ཐི་ལིང་ཕུའུ་ཡིས་བརྒྱུད་པའི་སྒོ་ནས་དབྱི་ལིང་བར་ཉིང་རྡུལ་ནུས་པའི་གྲོས་མོལ་བྱེད་པར་བསམ་བློ་གཏོང་བཞིན་ཡོད་པའི་ཚུལ་བསྟན།

ཨ་མེ་རི་ཁའི་ཨ་ཁི་ཞི་ཨོ་སི་གསར་འགྱུར་དྲ་ཚིགས་ཀྱིས་ཚེས2ཉིན་བསྒྲགས་པ་ལྟར་ན། ཐི་ལིང་ཕུའུ་སྲིད་གཞུང་གིས་ཉིང་རྡུལ་ནུས་པའི་གནད་དོན་ཐད་ནས་དབྱི་ལིང་དང་ཨ་མེ་རི་ཁས་བརྒྱུད་པའི་གྲོས་མོལ་སྤེལ་བར་བསམ་བློ་གཏོང་བཞིན་ཡོད་ཟེར།

ཨ་མེ་རི་ཁའི་དཔོན་རིགས་གཉིས་ཀྱིས་བཤད་རྒྱུར། ཨ་མེ་རི་ཁས་དབྱི་ལིང་བར་བརྒྱུད་པའི་གྲོས་མོལ་སྤེལ་བར་བསམ་བློ་གཏོང་བཞིན་ཡོད་པ་དང་། དེའི་ཞོར་དུ་དབུས་ཤར་ས་ཁུལ་དུ་དམག་ཤུགས་ཁ་སྣོན་བྱས་ཏེ། ཙུང་ཐུང་ཐི་ལིང་ཕུའུ་ཡིས་དབྱི་ལིང་ལ་དམག་དོན་ཆམ་ཕབ་གཏོང་བར་གྲ་སྒྲིག་བྱེད་རྒྱུ་ཡིན་ཟེར།

ཨ་མེ་རི་ཁའི་རྒྱལ་སྲུང་པུའུ་ཡིས་ཟླ4བའི་ཚེས1ཉིན་ཁཱ་ཨར་ཝུན་སིན་རྟགས་ཅན་གྱི་གནམ་གྲུ་འབབ་སའི་གྲུ་གཟིངས་དེ་དབུས་ཤར་ས་ཁུལ་དུ་མངག་རྒྱུ་ཡིན་པ་ཁྱབ་བསྒྲགས་བྱས་པས། ཨ་མེ་རི་ཁའི་དམག་དཔུང་གི་ས་ཁུལ་དེའི་གནམ་གྲུ་འབབ་སའི་གྲུ་གཟིངས་ཀྱི་ཁ་གྲངས་གཉིས་ལ་འཕར་ཡོད། དེའི་ཞོར་དུ་ཨ་མེ་རི་ཁའི་དམག་དཔུང་གིས་ད་རུང་དབུས་ཤར་ས་ཁུལ་དུ་སྔར་ལས་མང་བའི་འཐབ་འཛིང་གནམ་གྲུ་དང་བར་སྣང་སྟོབས་ཤུགས་གཞན་པ་ཁ་སྣོན་བྱས་ནས་བར་སྣང་རོགས་སྐྱོར་ནུས་པ་ཇེ་དྲག་ཏུ་གཏོང་རྒྱུ་ཡིན་ཟེར།