ཕུའུ་ཅིན་གྱིས་དཔྱིད་ཀའི་དམག་བསྡུའི་བཀའ་རྒྱ་བཀོད།

ཨུ་རུ་སིའི་ཙུང་ཐུང་ཕུའུ་ཅིན་གྱིས་ཟླ3པའི་ཚེས31ཉིན་དཔྱིད་ཀའི་དམག་བསྡུའི་བཀའ་རྒྱ་བཀོད།

བཀའ་རྒྱ་ལྟར་ན། 2025ལོའི་ཟླ4བའི་ཚེས1ཉིན་ནས་ཟླ7པའི་ཚེས15ཉིན་བར། ལོ་ཚོད18ནས30བར་ཡིན་ཞིང་། དམག་ལ་ཞུགས་མྱོང་མེད་པའི་ཨུ་རུ་སི་རྒྱལ་ཕྲན་མཉམ་འབྲེལ་གྱི་སྤྱི་དམངས་ལ་དམིགས་ནས་དམག་བསྡུའི་བྱ་བ་སྤེལ་རྒྱུ་ཡིན་པ་དང་། དམག་བསྡུའི་སྤྱི་གྲངས་ས་ཡ་གཅིག་དང་འབུམ་དྲུག་ཡིན་པ་རེད།

ཨུ་རུ་སིའི་རྒྱལ་སྲུང་པུའུ་ཡིས་བཤད་རྒྱུར། མི་འགྱངས་པར་སྤེལ་རྒྱུ་ཡིན་པའི་དམག་བསྡུའི་བྱ་འགུལ་དེ་ཝུའུ་ཁི་ལན་གྱི་དམིགས་བསལ་དམག་དོན་འགུལ་སྐྱོད་ལ་འབྲེལ་བ་ཅི་ཡང་མེད་པ་དང་། དམག་བསྡུའི་བྱ་འགུལ་དེ་འཆར་གཞི་ཡོད་པའི་སྒོ་ནས་ཨུ་རུ་སི་རྒྱལ་ཕྲན་མཉམ་འབྲེལ་གྱི་བཅའ་ཁྲིམས་གཏན་འཁེལ་གྱི་དུས་ཚོད་ནང་སྤེལ་རྒྱུ་ཡིན་ཟེར།

ཨུ་རུ་སི་ཡིས་ལོ་རེའི་དཔྱིད་ཀ་དང་སྟོན་ཁར་དམག་བསྡུའི་བྱ་འགུལ་ཐེངས་རེ་སྤེལ་བཞིན་ཡོད་པ་དང་། 2024ལོའི་དཔྱིད་ཀར། ཨུ་རུ་སི་ཡིས་བསྡོམས་པས་མི་འབུམ་གཅིག་དང་ཁྲི་ལྔ་དམག་དཔུང་ནང་བསྡུས་པ་རེད།