ཁི་ལེ་ཁི་ནཱ་འཇར་མན་རྒྱལ་ཕྲན་མཉམ་འབྲེལ་གྲོས་ཁང་གི་གྲོས་དཔོན་དུ་བདམས་ཐོན་བྱུང་།
སྐབས་གསར་བའི་འཇར་མན་རྒྱལ་ཕྲན་མཉམ་འབྲེལ་གྲོས་ཁང་གིས་ཚེས25ཉིན་ཚང་འཛོམས་གྲོས་ཚོགས་ཐེངས་དང་པོ་བསྡུས་ཏེ། ཡེ་ཤུའི་ཆོས་ལུགས་དམངས་གཙོ་མནའ་འབྲེལ་གྱི་ཁི་ལེ་ཁི་ནཱ་སྐབས་གསར་བའི་རྒྱལ་ཕྲན་མཉམ་འབྲེལ་གྲོས་ཁང་གི་གྲོས་དཔོན་དུ་བདམས་ཐོན་བྱུང་།
སྐབས་འདིའི་འཇར་མན་རྒྱལ་ཕྲན་མཉམ་འབྲེལ་གྲོས་ཁང་ལ་བསྡོམས་པས་ལས་གནས630ཡོད་པ་དང་། ཁི་ལེ་ཁི་ནཱ་ལ་འདེམ་ཤོག382ཐོབ་ནས། བདམས་ཐོན་བྱེད་པར་མཁོ་བའི་འདེམ་ཤོག་གི་ཕྱེད་གྲངས་ལས་བརྒལ་ཡོད།
ཁི་ལེ་ཁི་ནཱ་ནི1972ལོར་སྐྱེས་པ་དང་། སྔོན་ཆད་རྒྱལ་ཕྲན་མཉམ་འབྲེལ་གྲོས་ཁང་གི་གྲོས་མི་དང་གྲོས་ཁང་རྒྱལ་དོན་དྲུང་ཡིག ཟས་རིགས་དང་ཞིང་ལས་པུའུ་ཀྲང་སོགས་ཀྱི་འགན་ཁུར་མྱོང་། ཁི་ལེ་ཁི་ནཱ་བདམས་ཐོན་བྱུང་རྗེས་ལས་འགན་ཁུར་བའི་གཏམ་བཤད་སྤེལ་ཏེ། འཇར་མན་གྱིས་རྒྱལ་སྤྱིའི་འགྲན་རྩོད་ནུས་པ་བརྩོན་ལེན་བྱེད་ཆེད་འབད་འཐབ་བྱས་ཏེ། འཕར་སྣོན་དང་དར་རྒྱས། ལས་ཞུགས། རྒྱུན་མཐུད་འཕེལ་རྒྱས་བཅས་མངོན་འགྱུར་བྱེད་བཞིན་ཡོད། སྐབས་གསར་བའི་རྒྱལ་ཕྲན་མཉམ་འབྲེལ་གྲོས་ཁང་གིས་སྤྱི་ཚོགས་དང་ཆབ་སྲིད། དཔལ་འབྱོར། ས་ཁུལ་བཅས་ཀྱི་འཐབ་ཇུས་ལ་ཟང་ཟིང་ཆེ་བའི་དུས་སུ་བྱ་བ་བྱེད་མགོ་བརྩམས་པ་ཡིན་པས། འཇར་མན་གྱིས་མུ་མཐུད་དུ་བཅོས་བསྒྱུར་བྱེད་དགོས་པ་དང་ཡིད་ཆེས་སྲུང་འཛིན་བྱེད་དགོས་ཟེར།
སྐབས་ཉེར་གཅིག་པའི་འཇར་མན་རྒྱལ་ཕྲན་མཉམ་འབྲེལ་གྲོས་ཁང་གི་འདེམ་བསྐོའི་བྱ་འགུལ་དེ་ཟླ2པའི་ཚེས23ཉིན་སྤེལ་བ་དང་། ཡེ་ཤུའི་ཆོས་ལུགས་དམངས་གཙོ་མནའ་འབྲེལ་དང་ཡེ་ཤུའི་ཆོས་ལུགས་སྤྱི་ཚོགས་མནའ་འབྲེལ་གཉིས་ཀྱིས་རྩ་འཛུགས་བྱས་པའི་མནའ་འབྲེལ་ཏང་གི་འདེམ་ཤོག་ཐོབ་ཚད་སྲིད་ཏང་གཞན་ལས་ལྷག་པས་གྲོས་ཁང་གི་ཏང་ཁག་ཆེན་མོ་དང་པོར་གྱུར་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注