ཐཱ་ཅི་ཁི་སི་ཐན་དང་ཅིར་ཅི་སི་སི་ཐན་རྒྱལ་ཁབ་གཉིས་ཀྱི་ཙུང་ཐུང་གིས་རྒྱལ་ཁབ་ཀྱི་མཐའ་མཚམས་གྲོས་མཐུན་གྱི་ཆོད་མཆན་ཡི་གེ་བརྗེ་སྤོར་བྱེད་པའི་གྲོས་ཆོད་ཡི་གེ་བཀོད།

ཐཱ་ཅི་ཁི་སི་ཐན་གྱི་ཙུང་ཐུང་དྲ་ཚིགས་ཀྱིས་བསྒྲགས་པ་ལྟར་ན། ཐཱ་ཅི་ཁི་སི་ཐན་གྱི་ཙུང་ཐུང་ལཱ་ཧི་མིན་དང་ཅིར་ཅི་སི་སི་ཐན་གྱི་ཙུང་ཐུང་ཀྲ་ཕཱ་ལོ་ཧྥུའུ་གཉིས་ཀྱིས་ཟླ3པའི་ཚེས31ཉིན་ཐཱ་ཅི་ཁི་སི་ཐན་གྱི་གྲོང་ཁྱེར་ཆེན་པོ་གཉིས་པ་ཁུའུ་ཀྲན་ནས་རྒྱལ་ཁབ་ཀྱི་མཐའ་མཚམས་གྲོས་མཐུན་གྱི་ཆོད་མཆན་ཡི་གེ་བརྗེ་སྤོར་བྱེད་པའི་གྲོས་ཆོད་ཡི་གེ་བཀོད།

ཐཱ་ཅི་ཁི་སི་ཐན་དང་ཅིར་ཅི་སི་སི་ཐན་རྒྱལ་ཁབ་གཉིས་ཀྱི་ཙུང་ཐུང་གིས་ཉིན་དེར་ཁུའུ་ཀྲན་ནས་ཕྱོགས་གཉིས་ཀྱི་གྲོས་མོལ་སྤེལ་ཏེ། ཉོ་ཚོང་དང་དཔལ་འབྱོར། ནུས་ཁུངས། རིག་གནས་དང་མི་ཆོས་རིང་ལུགས་ཁྱབ་ཁོངས་ཀྱི་མཉམ་ལས་བཅས་ཀྱི་ཐད་ནས་གྲོས་བསྡུར་བྱས། གྲོས་མོལ་མཇུག་སྒྲིལ་རྗེས་ཕྱོགས་གཉིས་ཀྱིས་ཐཱ་ཅི་སི་ཁི་ཐན་དང་ཅིར་ཅི་སི་སི་ཐན་རྒྱལ་ཁབ་གཉིས་ཀྱི་མཐའ་མཚམས་གྲོས་མཐུན་གྱི་ཆོད་མཆན་ཡི་གེ་བརྗེ་སྤོར་བྱེད་པའི་གྲོས་ཆོད་ཡི་གེ་བཀོད།

ཐཱ་ཅི་ཁི་སི་ཐན་དང་ཅིར་ཅི་སི་སི་ཐན་རྒྱལ་ཁབ་གཉིས་ཀྱི་མཐའ་མཚམས་རིང་ཚད་ལ་སྤྱི་ལེ970ཙམ་ཡོད་པ་དང་། རྒྱལ་ཁབ་གཉིས་ཀྱིས2002ལོ་ནས་བཟུང་རྒྱལ་མཚམས་དབྱེ་བའི་གནད་དོན་ལ་གྲོས་མོལ་བྱེད་མགོ་བརྩམས།

2022ལོའི་སྟོན་ཁ་ནས་བཟུང་། ཐཱ་ཅི་ཁི་སི་ཐན་དང་ཅིར་ཅི་སི་སི་ཐན་རྒྱལ་ཁབ་གཉིས་ཀྱི་མཐའ་མཚམས་དབྱེ་བའི་གནད་དོན་ལ་གཅིག་བསྡུས་ཀྱིས་གྲོས་མོལ་བྱས་པ་དང་། 2024ལོའི་ཟླ12པར་རྒྱལ་ཁབ་གཉིས་ཀྱི་མཐའ་མཚམས་དབྱེ་བའི་བྱ་བ་ཚང་མ་ཡོངས་འགྲུབ་བྱས། 2025ལོའི་ཟླ2པར། རྒྱལ་ཁབ་གཉིས་ཀྱི་འཐུས་ཚབ་ཚོགས་པས་མཐའ་མཚམས་དབྱེ་བའི་ཆེས་མཇུག་མཐའི་གྲོས་ཆོད་བཀོད།