ཧྲིན་དབྱི་ཆིན་ཀོང་ཏུང་ཞང་ཀང་ཨའོ་མིན་མཚོ་ཁུག་ཆེན་པོའི་ས་ཁུལ་གྱི་བུད་མེད་མཉམ་འདྲེས་མཐུན་སྦྱོར་འཕེལ་རྒྱས་བྱེད་སྒོའི་མགོ་རྩོམ་མཛད་སྒོར་ཞུགས་ཏེ་ཤིས་ཚིག་ཕུལ།

2024ལོའི“གཅེན་གཅུང་གིས་ལག་གདང་སྦྲེལ་ཏེ་སེམས་མཐུན་གྱི་ངང་ནས་མཚོ་ཁུག་ཁུལ་གྱི་ཁྱིམ་གཞིས་བཟང་པོ་མཉམ་སྐྲུན་བྱེད་ཅེས་པའིjཀོང་ཏུང་ཞང་ཀང་ཨའོ་མིན་མཚོ་ཁུག་ཁུལ་ཆེན་པོའི་བུད་མེད་མཉམ་འདྲེས་མཐུན་སྦྱོར་འཕེལ་རྒྱས”ཀྱི་བྱེད་སྒོ་ཚེས29ཉིན་ཨའོ་མིན་དུ་སྤེལ་མགོ་བརྩམས། རྒྱལ་སྲིད་ཨུ་ཡོན། རྒྱལ་ཡོངས་བུད་མེད་མཉམ་འབྲེལ་ལྷན་ཚོགས་ཀྱི་ཀྲུའུ་རིན་ཧྲིན་དབྱི་ཆིན་མགོ་རྩོམ་མཛད་སྒོར་ཞུགས་ཏེ་ཤིས་ཚིག་ཕུལ།

ཧྲིན་དབྱི་ཆིན་གྱིས་ཅང་མ་འགོར་བའི་སྔོན་ལ། ཀྲུའུ་ཞི་ཞི་ཅིན་ཕིང་གིས་ཨའོ་མིན་ཕྱིར་མེས་རྒྱལ་གྱི་པང་དུ་ལོག་ནས་ལོ25འཁོར་བར་རྟེན་འབྲེལ་ཞུ་བའི་ཚོགས་ཆེན་དང་། ཨའོ་མིན་དམིགས་བསལ་སྲིད་འཛིན་ཁུལ་གྱི་སྐབས་དྲུག་པའི་སྲིད་གཞུང་གི་འགན་བཞེས་མཛད་སྒོར་ཞུགས་ཏེ་ཨའོ་མིན་ལ་གཟིགས་ཞིབ་གནང་བར་མ་ཟད། དེ་འབྲེལ་གྱི་གསུང་བཤད་གལ་ཆེན་རབ་དང་རིམ་པ་གནང་ནས། “རྒྱལ་ཁབ་གཅིག་ལ་ལམ་ལུགས་གཉིས”ཀྱི་ལག་ལེན་གྱི་རྣམ་པ་གསར་པ་རྒྱུན་ཆད་མེད་པར་བསྐྲུན་རྒྱུར་རྩ་བའི་གཞི་འཛིན་ས་མཁོ་འདོན་བྱས་པ་དེ་ཀོང་ཏུང་ཞང་ཀང་ཨའོ་མིན་མཚོ་ཁུག་ཆེན་པོའི་ཁུལ་འཛུགས་སྐྲུན་བྱེད་ཚད་ཇེ་མགྱོགས་སུ་གཏོང་བར་མཛུབ་སྟོན་གྱི་དོན་སྙིང་གལ་ཆེན་ལྡན་ཞེས་བསྟན།

ཧྲིན་དབྱི་ཆིན་གྱིས“རྒྱལ་ཁབ་གཅིག་ལ་ལམ་ལུགས་གཉིས”ཀྱི་བྱ་གཞག་འཕེལ་རྒྱས་ལ་སྐུལ་འདེད་གཏོང་བ་དང་། ཀོང་ཏུང་ཞང་ཀང་ཨའོ་མིན་མཚོ་ཁུག་ཆེན་པོའི་ཁུལ་འཛུགས་སྐྲུན་བྱེད་པར་བུད་མེད་ཀྱི་ནུས་པ་ནི་གཞན་གྱིས་ཚབ་བྱེད་ཐབས་བྲལ་བ་ཞིག་ཡིན། མཚོ་ཁུག་ཆེན་པོའི་ས་ཁུལ་གྱི་བུད་མེད་ཀྱིས་ཀྲུའུ་ཞི་ཞི་ཅིན་ཕིང་གི་རྒྱས་བཤད་གལ་ཆེན་མཛུབ་སྟོན་དུ་བཟུང་ནས། མཐོ་སར་རྒྱང་ལྟ་བྱས་ཏེ། ཀློང་བརྒྱ་མཚོ་སྡུད་ཀྱི་རྣམ་པས་ཡར་རྒྱས་བརྩོན་ལེན་བྱས་ནས། “རྒྱལ་ཁབ་གཅིག་ལ་ལམ་ལུགས་གཉིས”ཀྱི་བྱ་གཞག་འཕེལ་རྒྱས་གཏོང་བའི་ཁྲོད་བུད་མེད་ཀྱི་ནུས་པ་སྔར་ལས་ལེགས་པའི་སྒོ་ནས་འདོན་སྤེལ་བྱེད་རྒྱུ་དང་། མཛེས་སྡུག་ལྡན་པའི་ཁྱིམ་གཞིས་འཛུགས་སྐྲུན་བྱེད་པའི་ཁྲོད་བུད་མེད་ཀྱི་ཉམས་འགྱུར་སྔར་ལས་ལེགས་པའི་སྒོ་ནས་མངོན་པར་བྱེད་པ། མཉམ་འདྲེས་མཐུན་སྦྱོར་འཕེལ་རྒྱས་ལ་སྐུལ་འདེད་གཏོང་བའི་ཁྲོད་བུད་མེད་ཀྱི་བདེ་སྐྱིད་སྔར་ལས་ལེགས་པའི་སྒོ་ནས་ཆེ་རུ་གཏོང་བ་བཅས་བྱས་ཏེ། རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་གྱི་རླབས་ཆེན་བྱ་གཞག་ལ་སྐུལ་འདེད་གཏོང་ཆེད་བུད་མེད་ཚོས་ཡང་བསྐྱར་བྱས་རྗེས་གསར་པ་འཇོག་རྒྱུའི་རེ་ལྟོས་ཆེ་ཞེས་བསྟན།

བྱེད་སྒོ་སྤེལ་བའི་རིང་ལ། ཧྲིན་དབྱི་ཆིན་གྱིས་ད་དུང་ཨའོ་མིན་བུད་མེད་ཚོགས་པའི་ཁྱིམ་ཚང་གི་ཞབས་ཞུ་དང་རྒན་རབས་པའི་ཞབས་ཞུ་སོགས་ཀྱི་ལས་དོན་ལ་རྟོག་ཞིབ་བྱས་ནས། རྒྱལ་གཅེས་ཨའོ་གཅེས་ཁྱིམ་གཅེས་ཀྱི་སྲོལ་རྒྱུན་བཟང་པོ་རྒྱུན་འཛིན་བྱས་ནས། སྡེ་ཁུལ་གྱི་སྤྱི་ཕན་ཞབས་ཞུ་རྒྱ་ཁྱབ་ཏུ་སྤེལ་ཏེ། སྤྱི་ཚོགས་ཀྱི་འཆམ་མཐུན་བརྟན་བརླིང་ལ་སྐུལ་འདེད་གཏོང་ཆེད་སྟོབས་ཤུགས་ཅི་ཡོད་འབུལ་དགོས་ཞེས་ནན་བཤད་བྱས།

ཨའོ་མིན་དམིགས་བསལ་སྲིད་འཛིན་ཁུལ་གྱི་སྲིད་འཛིན་དཔོན་ཚིན་ཧའོ་ཧོས་མགོ་རྩོམ་མཛད་སྒོར་ཞུགས་ནས་ཤིས་ཚིག་ཕུལ།