ཁྲིན་ཝུན་ཆིན་གྱིས་ཧུའུ་པེ་ཞིང་ཆེན་དུ་རྟོག་ཞིབ་བྱས།

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན། ཀྲུང་དབྱང་སྲིད་ཁྲིམས་ཨུ་ཡོན་ལྷན་ཁང་གི་ཧྲུའུ་ཅི་ཁྲིན་ཝུན་ཆིན་གྱིས་ཚེས4ཉིན་ནས་ཚེས6ཉིན་བར་ཧུའུ་པེ་རུ་རྟོག་ཞིབ་བྱེད་སྐབས་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་ཟབ་མོ་དང་ལག་ལེན་མཐར་ཕྱིན་བྱེད་པ་དང་། ཞི་ཅིན་ཕིང་གི་ཁྲིམས་སྐྱོང་དགོངས་པ་དང་སྤྱིའི་རྒྱལ་ཁབ་བདེ་འཇགས་ལྟ་བ་ལག་བསྟར་དོན་འཁྱོལ་བྱེད་པ། ཏང་གི་སྲིད་ཁྲིམས་བྱ་བའི་ཐད་ཀྱི་འགོ་ཁྲིད་བརྟན་པོ་རྒྱུན་འཁྱོངས་བྱེད་པ། ཆད་འགོག་མཉམ་འཛིན་དང་རྩ་ལག་མཉམ་བཅོས། ཕྱོགས་བསྡུས་བཅོས་སྐྱོང་། མཉམ་ཤུགས་གྲུབ་པ་བཅས་རྒྱུན་འཁྱོངས་བྱས་ནས། སྟོབས་ཤུགས་ཡོད་རྒུས་ལུགས་གསར་ལོ་སར་དང་ལུགས་རྙིང་ལོ་སར་སྔ་ནུབ་ཀྱི་སྤྱི་ཚོགས་བདེ་འཇགས་བརྟན་འཇགས་ལ་ཁག་ཐེག་བྱེད་དགོས།

ཞའོ་ཀན་གྲོང་ཁྱེར་ཡུན་མིན་རྫོང་རྟེན་མཛོད་གླིང་དུ། ཁྲིན་ཝུན་ཆིན་གྱིས་ས་འོག་ནས་ཐོན་པའི་ཆིན་རྒྱལ་རབས་དང་ཧན་རྒྱལ་རབས་ཀྱི་བཀའ་ཁྲིམས་བསྡུས་ཡིག་འགྲེམ་སྟོན་ལ་བལྟས། ཁོས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རིག་གནས་རང་རྟོན་ཇེ་བརྟན་དུ་གཏོང་བའི་སྐོར་གྱི་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱེད་པ་དང་། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་ཁྲོད་ཀྱི་ཕུན་སུམ་ཚོགས་པའི་ཁྲིམས་སྐྱོང་དགོངས་པ་དང་ཆབ་སྲིད་ཀྱི་རིག་སྟོབས་ལ་གོ་བ་ཟབ་མོ་ལེན་པ། སྲིད་ཁྲིམས་འགན་ནུས་ཀྱི་དུས་རབས་གསར་བའི་བསྐྱོད་ལམ་གསར་བའི་སྟེང་གི་གསར་སྐྲུན་རང་བཞིན་གྱི་ཚུལ་སྒྱུར་དང་གསར་སྐྲུན་རང་བཞིན་གྱི་འཕེལ་རྒྱས་ཟུང་འབྲེལ་བྱེད་པ། སྲིད་ཁྲིམས་ཁྱབ་ཁོངས་ཀྱི་ཁྲིམས་འཛུགས་དང་ཁྲིམས་བསྟར། ཁྲིམས་འཛིན། ཁྲིམས་སྲུང་དང་བཅའ་ཁྲིམས་ལྟ་སྐུལ་བྱ་བ་བསྒྲུབ་པར་གཅིག་འདོམས་བྱས་ནས། སྔར་ལས་ཆུ་ཚད་མཐོ་བའི་ཁྲིམས་སྐྱོང་ཀྲུང་གོ་ཧུར་ཐག་གིས་འཛུགས་སྐྲུན་བྱེད་དགོས།

ཧུའུ་པེ་ཞིང་ཆེན་ཏང་ཨུའི་སྲིད་ཁྲིམས་ཨུ་ཡོན་ལྷན་ཁང་དང་ཝུའུ་ཧན་གྲོང་ཁྱེར་གྱི་གྲོང་ཁྱེར་འཁོར་རྒྱུག་དོ་དམ་ལྟེ་གནས། ཅིན་ཀྲིག་གྲོང་ཁྱེར་ཅིན་ཀྲིག་ཆུའུ་ཏུང་ཁྲིན་མངག་གཏོང་ཁང་། ཞའོ་ཀན་གྲོང་ཁྱེར་ཞའོ་ནན་ཁུལ་ཕྱོགས་བསྡུས་ལྟེ་གནས་བཅས་སུ། ཁྲིན་ཝུན་ཆེན་གྱིས་སྤྱི་ཚོགས་བདེ་སྐྱོང་ཕྱོགས་བསྡུས་བཅོས་སྐྱོང་དང་འགལ་རྩོད་ཐག་གཅོད། འབྲེལ་ཡོད་མི་ཚོགས་ཀྱི་ཞབས་ཞུ་དོ་དམ་སོགས་གནས་ཚུལ་ལ་རྟོག་ཞིབ་ཟབ་མོ་བྱས། ཁོས་ནན་གྱིས་བསྟན་དོན། འགལ་རྩོད་ཉེན་ཁ་ཐག་གཅོད་བྱེད་པ་དང་། སྤྱི་ཚོགས་གཏན་འཇགས་ལ་སྲུང་སྐྱོབ་བྱེད་པའི་ཆེད་དོན་བཅོས་སྐྱོང་སྤེལ་ནས། སྤྱི་ཚོགས་བདེ་སྐྱོང་གི་སྤྱི་ཁོག་གི་འགོག་ཟོན་ལ་ཤུགས་སྣོན་པ་དང་། ཡུལ་གནས་གཙོ་བོ་དང་བྱ་འགུལ་ཆེན་པོའི་དོ་དམ། སྤྱི་ཚོགས་ངོས་ཀྱི་སྐོར་ཞིབ་ཚོད་འཛིན་ལ་ཤུགས་སྣོན་པ། ཁྲོམ་སྲང་གི་ཉེན་རྟོག་པ་གཏོང་ཚད་ཇེ་མང་དུ་བཏང་སྟེ། མི་དམངས་མང་ཚོགས་ཀྱི་བདེ་ཚོར་ཇེ་མཐོར་གཏོང་དགོས།

ཧུའུ་པེ་ཞིང་ཆེན་མཐོ་རིམ་མི་དམངས་ཁྲིམས་ཁང་དང་ཅིན་ཀྲིག་གྲོང་ཁྱེར་ཧྲ་ཧྲི་ཆུའུ་མི་དམངས་ཞིབ་དཔྱོད་ཁང་དུ་རྟོག་ཞིབ་བྱེད་སྐབས། ཁྲིན་ཝུན་ཆེན་གྱིས་ནན་གྱིས་བསྟན་དོན། གློག་སྡོམ་གཉིས་འཛིན་གྱི་ཉེས་དོན་སྲིད་ཇུས་ཕྱོགས་ཡོངས་ནས་ལག་བསྟར་ཡང་དག་བྱེད་དགོས། ཁྲིམས་འཛིན་ཞིབ་གཅོད་བྱ་བའི་ཁྲོད་ཉེས་སྤྱོད་ཀྱིས་སྤྱི་ཚོགས་ལ་ཐེབས་པའི་གནོད་འཚེ་རང་བཞིན་ལ་བསམ་གཞིགས་གང་ལེགས་གཏོང་བ་དང་། མི་དམངས་མང་ཚོགས་ཀྱི་མྱོང་ཚོར་དངོས་ལ་དོ་སྣང་བྱེད་པ། དོན་དངོས་གཞིར་འཛིན་པ་དང་བཅའ་ཁྲིམས་ཚད་ཐིག་ཏུ་བྱས་ནས། ཁྲིམས་འཛིན་ འདྲ་མཉམ་ཡོང་བར་བྱེད་དགོས། ཉེས་དོན་ཚབས་ཆེན་བཟོས་པར་ཁྲིམས་ལྟར་མྱུར་དུ་ཆད་གཅོད་ནན་མོ་བྱས་ཏེ། མི་དམངས་མང་ཚོགས་ཀྱི་ཁྲིམས་མཐུན་ཁེ་དབང་ལ་སྲུང་སྐྱོང་བྱེད་དགོས།