རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་སོགས་སྡེ་ཚན16གིས་དགུན་ཁའི་གུང་གསེང་གི་བྱིས་པར་གཅེས་སྐྱོང་བྱེད་པའི་ཞབས་ཞུའི་བྱེད་སྒོ་བཀོད་སྒྲིག་བྱས་པ།
2025ལོའི་དགུན་ཁའི་གུང་གསེང་སླེབས་ཉེར་ཡོད་པས། རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་སོགས་སྡེ་ཁག16གིས་བརྡ་སྦྱོར་པར་འགྲེམས་བྱས་ཏེ། བསམ་བློས་བྱིས་པའི་བདེན་པར་སྣེ་ཁྲིད་དང་བདེ་འཇགས་ཤེས་བྱས་བྱིས་པར་སྲུང་སྐྱོང་བྱེད་པ། ཕ་མས་ཕྲུ་གུར་བྱམས་སྐྱོང་གིས་བྱིས་པའི་སྤྲོ་སྣང་འཕེལ་བར་བྱེད་པ། གཅེས་སྐྱོང་རོགས་རམ་གྱིས་བྱིས་པའི་སེམས་པར་དྲོད་སྐྱིད་སྐྱེལ་བ་སོགས་ཀྱི་ཐད་ལ་དམིགས་ཏེ།“བརྩེ་སེམས་ཁྱིམ་དུ་སྐྱེལ་ནས་མཉམ་དུ་འཚར་ལོངས་སྲུང་སྐྱོང་བྱེད་པའི”2025ལོའི་དགུན་ཁའི་གུང་གསེང་གི་བྱིས་པར་གཅེས་སྐྱོང་ཞབས་ཞུའི་བྱེད་སྒོ་བཀོད་སྒྲིག་བྱས་ཏེ། བྱིས་པ་རྣམས་ཀྱིས་སྤྲོ་སྐྱིད་དང་འཆམ་མཐུན་ངང་དཔྱིད་གསར་དུས་ཆེན་དང་དོན་སྙིང་ལྡན་པའི་གུང་གསེང་ཞིག་རོལ་བར་སྲུང་སྐྱོང་བྱས།
བརྡ་སྦྱོར་ནང་བསྟན་དོན། ས་གནས་ཁག་གི་འབྲེལ་ཡོད་སྡེ་ཚན་ཁག་གིས་དགུན་ཁའི་གུང་གསེང་སྐབས་ལུགས་རྙིང་ལོ་གསར་ལ་ཁེལ་བའི་གོ་སྐབས་བཟང་པོ་དམ་འཛིན་བྱས་ཏེ། བྱིས་པའི་བྱེད་སྒོའི་ལྟེ་གནས་སོགས་སློབ་གྲྭའི་ཕྱི་རོལ་གྱི་སློབ་གསོའི་ལས་ཁུངས་ལ་བརྟེན་ནས། དྲན་གསོའི་ཁང་སོགས་གཡུལ་སའི་ནུས་པ་འདོན་སྤེལ་བྱས་ཏེ། བྱེད་སྒོའི་གཞི་རྟེན་གསར་གཏོད་དང་ཁྱད་ཆོས་ལྡན་པའི་ཐོན་ཁུངས་སྔོག་འདོན་བྱེད་པ་དང་། དཔྱིད་གསར་དུས་ཆེན་གྱི་ཆ་ཚིག་འབྲི་བ་དང་། སྒེའུ་ཁུང་གི་མེ་ཏོག་དྲ་བ། ལྡུམ་རའི་སྤྲོ་སྟོན། རྒྱ་ལོ་བཅོ་ལྔའི་དགའ་སྟོན་སོགས་ལོ་གསར་གྱི་རིག་གནས་བྱེད་སྒོ་རྒྱ་ཁྱབ་ཏུ་སྤེལ་བ་དང་། སྲོལ་རྒྱུན་རིག་གནས་ཉམས་ལེན་བྱེད་སྒོ་སྒྲིག་འཛུགས་བྱས་ཏེ། རྒྱ་ཆེའི་བྱིས་པར་ཀྲུང་ཧྭ་རིག་གནས་ཀྱི་གཏིང་ཟབ་པའི་རྨང་གཞི་ཤེས་རྟོགས་དང་ཁྱིམ་ཚང་དང་རྒྱལ་ཁབ་ཀྱི་བརྩེ་དུང་ཇེ་ཟབ་ཏུ་གཏོང་བར་ཁྲིད་སྟོན་བྱ་དགོས། བྱིས་པའི་དགུན་ཁའི་གུང་གསེང་ལ་འཕྲད་སྲིད་པའི་བསམ་ཡུལ་ལས་འདས་པའི་གནོད་འཚེ་དང་ཁྲིམས་འགལ་གནོད་འཚེ་ལ་དམིགས་ནས། ཁྱིམ་ཚང་ཚན་རིག་ཁྱབ་གདལ་གྱི་ཡོངས་བསྒྲགས་སློབ་ཚན་དང་། “བྱིས་པར་གཅེས་སྐྱོང་དང་ཞབས་ཞུའི་བདེ་འཇགས་སྐོར་གྱི་བསླབ་བྱའི”དྲིལ་བསྒྲགས་བྱེད་ཤུགས་ཆེ་རུ་གཏོང་བ་དང་། ལོ་ན་མ་སོན་པའི་མི་སྣའི་སྲུང་སྐྱོང་བཅའ་ཁྲིམས་སོགས་བཅའ་ཁྲིམས་ཁྱབ་གདལ་དྲིལ་བསྒྲགས་བྱེད་ཤུགས་ཆེ་རུ་གཏོང་དགོས། ཁ་གཏད་གཅེས་སྐྱོང་ཡག་པོ་བྱས་ཏེ་གཅེས་སེམས་ཨ་མ་སོགས་དང་བླངས་ཞབས་ཞུའི་དཔུང་ཁག་གི་ནུས་པ་འདོན་སྤེལ་བྱས་ནས། ཕྲུ་གུ་དང་མཉམ་དུ་ལོ་གསར་ལ་རོལ་བ་དང“བསམ་འདུན་ཕྲ་མོ”མངོན་འགྱུར་བྱེད་དགོས། ཉི་འོད་ས་ཚིགས་སོགས་རྣམ་གྲངས་དང་སྡེ་ཚན་མང་པོའི་ཐོན་ཁུངས་གཅིག་གྱུར་འཆར་འགོད་བྱས་ཏེ། ཐུན་མོང་གཅེས་སྐྱོང་དང་ཚབ་གཉེར་ལྟ་སྐྱོང་སོགས་དྲོད་སེམས་ཞབས་ཞུ་མཁོ་འདོན་བྱེད་དགོས།
བརྡ་སྦྱོར་ནང་། ས་གནས་ཁག་དང་སྡེ་ཁག་ཁག་གིས་གཅིག་གྱུར་འཆར་འགོད་དང་མཐུན་སྦྱོར་ལ་ཤུགས་སྣོན་བརྒྱབ་ནས། དགེ་མཚན་ལྡན་པའི་ཐོན་ཁུངས་དང་ཆེད་ལས་སྟོབས་ཤུགས་གཅིག་བསྡུས་བྱས་ཏེ། གཅེས་སྐྱོང་ཞབས་ཞུའི་སྤྱི་ཡོངས་ཀྱི་མཉམ་ཤུགས་ཆགས་པར་སྐུལ་འདེད་གཏོང་དགོས། ས་གནས་ཀྱི་གནས་ཚུལ་དང་བསྟུན་ནས་བྱེད་སྒོའི་རྣམ་པ་ཕུན་སུམ་ཇེ་ཚོགས་སུ་གཏོང་བ་དང་། བྱིས་པའི་བསམ་འདུན་མངོན་པར་བྱས་ནས། བྱེད་སྒོའི་ཡིད་དབང་འགུག་ཤུགས་དང་འཕྲོད་ཐུབ་པའི་རང་བཞིན་ཆེ་རུ་གཏོང་དགོས། དྲིལ་བསྒྲགས་བྱེད་ཤུགས་ཆེ་རུ་གཏོང་བ་དང་དཔེ་མཚོན་གྱི་དཔེ་མཚོན་སྔོག་འདོན་གྱིས། ཉམས་མྱོང་ལེགས་པོ་ཁྱབ་སྤེལ་བཅས་བྱས་ཏེ། སྤྱི་ཚོགས་ཡོངས་ཀྱིས་བྱིས་པར་སེམས་ཁུར་དང་གཅེས་སྐྱོང་བྱེད་པའི་རྣམ་པ་བཟང་པོ་ཆགས་རྒྱུར་སྐུལ་འདེད་གཏོང་དགོས་པའི་བླང་བྱ་བཏོན་ཡོད། །
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注