ཨུ་རུ་སིའི་རྒྱལ་སྲུང་པུའུ་ཡིས་ཝུའུ་ཁི་ལན་གྱིས་མུ་མཐུད་དུ་ཨུ་རུ་སིའི་ནུས་ཁུངས་རྨང་གཞིའི་སྒྲིག་ཆས་ལ་དཔུང་འཇུག་བྱས་པའི་ཚུལ་བསྟན།

ཨུ་རུ་སིའི་རྒྱལ་སྲུང་པུའུ་ཡིས་ཟླ3པའི་ཚེས31ཉིན་གསལ་སྒྲོག་སྤེལ་ཏེ། ཝུའུ་ཁི་ལན་ཕྱོགས་ཀྱིས་དེའི་སྔོན་ནུས་ཁུངས་སྒྲིག་ཆས་དེ་ཆམ་ཕབ་གཏོང་སའི་དམིགས་འབེན་དུ་བྱེད་མི་སྲིད་པ་ཁས་ལེན་བྱས་ཡོད་ཀྱང་། ཝུའུ་ཁི་ལན་གྱི་དྲག་ཆས་དམག་དཔུང་གིས་སྔར་བཞིན་ཨུ་རུ་སིའི་མངའ་ཁོངས་ཀྱི་ནུས་ཁུངས་རྨང་གཞིའི་སྒྲིག་ཆས་ལ་མུ་མཐུད་དུ་འཇབ་རྒོལ་བྱེད་བཞིན་ཡོད་ཟེར།

ཨུ་རུ་སིའི་རྒྱལ་སྲུང་པུའུ་ཡིས་བསྒྲགས་པ་ལྟར་ན། ཟླ3པའི་ཚེས30ཉིན་གྱི་དགོང་མོར། ཨུ་རུ་སིའི་ལིང་སི་ཁི་མངའ་སྡེའི་ནུས་ཁུངས་སྒྲིག་ཆས་མང་བོར་ཝུའུ་ཁི་ལན་གྱི་འཇབ་རྒོལ་ཐེབས་ནས། ས་ཁུལ་སྐོར་ཞིག་ལ་གློག་ཆད་ཡོད་ཟེར།

ཨུ་རུ་སིའི་རྒྱལ་སྲུང་པུའུ་ཡིས་བཤད་རྒྱུར། ཝུའུ་ཁི་ལན་གྱི་དྲག་ཆས་དམག་དཔུང་གིས་མུ་མཐུད་དུ་བསམ་བཞིན་ཨུ་རུ་སིའི་ནུས་ཁུངས་སྒྲིག་ཆས་ལ་འཇབ་རྒོལ་བྱས་པ་ལས་ཝུའུ་ཁི་ལན་གྱིས་འཁྲུག་རྩོད་ཐག་གཅོད་བྱེད་པའི་ཐད་ཀྱི་འོས་འགན་ལག་བསྟར་གཏན་ནས་བྱས་མེད་པ་མཚོན་ཡོད་ཟེར།