ཨེ་ཅིབ་དང་ཨ་མེ་རི་ཁ་རྒྱལ་ཁབ་གཉིས་ཀྱི་ཙུང་ཐུང་གིས་ཁ་པར་བརྒྱུད་དེ་དབུས་ཤར་གནས་བབ་སོགས་གྲོས་གཞིར་གྲོས་བསྡུར་བྱས།

ཨེ་ཅིབ་ཀྱི་ཙུང་ཐུང་སེ་ཞི་ཡིས་ཟླ4བའི་ཚེས1ཉིན་ཨ་མེ་རི་ཁའི་ཙུང་ཐུང་ཐི་ལིང་ཕུའུ་ལ་ཁ་པར་བཏང་སྟེ། ཕྱོགས་གཉིས་ཀྱིས་དབུས་ཤར་ས་ཁུལ་གྱི་གནས་བབ་དང་ཕྱོགས་གཉིས་ཀྱི་འབྲེལ་བ་སོགས་གྲོས་གཞིར་གྲོས་བསྡུར་བྱས།

ཨེ་ཅིབ་ཀྱི་ཙུང་ཐུང་བཞུགས་ཤག་གིས་ཉིན་དེར་གསལ་སྒྲོག་ཅིག་ལས་བཤད་རྒྱུར། རྒྱལ་ཁབ་གཉིས་ཀྱི་མགོ་ཁྲིད་པས་དབུ་ཤར་ས་ཁུལ་གྱི་ཞི་བདེ་སླར་གསོ་བྱེད་པའི་ཐད་བར་འདུམ་བྱ་བ་སྤེལ་བར་གྲོས་བསྡུར་བྱས་པར་མ་ཟད། བྱ་བ་དེ་དག་ལས་མཚོ་དམར་མཚོ་ཁོངས་ཀྱི་འགྲུལ་བཞུད་ལ་ཤུགས་རྐྱེན་བཟང་བོ་ཐེབས་ནས། ཕྱོགས་སོ་སོའི་འབྲེལ་ཡོད་ཀྱི་དཔལ་འབྱོར་གྱོང་གུད་ཇེ་ཉུང་དུ་གཏོང་བར་ཕན་ཐོགས་ཡོད་ཟེར། དེ་ལས་གཞན་ཕྱོགས་གཉིས་ཀྱིས་རྒྱལ་ཁབ་གཉིས་ཀྱི་མི་དམངས་ཀྱི་ཐུན་མོང་ཁེ་ཕན་དང་འཚམ་པའི་བྱེད་ཐབས་ཀྱིས་མཉམ་ལས་བྱ་བ་མུ་མཐུད་དུ་སྤེལ་འདོད་ཡོད་པ་ནན་བཤད་བྱས།

ཐི་ལིང་ཕུའུ་ཡིས་ཉིན་དེར་དྲ་ཐོག་ཏུ་རྩོམ་ཡིག་སྤེལ་ནས། ཁོ་དང་སེ་ཞི་ཡི་ཁ་པར་གྲོས་མོལ་ཧ་ཅང་བདེ་བླག་ཡིན་པ་དང་ཕྱོགས་གཉིས་ཀྱིས་གྲོས་གཞི་མང་བོར་གྲོས་བསྡུར་བྱས། དེའི་ནང་ཨ་མེ་རི་ཁས་ཡེ་མིན་གྱི་ཧུའུ་སེ་དྲག་ཆས་པར་ཆམ་ཕབ་གཏོང་བའི་འགུལ་སྐྱོད་དང་ཅཱ་ཧྲ་ས་ཁུལ་གྱི་འཁྲུག་རྩོད་སོགས་འདུས་ཡོད་ཟེར།