མཚོ་སྔོན་དུ་ཡོད་པའི་རྒྱལ་ཡོངས་དམངས་འཐུས་ཚོགས་ཆེན་གྱི་འཐུས་མི་དང་ཞིང་ཆེན་དམངས་འཐུས་ཚོགས་ཆེན་གྱི་འཐུས་མི་སྐོར་ཞིག་གིས་ལྟ་ཞིབ་བྱ་འགུལ་སྤེལ།
ཉེ་ལམ། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་འཐུས་མིའི་བྱ་བའི་ཨུ་ཡོན་ལྷན་ཁང་གིས་ཞིང་ཆེན་མཐོ་རིམ་མི་དམངས་ཁྲིམས་ཁང་དང་མཉམ་དུ་རྒྱལ་ཡོངས་དམངས་འཐུས་ཚོགས་ཆེན་གྱི་འཐུས་མི་ཀའོ་ཅིན་ཕིང་དང་། ཞིང་ཆེན་དམངས་འཐུས་ཚོགས་ཆེན་གྱི་འཐུས་མི་ལིག་ཀྲི་ཏི་དང་། མགོན་པོ། ཁུང་ཞའོ་ཡུས། ཀྲུའུ་ཅུན། ཆི་ཧའེ་ཞ། ཆི་ཝའེ་ཧྲིག རིན་ཅུས་དབྱི། ཁྲིན་ཕིང་། ཁུའེ་ཅུན་བཅས་ཧུའུ་ཀྲུའུ་ཧོར་རིགས་རང་སྐྱོང་རྫོང་གི་ཁྲིམས་ཁང་དུ་རྟོག་ཞིབ་བྱེད་པར་བསྐྱོད།
འཐུས་མི་རྣམས་ཀྱིས་ཧུའུ་ཀྲུའུ་རྫོང་ཧྲོང་ཧྲུའུ་ཡུལ་ཚོ་མི་དམངས་ཁྲིམས་ར་དང་རྫོང་ཁྲིམས་ཁང་གི“ཚིགས་གཅིག་ཅན”གཏུག་བཤེར་ཞབས་ཞུའི་ཚོམས་ཆེན་དང་ལག་བསྟར་བཀོད་འདོམས་ལྟེ་གནས་སུ་བསྐྱོད་དེ། ཁྲིམས་སྐྱོང་དྲིལ་བསྒྲགས་དང་བཅའ་ཁྲིམས་བློ་འདྲི། རོགས་སྐྱོར། གྱོད་གཞི་བདག་སྤྲོད་སོགས་ཀྱི་ཁྲིམས་འཛིན་བྱ་བའི་བརྒྱུད་རིམ་ལ་རྒྱུས་ལོན་ཞིབ་ཕྲ་བྱས་པ་དང་། བཞུགས་མོལ་ཚོགས་འདུ་འཚོགས་ནས་བྱ་བའི་སྙན་ཞུར་ཉན་པ་མ་ཟད་བསམ་འཆར་བསྡུ་ལེན་བྱས།
ལྟ་ཞིབ་ཁྲོད་འཐུས་མི་རྣམས་ཀྱིས་རྒྱུས་ལོན་པ་ལྟར་ན། ཧུའུ་ཀྲུའུ་རྫོང་ཁྲིམས་ཁང་གིས་ཆ་འཕྲིན་ཅན་གྱི་བྱ་ཐབས་ལ་བརྟེན་ནས། སྡེ་ཁག17དང་མཉམ་དུ་ཁ་དན་ཚིག་ལ་མ་གནས་པར་ཆད་པ་གཅོད་པའི་ལམ་སྲོལ་བཙུགས་ཏེ། “ལག་བསྟར་བྱེད་དཀའ་བའི”གནད་དོན་ཐག་གཅོད་བྱ་རྒྱུར་སྐུལ་འདེད་ནུས་ལྡན་བཏང་བ་དང་། དུས་མཚུངས་འགལ་བ་དང་རྩོད་གཞི་སྣ་ཚོགས་ཐག་གཅོད་བྱེད་པའི་རྐྱེན་སྲོལ་ཧུར་ཐག་གིས་འཚོལ་ཞིབ་བྱས་ནས། ཞིང་ཆེན་ཡོངས་སུ་སྔོན་ལ“ཚིགས་གཅིག་ཅན”ལག་བསྟར་ཞབས་ཞུའི་ལྟེ་གནས་བཙུགས། “གྱོད་གཞི་ཐོ་འགོད་དང་། འདྲི་གཅོད། ལག་བསྟར”བཅས་ཀྱི་གོ་རིམ་ཡོངས་གནས་གཅིག་ནས་བསྒྲུབས་ཐུབ་པ་མངོན་འགྱུར་བྱུང་བས། གྱོད་གཞི་སྒྲུབ་པའི་སྤུས་ཚད་དང་ཕན་ནུས་ཇེ་ཆེར་སོང་ཡོད།
འཐུས་མི་རྣམས་ཀྱིས་ཧུའུ་ཀྲུའུ་རྫོང་ཁྲིམས་ཁང་གིས་ཁྲིམས་ལྟར་འགན་འཁྲི་སྒྲུབ་པ་དང་གཞུང་དྲང་ཁྲིམས་འཛིན་ལག་བསྟར་བྱེད་པའི་ཐད་བླངས་པའི་གྲུབ་འབྲས་ལ་ཁས་ལེན་གང་ལེགས་གནང་བ་དང་། དེ་དང་ཆབས་ཅིག་བྱ་བའི་ཐད་ཕྱོགས་གཉིས་ནས་གྲོས་འགོ་བཏོན་པ་སྟེ། གཅིག་ནི་གྲུབ་འབྲས་ཐོབ་པའི་བྱེད་ཐབས་དང་སྔོན་ཐོན་ཉམས་མྱོང་ཕྱོགས་སྡོམ་ནན་ཏན་དང་ཁྱབ་གདལ་ཡག་པོ་བཏང་སྟེ། ཞིང་ཆེན་ཡོངས་ཀྱི་ཁྲིམས་ཁང་མ་ལག་གིས་ཁྲིམས་ལྟར་གྱོད་གཞི་སྒྲུབ་པ་དང་གཞུང་དྲང་ཁྲིམས་འཛིན་བྱ་བའི་ཐད་གྲུབ་འབྲས་སྔར་ལས་ཅེན་པོ་ཐོབ་རྒྱུར་སྐུལ་འདེད་གཏོང་དགོས། གཉིས་ནི་ཧྲོང་ཧྲུའུ་ཡུལ་ཚོའི“ལྟེ་བ་གཅིག་གིས་སྣེ་ཁྲིད་དང་། གཉིས་འབྲེལ་མཉམ་འགུལ། ལྔ་སྐྱོང་མཉམ་འདྲེས”བཅས་ཀྱི་གཞི་རིམ་གྱི་སྤྱི་ཚོགས་བཅོས་སྐྱོང་རྐྱེན་སྲོལ་སྤྱི་བསྡོམས་ནན་མོ་བྱས་ཏེ། འབྲེལ་ཡོད་སྡེ་ཁག་དང་མཉམ་དུ་སྡེ་བའི་མང་ཚོགས་ལ་ཁྲིམས་ལུགས་ཁྱབ་གདལ་གྱི་དྲིལ་བསྒྲགས་སློབ་གསོར་ཤུགས་སྣོན་པ་དང་། སྣ་མང་རྩོད་གཞི་ཐག་གཅོད་བྱེད་པའི་རྐྱེན་སྲོལ་སྔར་ལས་འཐུས་ཚང་དུ་བཏང་ནས་མཚོ་སྔོན་གྱི་ཁྱད་ཆོས་ལྡན་པའི་དུས་རབས་གསར་པའི“ཧྥེང་ཆའོ་ཉམས་མྱོང”ལེགས་སྐྲུན་བྱེད་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注