བསམ་པའི་དཔལ་ཡོན་འཛུགས་སྐྲུན་གྱི“ལྔ་ཅན་གཅིག་བཟོ་སྐྲུན”གྱི་གཟེངས་བསྟོད་བཞུགས་མོལ་ཚོགས་འདུ་སྐབས་བཅུ་བདུན་པ་པེ་ཅིན་དུ་འཚོགས་པ།

ཚོགས་ཞུགས་འཐུས་མིས་ཞི་ཅིན་ཕིང་གི་རིག་གནས་དགོངས་པ་སློབ་སྦྱོང་མཐར་ཕྱིན་དང་ལག་བསྟར་ནན་མོ་བྱས་ཏེ། སྔ་འཛིན་ཕྱི་གཏོད་ཀྱི་ཕུགས་འདུན་གཉེར་ནས། རིག་གནས་དོན་གཉེར་དང་སྒྱུ་རྩལ་གྱི་ཕུགས་བསམ་དེ་ཀྲུང་གོའི་ལུགས་ཀྱི་དེང་རབས་ཅན་གྱི་རླབས་ཆེན་བྱ་གཞག་ནང་སིམ་འདྲེས་ཡོང་བར་བྱས་ཏེ། ཀྲུང་གོའི་ལོ་རྒྱུས་སྟེང་གི་རིག་གནས་ཀྱི་མཐོ་རླབས་གསར་པར་རྒྱུན་ཆད་མེད་པར་བསྐྲུན་དགོས་ཟེར།

ཚོགས་ཞུགས་འཐུས་མིས་འཚོ་བའི་ཟབ་སར་འཛུལ་ཏེ་སྤུས་ཚད་མཐོ་རུ་གཏོང་རྒྱུ་དེ་སྲོག་རྩ་རུ་བརྩིས་ནས། རིག་གནས་ཀྱི་གསར་གཏོད་ནུས་པ་ཆེ་རུ་གཏོང་རྒྱུར་ཤུགས་བསྣན་ནས། དུས་རབས་ཀྱི་སྙིང་སྟོབས་མཚོན་པ་དང་སྣ་མང་ཕུན་སུམ་ཚོགས་པའི་ཕུལ་བྱུང་བརྩམས་ཆོས་སྔར་ལས་གང་མང་འདོན་དགོས། རིག་གནས་གསར་རྩོམ་རྩ་འཛུགས་ཀྱིས་ཁྲིད་སྟོན་བྱེད་ཀྱིན་པའི་ཚན་རིག་ཅན་གྱི་ཆུ་ཚད་སྔར་ལས་མཐོ་རུ་གཏོང་དགོས་པ་དང་། གསར་རྩོམ་ལ་བརྟེན་ནས་འཇོན་མི་གསོ་སྐྱོང་དང་ལས་གཞིར་བརྟེན་ནས་འཇོན་མི་ཁྲིད་རྒྱུ་རྒྱུན་འཁྱོངས་བྱས་ཏེ། འཇོན་མི་འབུར་ཐོན་ཅན་སྐྱེད་སྲིང་ལ་གོ་སྐབས་དང་ཆ་རྐྱེན་སྔར་ལས་གང་ལེགས་བསྐྲུན་དགོས། “ལྔ་ཅན་གཅིག་བཟོ་སྐྲུན”གྱི་འདེམས་བསྐོ་རྩ་འཛུགས་ལས་དོན་མུ་མཐུད་ཇེ་ལེགས་སུ་གཏོང་བ་དང་ལེགས་བཅོས་བྱས་ཏེ། ཁྱབ་ཁྱོན་དང་ཞུགས་ཚད་སྔར་ལས་ཇེ་ཆེར་བཏང་ནས། ཕུལ་བྱུང་བརྩམས་ཆོས་སྔར་ལས་མང་པོས་གཞི་རིམ་དང་མང་ཚོགས་ལ་ཕན་པ་ཐོབ་ཏུ་འཇུག་དགོས་ཟེར།  །