ཞིང་ཆེན་དམག་ཁུལ་ཏང་ཨུའི་སྐབས་བཅུ་བཞི་པའི་ཚང་འཛོམས་རྒྱས་འཛོམས་གྲོས་ཚོགས་ཐེངས་གཉིས་པ་བསྡུས།

ཞིང་ཆེན་དམག་ཁུལ་ཏང་ཨུའི་སྐབས་བཅུ་བཞི་པའི་ཚང་འཛོམས་རྒྱས་འཛོམས་གྲོས་ཚོགས་ཐེངས་གཉིས་པ་ཟླ1ཚེས10ཉིན་ནས་ཚེས11ཉིན་བར་ཟི་ལིང་དུ་བསྡུས། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམག་ཁུལ་གྱི་ཏང་ཨུའི་ཧྲུའུ་ཅི་དང་པོ་ཝུའུ་ཞའོ་ཅུན་གྲོས་ཚོགས་ལ་ཞུགས་པར་མ་ཟད་གཏམ་བཤད། ཁོས་ནན་གྱིས་བསྟན་དོན། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་བྱེད་པ་དང་། ཞི་ཅིན་ཕིང་གི་དམག་དར་དགོངས་པ་མཐའ་གཅིག་ཏུ་ལག་བསྟར་བྱེད་པ། ཏང་གིས་དྲག་ཆས་ལ་དོ་དམ་བྱེད་པའི་རྩ་དོན་རྒྱུན་འཁྱོངས་བྱེད་པ། དུས་བཀག་ལྟར་དམག་བཙུགས་ནས་ལོ་བརྒྱ་འཁོར་བའི་འབད་འཐབ་དམིགས་འབེན་མངོན་འགྱུར་བྱེད་པར་དམིགས་ནས། རང་ཞིང་གི་རྒྱལ་སྲུང་སྐུལ་སློང་དང་རྗེས་གྲབས་སྟོབས་ཤུགས་འཛུགས་སྐྲུན་སྤུས་ཚད་མཐོ་བའི་ངང་འཕེལ་རྒྱས་སུ་གཏོང་བར་སྐུལ་འདེད་གཏོང་བ་དང་། དུས་རབས་གསར་པའི་དམག་དར་དམག་སྤེལ་གྱི་རྒྱུགས་འབྲས་བཟང་བོ་སྤྲོད་དགོས།

ཝུའུ་ཞའོ་ཅུན་གྱིས་བསྟན་དོན། འདས་པའི་ལོ་གཅིག་གི་ནང་། ཞིང་ཆེན་དམག་ཁུལ་ཏང་ཨུས་ཞི་ཅིན་ཕིང་གི་དམག་དར་དགོངས་པ་ལག་བསྟར་ཟབ་མོ་བྱས་པ་དང་། དུས་རབས་གསར་པའི་དམག་དོན་འཐབ་ཇུས་བྱེད་ཕྱོགས་ཕྱོགས་ཡོངས་ནས་དོན་འཁྱོལ་བྱས་ལ། སྤུས་ཚད་མཐོ་བའི་འཕེལ་རྒྱས་གཙིགས་སུ་བཟུང་བ་དང་། བསམ་བློ་ཆབ་སྲིད་ཀྱི་རྨང་གཞི་རྒྱུན་མཐུད་ངང་སྲ་བརྟན་དུ་བཏང་ལ། སྐུལ་སློང་དམག་གྲབས་ཆུ་ཚད་རྒྱུན་མཐུད་ངང་ཇེ་མཐོར་སོང་ཞིང་། རྒྱལ་སྲུང་སྐུལ་སློང་མ་ལག་རྒྱུན་མཐུད་ངང་འཐུས་ཚང་དུ་བཏང་བ་དང་། ས་གནས་ལ་ཞབས་འདེགས་ཞུ་བའི་གྲུབ་འབྲས་རྒྱུན་མཐུད་ངང་མངོན་ཡོང་ལ། འཛུགས་སྐྲུན་སྣ་ཚོགས་ཐད་ནས་ཁྱོན་ཡོངས་ནས་ཡར་ཐོན་དང་སྤྱིའི་ཆ་ནས་མཐོར་འདེགས་བྱུང་བའི་རྣམ་པ་བཟང་བོ་མངོན།

ཝུའུ་ཞའོ་ཅུན་གྱིས་ནན་གྱིས་བསྟན་དོན། ད་ལོ་ནི་དམག་དཔུང་འཛུགས་སྐྲུན་གྱི་ལོ་ལྔའི་འཆར་འགོད་བཅུ་བཞི་པ་མཇུག་བསྡུ་བའི་ལོ་ཡིན་ལ། དམག་དཔུང་བཙུགས་ནས་ལོ་བརྒྱ་འཁོར་བའི་འབད་འཐབ་དམིགས་འབེན་མངོན་འགྱུར་བྱེད་པའི་མཁྲེགས་གཏོར་དམག་འཐབ་རྒྱག་པའི་གནད་འགག་གི་ལོ་ཡང་ཡིན་པས། ཞིང་ཆེན་དམག་ཁུལ་གྱི་རིམ་པ་སོ་སོས་ཆབ་སྲིད་དམག་འཛུགས་ཀྱི་ཐབས་ཇུས་ལག་བསྟར་བྱེད་པའི་ཚད་གཞི་སྔར་ལས་མཐོན་པོ་འཛུགས་པ་དང་། ཏང་གིས་དམག་དཔུང་ལ་མཐའ་གཅིག་ཏུ་མགོ་ཁྲིད་པའི་གཞི་རྩའི་རྩ་དོན་དང་ལམ་ལུགས་གཡོ་འགུལ་མེད་པར་རྒྱུན་འཁྱོངས་བྱེད་པ། རྒྱུན་འཁྱོངས་ལྷོད་མེད་སྒོས་གཞུང་ལུགས་ཀྱི་དྲག་ཆས་སྤྲས་པ། རྒྱུན་འཁྱོངས་ལྷོད་མེད་སྒོས་ཆབ་སྲིད་ཀྱི་སྦྱོང་བརྡར་ལ་ཤུགས་བསྣན་ནས། དམག་དཔུང་འཛུགས་སྐྲུན་དེ་ཆབ་སྲིད་ཀྱི་ཁ་ཕྱོགས་ཡང་དག་བརྒྱུད་དེ་མདུན་དུ་བསྐྱོད་པར་ཁག་ཐེག་བྱེད་དགོས། རྒྱལ་སྲུང་སྐུལ་སློང་གི་རོགས་སྐྱོར་དམག་འཁྲུག་གི་འགན་འཁྲི་ལག་བསྟར་བྱེད་པའི་སྟེང་ནུས་པ་སྔར་ལས་ཆེན་པོ་ཡོད་པར་བྱེད་པ་དང་། འཐབ་འཁྲུག་ནུས་པའི་རྩ་བའི་ཚད་གཞི་གཅིག་པུ་བརྟན་པོ་འཛུགས་པ། དུས་རབས་གསར་པའི་མི་དམངས་དམག་འཁྲུག་གི་ཁྱད་ཆོས་གསར་པ་དང་རེ་བ་གསར་པར་གོ་བ་ཡང་དག་ལེན་པ། རྒྱལ་སྲུང་སྐུལ་སློང་གི་མ་ལག་འཐུས་ཚང་དུ་བཏང་ནས། སྦས་ཤུགས་དེ་དམག་གྲབས་དངོས་ཤུགས་སུ་བསྒྱུར་བ་དང་སྦས་ཤུགས་ཀྱི་དགེ་མཚན་དེ་རྒྱལ་ཁ་ལེན་ཐུབ་པའི་གནས་བབ་ཏུ་བསྒྱུར་དགོས། བཅོས་སྒྱུར་གྱི་བཀོད་སྒྲིག་ལག་བསྟར་བྱེད་པའི་སྟེང་བྱེད་ཐབས་སྔར་ལས་བཟང་བོ་སྤྱོད་པ་དང་། རྒྱལ་སྲུང་དང་དམག་དཔུང་དེང་རབས་ཅན་འཛུགས་སྐྲུན་གྱི་བཀོད་སྒྲིག་གསར་པ་དང་རེ་བ་གསར་པར་གོ་བ་ཡང་དག་ལེན་པ། དམག་དཔུང་དང་ས་གནས་བརྒལ་བའི་བཅོས་སྒྱུར་སྟེང་རྒྱུན་མཐུད་ངང་མཁྲེགས་གཏོར་བྱེད་པ་དང་། སྤུས་གསར་ཐོན་སྐྱེད་ནུས་ཤུགས་དང་སྤུས་གསར་འཐབ་འཛིང་ནུས་པ་གཉིས་ནུས་ལྡན་མཉམ་བསྲེས་བྱེད་པར་སྐུལ་འདེད་གཏོང་བ། དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་དང་རྒྱལ་སྲུང་སྐུལ་སློང་གི་བཅོས་སྒྱུར་ཚུལ་སྒྱུར་དང་མཐུན་སྦྱོར་མཉམ་འཕེལ་ལ་སྐུལ་འདེད་བཏང་ནས། མཚོ་སྔོན་གྱི་ཁྱད་ཆོས་ལྡན་པའི་དམག་དམངས་མཉམ་བསྲེས་སྒོས་འཕེལ་རྒྱས་སུ་གཏོང་བའི་རྣམ་པ་གསར་པ་གྲུབ་པར་བྱེད་དགོས། དམག་སྲིད་དམག་དམངས་ཀྱི་མཐུན་སྒྲིལ་ལ་སྐུལ་འདེད་གཏོང་བའི་སྟེང་ནུས་པ་སྔར་ལས་ཆེན་པོ་འདོན་སྤེལ་བྱེད་པ་དང་། དམག་བཀུར་ཁྱིམ་སྐྱོང་དང་སྲིད་བཀུར་དམངས་གཅེས་ཀྱི་གཏམ་རྒྱུད་བཟང་བོར་བཤད་པ། དམག་དཔུང་དང་ས་གནས་ཀྱིས་ཕན་ཚུན་ལ་དགོས་མཁོ་འདོན་པ་དང་ཕན་ཚུན་ལ་དོན་དངོས་སྒྲུབ་པའི་སྟེང་ཐབས་ཇུས་བཟང་བོ་དང་དངོས་གཉེར་ཀྱི་བྱེད་ཐབས་མང་པོ་འདོན་པ། གསར་གཏོད་ཀྱི་གྲུབ་འབྲས་མང་པོ་ལེན་པ། དམག་དཔུང་གི་ནུས་པ་དང་ས་གནས་ཀྱི་དགོས་མཁོ། མང་ཚོགས་ཀྱི་རེ་བ་ཟུང་འབྲེལ་བྱས་ནས། སྟོབས་ཤུགས་ཡོད་རྒུས་དམག་དཔུང་གི་བཅོས་སྒྱུར་འཕེལ་རྒྱས་ཐད་ཕན་ཡོད་ཀྱི་ཆ་རྐྱེན་བསྐྲུན་པ་དང་། ས་གནས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཐད་རོགས་ཤུགས་འདོན་དགོས། ཏང་གི་འཛུགས་སྐྲུན་ལ་ཕྱོགས་ཡོངས་ནས་ཤུགས་སྣོན་པའི་སྟེང་གྲུབ་འབྲས་སྔར་ལས་བཟང་བོ་ལེན་པ་དང་། དུས་རབས་གསར་པའི་ཏང་གི་འཛུགས་སྐྲུན་གྱི་སྤྱིའི་རེ་བ་ཁོང་དུ་ཆུད་པར་བྱེད་པ། དུས་རབས་གསར་པའི་ཏང་གི་རྩ་འཛུགས་ལམ་ཕྱོགས་ཕྱོགས་ཡོངས་ནས་ལག་བསྟར་བྱེད་པ། ཏང་གི་ཆབ་སྲིད་འཛུགས་སྐྲུན་སྤྱིའི་སྣེ་ཁྲིད་དུ་བྱེད་པ། ཏང་ཕྱོགས་ཡོངས་ནས་བཅོས་སྐྱོང་ནན་མོ་བྱེད་པ་དང་དམག་དཔུང་བཅོས་སྐྱོང་ནན་མོ་བྱེད་པར་རྒྱུན་མཐུད་ངང་སྐུལ་འདེད་བཏང་སྟེ། དམག་དཔུང་བཙུགས་ནས་ལོ་བརྒྱའི་འབད་འཐབ་དམིགས་འབེན་མངོན་འགྱུར་བྱེད་ཆེད་ཆབ་སྲིད་ཀྱི་འགན་སྲུང་བརྟན་པོ་འདོན་སྤྲོད་བྱེད་དགོས།

གྲོས་ཚོགས་སྐབས་སུ། ཞིང་ཆེན་དམག་ཁུལ་གྱི་ཏང་ཨུའི་ཧྲུའུ་ཅི་གཞོན་པ། དམག་སྤྱི་ལིས་ཧྲིན་ལིས་ཀྱིས་ཞིང་ཆེན་དམག་ཁུལ་ཏང་ཨུའི་རྒྱུན་ལས་ཨུ་ཡོན་ལྷན་ཁང་གི་ཚབ་བྱས་ནས་བྱ་བའི་སྙན་ཞུ་ཕུལ། ཞིང་ཆེན་དམག་ཁུལ་ཏང་ཨུའི་རྒྱུན་ལས་ཨུ་ཡོན། དམག་སྤྱི་གཞོན་པ་རྣམ་རྒྱལ་སོགས་གྲོས་ཚོགས་ལ་ཞུགས། ཚོགས་ཐོག་ནས་ད་དུང་ཞིང་ཆེན་དམག་ཁུལ་གྱི2024ལོའི་སྔོན་ཐོན་སྡེ་ཁག་དང་མི་སྒེར་ལ་གཟེངས་བསྟོད་བྱས།