<<རྒྱལ་སྲིད་སྤྱི་ཁྱབ་ཁང་གི་འབྲེལ་ཡོད〈རྒྱལ་ཡོངས་ཀྱི་ལོ་སར་དུས་ཆེན་དང་དྲན་གསོའི་ཉིན་མོའི་གུང་གསེང་གཏོང་ཐབས〉ལ་བཟོ་བཅོས་རྒྱག་རྒྱུའི་སྐོར་གྱི་གཏན་འབེབས>>ཟླ11པའི་ཚེས12ཉིན་ཁྱབ་བསྒྲགས་བྱས་པ་དང་། 2025ལོའི་ཟླ1པོའི་ཚེས1ཉིན་ནས་ལག་བསྟར་བྱ་རྒྱུ་རེད། གཏན་འབེབས་ནང་སྤྱི་དམངས་ཡོངས་ལ་གུང་གསེང་གཏོང་བར་ཉིན2མང་དུ་གཏོང་རྒྱུ་སྟེ་ལུགས་རྙིང་གི་གནམ་གང་དང་ཟླ5པའི་ཚེས2ཉིན་གཏན་འབེབས་བྱས་ཡོད། སྤྱི་དམངས་ཡོངས་ལ་གུང་གསེང་གཏོང་བའི་བཀོད་སྒྲིག་ལུགས་མཐུན་དང་གཅིག་གྱུར་གྱིས་གུང་གསེང་གཏོང་བ་དང་ངལ་གསོ་ལེགས་སྒྲིག་བྱས་ཆོག་པ་དང་། གླ་ཕོགས་ཡོད་པའི་ལོ་རེའི་གུང་གསེང་སོགས་ཀྱི་ལམ་ལུགས་དོན་འཁྱོལ་བྱ་རྒྱུ་དང་ཟུང་འབྲེལ་བྱས་ཏེ། དོན་དངོས་ཐོག་གུང་གསེང་ཅུང་རིང་པོ་ཞིག་ཆགས་པར་བྱ་དགོས། དམིགས་བསལ་གྱི་གནས་ཚུལ་རེ་ཟུང་ཕུད་ཁྲིམས་ཀྱིས་གཏན་འཁེལ་བྱས་པའི་དུས་ཆེན་དང་གུང་གསེང་གི་སྔ་རྗེས་སུ་སྤྱིར་བཏང་དུ་བསྟུད་མར་ལས་ཀ་བྱེད་ཡུན་ཉིན6ལས་བརྒལ་མི་ཆོག 

རྒྱལ་སྲིད་སྤྱི་ཁྱབ་ཁང་གཞུང་དོན་ཐིན་གྱིས2025ལོའི་དུས་ཆེན་དང་གུང་གསེང་ཁག་གཅིག་བཀོད་སྒྲིག་བྱ་རྒྱུའི་སྐོར་གྱི་བརྡ་ཐོ་ཚེས12ཉིན་སྤྱི་ཚོགས་ཐོག་ལ་ཁྱབ་བསྒྲགས་བྱས། བརྡ་ཐོ་ལྟར་ན། 2025ལོའི་དཔྱིད་གསར་དུས་ཆེན་ལ་ཉིན་བརྒྱད་དང་། ངལ་རྩོལ་དུས་ཆེན་ལ་ཉིན་ལྔ། རྒྱལ་སྟོན་དུས་ཆེན་དང་ཟླ་མཆོད་དུས་ཆེན་གྱི་གུང་གསེང་ལ་ཉིན་བརྒྱད་བཅས་ཡོད་པ་རེད།