།

ཏིན་ཞུའེ་ཞང་གིས་ནན་གྱིས་བསྟན་དོན།　ཚན་རྩལ་གྱི་ལས་གཞིའི་ལས་འགན་གལ་ཆེན་རྩ་འཛུགས་ལག་བསྟར་བྱེད་པར་ནུས་ཤུགས་ཡོད་རྒུས་སྐུལ་འདེད་གཏོང་བ་དང་།　ལས་གཞི་གསར་པ་ཁག་གཅིག་འདོན་ལེན་བྱེད་པ།　རྩ་འཛུགས་ཡོད་པའི་རྨང་གཞིའི་ཞིབ་འཇུག་ལ་ཤུགས་སྣོན་དགོས།　རྒྱལ་ཁབ་ཀྱི་འཐབ་ཇུས་ཚན་རྩལ་སྟོབས་ཤུགས་འཛུགས་སྐྲུན་བྱེད་ཤུགས་ཆེ་རུ་གཏོང་བ་དང་ནུས་པའི་ངེས་གནས་སྔར་ལས་ཁ་གསལ་བཟོ་བ།　ཚན་རྩལ་ལས་འགན་གལ་ཆེན་དང་ཚན་རྩལ་རྨང་གཞིའི་སྒྲིག་ཆས་ལ་གཅིག་གྱུར་གྱིས་བཀོད་སྒྲིག་བྱེད་ཤུགས་ཆེ་རུ་གཏོང་བ།　མ་ལག་ཅན་གྱི་མཁྲེགས་གཏོར་ནུས་པ་ཆེ་རུ་གཏོང་དགོས།　ཚན་རྩལ་གསར་གཏོད་དང་ཐོན་ལས་གསར་གཏོད་མཉམ་འདྲེས་གཏིང་ཟབ་ཡོང་བར་སྐུལ་འདེད་གཏོང་བ་དང་།　དགོས་མཁོའི་ཁྲིད་སྟོན་ནུས་པ་ཆེ་རུ་གཏོང་བ།　རྣམ་པ་མང་བའི་ཚན་རྩལ་དངུལ་རྩའི་ཞབས་ཞུའི་མ་ལག་འཐུས་ཚང་དུ་གཏོང་བ།　ཚན་རྩལ་གྲུབ་འབྲས་དངོས་ཡོད་ཀྱི་ཐོན་སྐྱེད་ནུས་ཤུགས་སུ་བསྒྱུར་བའི་བགྲོད་ལམ་བསྐྲུན་དགོས།　སློབ་གསོ་དང་ཚན་རྩལ་འཇོན་མིའི་སྒྲིག་སྲོལ་ལམ་སྲོལ་གྱི་གཞི་གཅིག་བཅོས་སྒྱུར་ལ་གཅིག་གྱུར་སྒོས་སྐུལ་འདེད་གཏོང་བ་དང་།　ཚན་རྩལ་གདེང་འཇོག་ལམ་སྲོལ་འཐུས་ཚང་དུ་གཏོང་བ།　ཚན་རིག་མཁས་ཅན་གྱི་སྙིང་སྟོབས་དར་སྤེལ་ཤུགས་ཆེན་གཏོང་བ།　ཚན་རྩལ་གསར་གཏོད་ལ་ཚོད་འཛིན་བྱེད་པའི་བསམ་བློའི་འདུ་ཤེས་དང་སྒྲིག་སྲོལ་དང་ལམ་སྲོལ་གྱི་འགོག་རྐྱེན་ཅི་ཡོད་མཐའ་གཅིག་ཏུ་མེད་པར་བཟོ་དགོས།　ཀྲུང་དབྱང་དང་ས་གནས་ཀྱི་མཐུན་སྦྱོར་ལ་ཤུགས་བསྣན་ནས།　ས་གནས་ཀྱི་ཚན་རྩལ་ལས་དོན་གྱིས་རྒྱལ་ཁབ་ཀྱི་དགོས་མཁོར་སྔར་ལས་ལེགས་པའི་སྒོ་ནས་བརྩི་སྲུང་དང་ཞབས་འདེགས་ཞུ་རྒྱུར་ཁྲིད་སྟོན་བྱས་ཏེ།　ཆུ་ཚད་མཐོ་བའི་སྒོ་ནས་རྒྱལ་སྤྱི་དང་ས་ཁོངས་ཀྱི་ཚན་རྩལ་གསར་གཏོད་ལྟེ་གནས་ཡག་པོ་འཛུགས་དགོས།　ཚན་རྩལ་སྒོ་འབྱེད་མཉམ་ལས་ཟབ་སྤེལ་གཏོང་བ་དང་།　གཉིས་ཕན་གཉིས་རྒྱལ་གྱི་ཚན་རྩལ་མཉམ་ལས་རོགས་རེས་འབྲེལ་བ་འཛུགས་པ།　རྒྱལ་སྤྱི་ཅན་གྱི་ཚན་རིག་ཞིབ་འཇུག་ཁོར་ཡུག་འཛུགས་སྐྲུན་ལ་ཤུགས་སྣོན་པ།　ཚན་རྩལ་དོ་དམ་ལས་བྱེད་པས་ཆབ་སྲིད་ནུས་པ་ཆེ་རུ་གཏོང་བ་དང་ཆེད་ལས་ཆུ་ཚད་མཐོར་འདེགས་གཏོང་བ།ལས་ཀའི་སྤྱོད་ཚུལ་ཇེ་ལེགས་སུ་གཏོང་བ་བཅས་བྱས་ཏེ།　ལས་སྒྲུབ་ཀྱི་སྤྲོ་སེམས་དང་ཚན་རིག་དང་མཐུན་པའི་རྣམ་འགྱུར་ཟུང་འབྲེལ་བྱས་ཏེ།　གསར་གཏོད་རང་བཞིན་གྱི་སྒོ་ནས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དོན་འཁྱོལ་ཡག་པོ་བྱེད་དགོས།

ཞིང་ཆེན་དང་རང་སྐྱོང་ལྗོངས།　གྲོང་ཁྱེར་སོ་སོ་དང་ཞིན་ཅང་ཐོན་སྐྱེད་འཛུགས་སྐྲུན་དམག་དཔུང་།　ཀྲུང་དབྱང་དང་རྒྱལ་ཁབ་སྒྲིག་གཞིའི་འབྲེལ་ཡོད་སྡེ་ཁག་དང་ལས་ཁུངས་ཀྱི་ཁག་བགོས་ཚན་རྩལ་ལས་དོན་གྱི་འཁུར་མཁན་བློ་མཐུན་དང་འབྲེལ་ཡོད་ཚན་རྩལ་ལས་རིགས་ཀྱི་འཐུས་མི་ཚོགས་འདུར་ཞུགས།