ལིའུ་ཆི་ཧྥན་གྱིས་མཚོ་བྱང་ཁུལ་མིན་ཡོན་རྫོང་དུ་གཞི་རིམ་ཏང་འཛུགས་བྱ་བར་ཞིབ་བཤེར་མཛུབ་སྟོན་བྱས།

ཟླ11པའི་ཚེས13ཉིན། ཞིང་ཆེན་ཏང་ཨུའི་ཧྲུའུ་ཅི་གཞོན་པ་ལིའུ་ཆི་ཧྥན་མཚོ་བྱང་བོད་རིགས་རང་སྐྱོང་ཁུལ་མིན་ཡོན་ཧོས་རིགས་རང་སྐྱོང་རྫོང་དུ་སོང་ནས་གཞི་རིམ་ཏང་འཛུགས་བྱ་བར་ཞིབ་བཤེར་མཛུབ་སྟོན་བྱས་པར་མ་ཟད། གཞི་རིམ་ཏང་འཛུགས་ཀྱི་གཅིག་ཅན་དྲུག་གི་བྱ་བའི་བླང་བྱ་དོན་འཁྱོལ་བྱེད་པའི་བཞུགས་མོལ་ཚོགས་འདུ་བསྡུས། ཁོས་ཞིང་ཆེན་ཏང་ཨུའི་གཞི་རིམ་ཏང་འཛུགས་ཀྱི་གཅིག་ཅན་དྲུག་གི་བྱ་བའི་བླང་བྱ་དོན་འཁྱོལ་ནན་མོ་བྱེད་པ་དང་། རྩ་འཛུགས་ཀྱི་གསོན་ཤུགས་སྐུལ་སྤེལ་བྱེད་པ། མང་ཚོགས་ཀྱིས་བློ་གྲོས་འདོན་པ་དང་། བཅོས་སྐྱོང་ཕན་ནུས་མཐོར་འདེགས་བཏང་སྟེ། སྤུས་ཚད་མཐོ་བའི་ཏང་འཛུགས་ཀྱིས་གཞི་རིམ་བཅོས་སྐྱོང་དེང་རབས་ཅན་ལ་ཁྲིད་སྟོན་བྱེད་དགོས་པ་ནན་གྱིས་བསྟན།

ལིའུ་ཆི་ཧྥན་སྔ་ཕྱིར་སྲིབ་ཞིང་ཡུལ་ཚོ་ལུང་ཆེན་མདོ་སྡེ་བ་དང་། འགག་ལུང་སྡེ་བ་དང་ཤར་ཐང་གྲོང་རྡལ་ཆོས་ཚང་སྡེ་བའི་ཡིག་ཚགས་ཁང་དང་། བདེ་སྐྱིད་ཟ་ཁང་། བརྩེ་སེམས་སྒོ་རྩིས་ཚོང་ཁང་། སྡེ་བའི་ཏང་ཀྲི་པུའུ་ཡི་འགུལ་སྐྱོད་ཁང་བཅས་ཀྱི་འཛུགས་སྐྲུན་དང་འཁོར་རྒྱུག་གནས་ཚུལ་ལ་ལྟ་ཞིབ་བྱས་ཤིང་། ཏང་འཛུགས་ཁྲིད་སྟོན་དེ་གྲོང་གསེབ་བཅོས་སྐྱོང་དང་གྲོང་གསེབ་དར་སྤེལ་གྱི་བརྒྱུད་རིམ་ཧྲིལ་བོར་ཁྱབ་པར་བྱེད་པ་དང་། ཏང་གི་འབོད་སྒྲ་སྒྲོག་ཅིང་། ཆོས་ལུགས་ཀྱི་སྣང་ཚུལ་ཇེ་ལེགས་སུ་བཏང་སྟེ། མང་ཚོགས་ཀྱི་ཆོས་ལུགས་དཔལ་འབྱོར་ཁག་ཁུར་དང་བསམ་བློའི་ཁག་ཁུར་ཇེ་ཡང་དུ་གཏོང་བ།  ཐུན་མོང་དཔལ་འབྱོར་འཕེལ་རྒྱས་འགྲོ་བར་མགྱོགས་མྱུར་ངང་སྐུལ་འདེད་བཏང་ནས།  རིགས་སོ་སོའི་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་སྣང་བཅས་ཇེ་ཆེར་གཏོང་དགོས་པ་ནན་གྱིས་བསྟན། ཧོ་མིན་གྲོང་རྡལ་ཁང་ལི་སྲང་ལམ་གྱི་སྡེ་ཁུལ་ཏང་དང་མང་ཚོགས་ཀྱི་ཞབས་ཞུའི་ལྟེ་གནས་སུ། ཁོས་སྡེ་ཁུལ་བཅོས་སྐྱོང་གི་ཚོང་རྟགས་འཁོར་རྒྱུག་གནས་ཚུལ་ཞིབ་མོར་དྲིས་པ་དང་། སྡེ་ཁུལ་གྱི་རྒན་རྒོན་རོལ་དབྱངས་ཚོགས་པས་སྒྲིག་སྦྱོར་བྱས་པའི་དུས་རབས་གསར་བའི་བདེ་སྐྱིད་འཚོ་བར་བསྟོད་པའི་གླུ་དབྱངས་ལེན་ཞེས་པར་ཉན་ཞིང་། སྡེ་ཁུལ་གྱི་ཏང་རྩ་འཛུགས་ལེགས་པོར་བཙུགས་ནས་སྟོབས་ལྡན་དུ་གྱུར་ཚེ། སྡེ་ཁུལ་བྱ་བར་རྐང་འཛིན་པ་ཡོད་ལ། མང་ཚོགས་ལ་ཞབས་འདེགས་ཞུ་བའི་བྱ་བ་སྣ་ཚོགས་ཞིབ་ཕྲའི་སྒོ་ནས་ལེགས་པོར་བསྒྲུབ་ཐུབ་ཅིང་། སྡེ་ཁུལ་འཆམ་མཐུན་བརྟན་བརླིང་སྒོས་འཕེལ་རྒྱས་སུ་འགྲོ་ཐུབ་པར་བསྟན། ཡུལ་དངོས་སུ་མིན་ཡོན་རྫོང་གི་སྡེ་ལས་དོ་དམ་ལས་རིགས་མཐུན་ཚོགས་ཀྱི་བྱེད་ནུས་ཅན་གྱི་ཏང་ཀྲི་པུའུ་ཡི་དམར་པོའི་སྡེ་ལས་འཛུགས་སྐྲུན་གནས་ཚུལ་ལ་རྒྱུས་ལོན་བྱེད་སྐབས། མཐུན་ཚོགས་ཀྱི་ཕྱོགས་སོ་སོས་མཉམ་ལས་ཤུགས་འདོན་བྱེད་པ་དང་། སྡེ་ཁུལ་གྱི་ཁོར་ཡུག་ལེགས་བཅོས་དང་འགལ་བ་རྩོད་གཞི་སེལ་བ་སོགས་ཀྱི་གནད་དོན་ཐག་གཅོད་ལེགས་པོ་བྱས་པ་མཐོང་རྗེས། ཁོས་གསར་གཏོད་ཀྱིས་ཏང་འཛུགས་དང་ལས་སྒོའི་བྱ་བ་གཏིང་ཟབ་མཉམ་འདྲེས་བྱེད་པར་སྐུལ་འདེད་གཏོང་བ་དང་། སྡེ་ཁག་སོ་སོའི་བར་གྱི་འགལ་བ་སེལ་ཞིང་། སྟོབས་ཤུགས་གཅིག་སྡུད་བྱས་ཏེ། གཞི་རིམ་བཅོས་སྐྱོང་གི་ལས་ཕྱོད་མཐོར་འདེགས་གཏོང་དགོས་པ་ནན་གྱིས་བསྟན།

བཞུགས་མོལ་ཚོགས་འདུའི་སྟེང་། ལིའུ་ཆི་ཧྥན་གྱིས་མཚོ་བྱང་ཁུལ་དང་དེར་གཏོགས་རྫོང་བཞི་ཡི་གཅིག་ཅན་དྲུག་གི་བྱ་བའི་བླང་བྱ་དོན་འཁྱོལ་བྱེད་པའི་བྱ་བའི་གནས་ཚུལ་གྱི་སྙན་ཞུར་ཉན་པ་དང་། གཞི་རིམ་ཏང་འཛུགས་ཀྱི་གཅིག་ཅན་དྲུག་གི་བྱ་བའི་བླང་བྱ་ནི་བྱ་བའི་བྱེད་ཐབས་ཡིན་པར་མ་ཟད་རྟེན་གཞི་གཙོ་བོ་ཡིན་ལ། ཞིང་ཆེན་ཡོངས་ཀྱི་རིམ་པ་སོ་སོའི་ཏང་རྩ་འཛུགས་ཀྱིས་ཧྲུའུ་ཅི་ཡིས་བྱ་བ་དམ་འཛིན་བྱེད་པ་དང་ཧྲུའུ་ཅིར་བླང་བྱ་ནན་མོ་འདོན་པར་གཞིགས་ནས། འགན་འཁྲི་གསལ་ཞིང་འགན་འཁྲི་བསྒྲུབ་པ་དང་། བྱ་བའི་བྱེད་ཐབས་གསར་གཏོད་བྱས་ཏེ། གཅིག་ཅན་དྲུག་གི་བྱ་བའི་བླང་བྱ་དང་གཞི་རིམ་གྱི་དངོས་ཡོད་ཟུང་འབྲེལ་དམ་ཟབ་བྱེད་པ། བྱ་བ་ལེགས་པོར་བསྒྲུབ་ནས་ཕན་འབྲས་ཐོན་པར་བྱེད་པ། གཞི་རིམ་ཏང་འཛུགས་ཀྱི་ཁྱབ་ཁོངས་གཙོ་བོ་དང་ཉམས་ཞན་ཁུལ་ལ་དམ་པོར་དམིགས་ནས། བྱ་བ་གཙོ་བོ་དོན་ཐོག་ཏུ་འཁྱོལ་བར་སྐུལ་འདེད་གཏོང་བ། ཏང་འཛུགས་ཀྱི་འགན་སྒྲུབ་སྙན་ཞུ་དང་གྲོས་གཅོད་བྱ་བ་ནན་མོར་བསྒྲུབ་སྟེ། གྲུབ་འབྲས་ལེགས་པོ་ལེན་དགོས་པ་བཅས་ནན་གྱིས་བསྟན།