ཧན་ཀྲིན་གྱིས་ཧི་ལན་ཧྥེ་ལིས་ཕུའུ་ཀུང་ཟིའི་དབུ་བཞུགས་ལག་བསྟར་དཔོན་ཅཱ་པོ་རུའེ་ལ་མཇལ་འཕྲད་གནང་།
ཟླ4ཚེས1ཉིན། རྒྱལ་ཁབ་ཀྱི་ཀྲུའུ་ཞི་གཞོན་པ་ཧན་ཀྲིན་གྱིས་པེ་ཅིང་དུ་ཧི་ལན་ཧྥེ་ལིས་ཕུའུ་ཀུང་ཟིའི་དབུ་བཞུགས་ལག་བསྟར་དཔོན་ཅཱ་པོ་རུའེ་ལ་མཇལ་འཕྲད་གནང་།
ཧན་ཀྲིན་གྱིས་བསྟན་དོན། མིག་སྔར་རྒྱལ་སྤྱིའི་འཕེལ་རྒྱས་ཁོར་ཡུག་ལ་རྙོག་འཛིང་ཆེ་ཞིང་གཏིང་ཟབ་པའི་འགྱུར་ལྡོག་འབྱུང་བཞིན་ཡོད་པ་དང་། ངེས་གཏན་མིན་པ་དང་གཏན་འཇགས་མིན་པའི་རང་བཞིན་ཇེ་མང་དུ་འགྲོ་བཞིན་ཡོད། ཀྲུང་གོ་དང་ཧི་ལན་ནི་སྒོ་འབྱེད་རྣམ་པའི་དཔལ་འབྱོར་ཕུང་བོ་ཡིན་པ་དང་། དཔལ་འབྱོར་འཛམ་གླིང་ཅན་དུ་འགྱུར་བའི་དར་སྤེལ་གཏོང་མཁན་དང་། སྐུལ་འདེད་གཏོང་མཁན། ཕན་པ་ཐོབ་མཁན་བཅས་ཡིན། ཀྲུང་གོས་ཐོག་མཐའ་བར་གསུམ་དུ་སྒོ་འབྱེད་རྣམ་པའི་འཛམ་གླིང་དཔལ་འབྱོར་འཛུགས་སྐྲུན་བྱ་རྒྱུར་གཞོལ་ནས། ཆུ་ཚད་མཐོ་བའི་སྒོ་འབྱེད་ཀྱིས་ཀྲུང་གོ་དང་ཧི་ལན། ཀྲུང་གོ་དང་ཡོ་རོབ་དཔལ་འབྱོར་ཉོ་ཚོང་མཉམ་ལས་ལ་སྐུལ་འདེད་གཏོང་རྒྱུ་རྒྱུན་འཁྱོངས་བྱས་ཚེ། རྒྱལ་ཁོངས་ལས་བརྒལ་བའི་ཀུང་ཟིར་འཕེལ་རྒྱས་ཀྱི་གོ་སྐབས་གསར་པ་བསྐྲུན་ངེས། ཧྥེ་ལིས་ཕུའུ་ཀུང་ཟིས་མུ་མཐུད་དུ་ཀྲུང་གོ་ནས་ཞིབ་འཇུག་གསར་སྤེལ་བྱེད་པར་ཤུགས་འདོན་པ་དང་། ཀྲུང་གོ་དང་ཡོ་རོབ་དཔལ་འབྱོར་ཉོ་ཚོང་མཉམ་ལས་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་ཆེད་དགེ་མཚན་ལྡན་པའི་ནུས་པ་འདོན་སྤེལ་བྱ་རྒྱུར་སྐུལ་འདེད་གཏོང་དགོས།
ཅཱ་པོ་རུའེ་ཡིས་བསྟན་དོན། གཟའ་འཁོར་སྔོན་མར་ཀྲུའུ་ཞི་ཞི་ཅིན་ཕིང་གིས་རྒྱལ་སྤྱིའི་བཟོ་ཚོང་ལས་རིགས་ཀྱི་འཐུས་མིར་མཇལ་འཕྲད་གནང་བའི་སྐབས་ཀྱི་གསུང་བཤད་གལ་ཆེན་གྱིས་མི་རྣམས་ལ་སྐུལ་མ་ཐེབས་པ་ཞིག་རེད། ཧྥེ་ལིས་ཕུའུ་ཀུང་ཟིས་ཀྲུང་གོའི་དཔལ་འབྱོར་འཕེལ་རྒྱས་ཀྱི་མདུན་ལྗོངས་དང་ཀྲུང་གོའི་ཁྲོམ་ར་གོ་སྐབས་སུ་བྱས་ནས། ཀྲུང་གོ་རུ་ཡུན་རིང་འཕེལ་རྒྱས་གཏོང་བའི་འཐབ་ཇུས་མུ་མཐུད་དུ་རྒྱུན་འཁྱོངས་བྱས་ཏེ། ཧི་ལན་དང་ཀྲུང་གོའི་བརྗེ་རེས་མཉམ་ལས་ལ་སྐུལ་འདེད་གཏོང་རྒྱུ་ཡིན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注